برجاء الافاده بخصوص نيسان صنى 2011
 

السلام عليكم ورحمه الله وبركاته

عضو جديد معاكم ف المنتدى
وبعتذر لو كان الموضوع بايخ شويتين

وكنت افكر بشده ف شراء نيسان صنى
كا كل سياره ممتازه جدا
وجبت بالفعل عرض سعر ليها من كذا معرض
للجديه ف الشراء على الاسبوع القادم

لكن ف شىء مجننى
انا عاوز صوره للنيسان صنى 2011
رجاء
لانى ما شوفتهاش ف كذا معرض عندنا ف الشرقيه
وبلغونى انهم هيجبوها ليا

من ملاك العربيه

محتاج صوره للنيسان صنى 2011

لانى شوفت ف كذا موقع
حاجات غير بعض
وف الموقع هنا
المواضيع باسم نيسان صنى 2012
شوفتها على النت باسم 2011
ف مواقع تانيه
وكذلك ف اليو تيوب
الامر متضارب عندى بشكل كبير


اتمنى معرفه صوره حقيقه للنيسان صنى 2011
رجاء من اى شخص يمتلك العربيه
او صاحب الموضوع

افادتى

ولكم التحيه

رد: برجاء الافاده بخصوص نيسان صنى 2011
 

جايب لحضرتك صور عربيتي مو 2011 مانيوال ex
ودة الشكل الي نازل هنا مصر ملكش دعوة بالي برة مصر
http://www.m5zn.com/uploads/2011/2/1...q0yyscxr9i.jpg
http://www.m5zn.com/uploads/2011/2/1...5edpxmfal4.jpg
http://www.m5zn.com/uploads/2011/2/1...f7q43q5ewt.jpg

رد: برجاء الافاده بخصوص نيسان صنى 2011
 

ربنا يباركلك فيها يا دكتور وانت جبتها حمرا زى ماقولتلك كذا مره عشان الأهلى غالب عليك هههههه

رد: برجاء الافاده بخصوص نيسان صنى 2011
 

ههههههههههههههههههههههههه ههه
والله مش عاوز اجيب السيرة دي حاسس انها فقر ..اول مرة الموقع وقع لمدة يومين
تاني مرة بعد المقابلة مصر عملت ثورة
اهو دلوقتي لا في اهلي ولازمالك
مبسوط؟؟هههههههههههههههههه ههههه

رد: برجاء الافاده بخصوص نيسان صنى 2011
 

السلام عليكم ورحمه الله وبركاته


الف شكر ليك يا فندم :(:(
بس النيسان شكلها كدا احبطني شويتين

مش فاهم ازاى شركه زي نيسان صنى
تفضل ما بتغيرش ف الموديل بتاعها نهائى بالشكل دا
الا حاجات طفيفه جدا

:(

احنا المفروض بنخلص ف اوراق
super salon


ربنا يتمم ال فيه الخير


الف شكر لحضرتك للرد و التوضيح

جزاك الله كل خير

رد: برجاء الافاده بخصوص نيسان صنى 2011
 

معلش بعد اذن حضرتك

اومال دا عربيه ايه :D

http://www.hi-motor.com/%D8%B3%D9%8A...er-Saloon.html



هل دا شكل السوبر صالون فعلا

ولا هو هو نفس شكل عربيه حضرتك ؟؟؟؟؟


واسف بشده على الازعاج

رد: برجاء الافاده بخصوص نيسان صنى 2011
 

حضرتك كلنا اخواتك وخد راحتك في الاسئلة ولاداعي للاعتذار
دة فعلا شكل النيسان الي نازل برة مصر لاكن الشكل دة منزلش مصر .. ببساطة احنا عندنا المصنع الي في 6 اكتوبر بيصنع الشكل الي حضرتك شفتة في عربيتي .. والشكل دة مش بينزل في اي حتة في العالم الا مصر ومتسالش لييية؟؟؟
ببساطة عشان معنديش رد
شكل الخارجي للسوبر صالون نفس شكل الex صالون ماعدا الجنوط فقط لاكن من جوة في اختلافات اكتر
اي خدمةGIFT4U