سعر ال RB اتغير
 

الاخوه الاعزاء هذه اول مشاركة لى فى هذا المنتدى القيم وكنت اتمنى ان تكون مضمونها خبر سعيد للاخوه الاعضاء لكن للاسف لا
والخبر هو انى كنت حاجز سيارة اكسنت RB ولم استطع تسلمها قبل المظاهرات التى ادت الى حالة شلل بالبلد لمده عشرة ايام
ولما رجعت العجله تمشى اتصلت بغبور لاكمل الاتفاق واتسلم السياره فابلغنى الموظف ان حرطة البيع متوقفه الان واول ما هتفتح هيبلغنى
انتظرت حتى وصلنى اتصال منه بالامس ليبغنى فيه ان سعر السيارة زاد 3600 جم نتيجة زيادة سعر الدولار نتيجة المظاهرات
ضربت كف على كف وقلتله هو غبور نايم على نفسه ولا ايه ؟ وابلغته ان السياره اصلا غاليه وكان يجب ان ينزل سعرها مش يزوده ؟
فاضطررت ان الغى الحجز خالص لانى احسست بانه بيستغلنى
هذا للعلم وشكرا

رد: سعر ال RB اتغير
 

فعلا لو السعر غلي يعني بقت ب 100 الف انا هلغي فكرة ال RB دي ................كدة كتير بجد:12F099~16:

رد: سعر ال RB اتغير
 

والله انا برده من الناس اللي كنت بفكر فيها وصرفت نظر عنها بعد زيادة سعرها اللي هو اصلا كتير عليها....ماتعلموش من فشل ال i20

رد: سعر ال RB اتغير
 

واللهي واللهي نفس اللي حصل معايا بالظيط اتصلت امبارح بيهم لقيتوا بيقولوا الاسعار زادات علشان الدولار قلتله ومالوا كل واحد حر في حاجته بس انا عاوز الغي التعاقد والمفروض اني هستلم الفلوس خلال ايام ان شاء الله
بس المشكله انا مبقتش عارف اجيب ايه ومحدش يقول صني او بروتون
بس انا بفكر اجيب سيراتو كسر الزيرو او موديل 2010 اعتقد ان الاوتوماتيك بتاعها ممكن يعمل في حدود 90 اللي هما معايا
ولا ايه رأيكم ياشباب

رد: سعر ال RB اتغير
 

ياريت يا بحر الحياه لو وصلت لقرار بنوع عربيه كويسه وقطع غيراها معقول تعرفنا لاني محتاج اي عربيه ضروري

رد: سعر ال RB اتغير
 

والله يا استاذ محمد الموضوع ده بوظلى كل حساباتى وخلانى بعد ما كان نفسى مفتوحه على عربية جديدة نفسى اتقفلت وبقيت محتار اعمل ايه واللى زاد وغطى الاحداث اللى بتحصل دى فى البلد جابت للواحد اكتئاب بس على العموم انا كنت حاطط اولويات لنفسى من ساعت ما بدات اشترى عربية الاولى لل RB ولو مجتش يبقى هجيب فيرنا اوتوماتيك وامرى لله

رد: سعر ال RB اتغير
 

أتوقع سعرها هيفضل مرتفع .... وهيزيد كمان الى :
1- انتهاء هيونداى نيو اكسنت الشكل القديم من السوق
2- انتهاء هيونداى نيو اكسنت سبورت الشكل القديم من السوق
.........
حتى تنتهى كل الكميه من السوق للشكل القديم بأكمله .....
وبعدها ..... الاسعار تنزل :14369D~149: