كل المعلومات عن اسبيرانزا A620
 

لو سمحتم عايز كل بيانات اسبيرانزا a620 بالكامل لان في عربية معروضة عليا وانا احتمال اشتريها ومعرفش اي حاجة عن العربية ؟
سعرها جديد بكام ؟
قطع غيارها !!
ثباتها !!
موتورها!!
استهلاك البنزين !!
عيوبها ومميزاتها ؟

وشكرا

رد: كل المعلومات عن اسبيرانزا A620
 

العربيه اللى معروضه عليك موديل كام ومطلوب فيها كام

رد: كل المعلومات عن اسبيرانزا A620
 

العربية 2007 تيبترونيك عاملة 68 كيلو وبيتكلم في 70

شكرا لاهتمامك

رد: كل المعلومات عن اسبيرانزا A620
 

2007
68000 كم
بيتكلم في 70000 ج
كتير جداً جداً جداً
العربية 620 مشهورة جداً بسوء إعادة بيعها

70000 ج يشتروا موديل 2010
كسر زيرو

المعروضة عليك أتكلم في 55000 ج بالكتير

رد: كل المعلومات عن اسبيرانزا A620
 

صح كلام سليم هى العربيه كويسه
بس السعر غالى جدا
ده بيستهبل
بص 2007 من 55 ل 58 حسب الحاله
و2008 من 58 ل 60 برضه حسب الحاله
2009 من 60 ل 65
2010 من 65 ل 70

رد: كل المعلومات عن اسبيرانزا A620
 

بس زى ما قالك استاذ احمد فاروق بالظبط

رد: كل المعلومات عن اسبيرانزا A620
 

يا أساتذة الخير
سوف أعرض لكم جميع المعلومات عن اسبيرانزا A620
تسمي بالسوق المصري فخامة الجيل.
العربيه دي اللى سايقها كأنه معاااه مرسيدس شبح 320
اولا كل مازادت سرعتها عالطريق كلما عضت فالأرض
بسم الله ماشاء الله
انا معايا مرسيدس 6 سلندر موديل 98
بجد انا اركب 620 ولا انى اركب مرسيدس 320
اولا.اقتصاديه جدااا فالبنزين بالرغم من انها 2000cc
وب 5000 جنيه تقلبها غاز
وجميع كماليتها بتلاقيها في السوبر ماركت. انا جربتها كانت مع مرااتى وحالتها جميله جدااا ولكن علشان كبيره عليها كانت كل شوى بتتخبط منها فبعتها وداللوقتى بدور على واحده 2011 لحد اما حصلتها مرفوعه سنه ونصق وصاحبها كان فالسعوديه وكانت ماشيه 36 الف كيلو بس
واللى خلانى اجيبها عرفت قيمتها
ومشاكلها بجد يا جماااعه بسيطه جداااا وهيا العفشه بتحتاج تربيط لو ماحفظت عليها ويدك مش فيها. وللعموم العفشه ب 50 جنيه مل فترة.
ولكن نحن في مصر أأسف في التعبير ( جهلاء المنطق )
العربيه نزلت من 120 الف علشان معظم الناس بتقول مش بتتصنع وماسألوش ليه. أقول كم أنا.
شركة BMW الالمانيه تحالفت مع شركة MITSUBISHاليابانيه
وكسبوا القضيه بعدم تصديرها لمصر علشان كل شيء فيها يابانى وواخده الشكل الألمانى من جوا والثبات
علشان لو لاحظنا ان في 2010 اول ما 620 اخدت شهره سوق الجالنت اليانيه مبيعاته قلت.بسبب زيادة الشراء عليها.
ولو لاحظنا هنلاقى في جميع المواقع مافيش حد بيبيع الا مايقرب عن 11 زبون وموديلات كلها 2007 وعربيتين فقط 2010
حتى 2011 تم بيعها ب 82 الف من أسبوع
وانا والله قمت باتصالهم جميعا وكل المواقع حتى اشتري سيارة حالتها شازه من هذا النوع والله مالقيت الا واحده 2011 وصاحبها بيبعها غاليه. قلت ياريت مابيعت بتاعت زوجتى علشان كانت كبيره عليها.
تحياتى لكم