ممكن تركيب فتيس اتوماتيك للوجان ؟
 

بافكر اغير فتيس السيارة الموجود المانيوال الى اتوماتيك لكن طبعا مش عارف ده ممكن ولا لأ بالنسبة للوجان
وهل ممكن يؤثر على كفاءة السيارة - وهل الوكيل يوافق على هذا التعديل ويعمله
الموضوع محتاج راي فنى والسادة الاعضاء المهتمين
فى انتظار ارائكم الفنية

رد: ممكن تركيب فتيس اتوماتيك للوجان ؟
 

بص أنا مش هفتي انا من الاول بقولك ما أعرفشي بس ممكن نفكر مع بعض.
أولا إنتا ممكن تقسم التعديل لمجموعة مراحل ياعني الأول محتاج تعرف العربية دي بينزل ليها تيس أتو من شركتها ولا لأ لو آه يبقى نص المشوار خلص ولو لأ يبقى لازم تعرف فتيس يركب على الماتور بتاعها ودي حاجة صعبة على فكرة مش سهلة.
تاني حاجة محتاج تشوف الفتيس دا هيركب إزاي عندك في الحوض لأني في أغلب الأحيان هتحتاج تلحم قاعدة جديدة أو تعدل في حوض الماتور علشان يستوعب الفتيس الجديد.
تالت مرحلة التعديلات الداخلية في الصالون طبعا هتبقى أحلى بكتير لو كان العربية فيه منها أوتو حتى ولو برا مصر لأنك هتغير الآتي لوحة عدادات وكونسولة الي في النص بتاعت الفتيس وطبعا الفتيس نفسه ولو الحاجة دي مش ستوك هتبقى فبركتها مهما كانت مدقنة وحشة جدا.
ياعني في الآخر الموضوع مكلف أكتر من تمن العربية والعربية مش هتنفع تاني, حاول تنسى.

رد: ممكن تركيب فتيس اتوماتيك للوجان ؟
 

و الله أنا من رأيى لو مفيش ليها فتيس أوتوماتيك يبقى بلاش لعب فى العربية و أستنى شوية ممكن تنزل عندنا اللوجان الأتوماتيك ::

http://www.drivearabia.com/news/wp-c...lt-Logan-6.jpg

رد: ممكن تركيب فتيس اتوماتيك للوجان ؟
 

العربيه بتنزل بفتيس اوتوماتيك فى دول الخليج بس الموضوع حيبقى مكلف جدا علشان تغيره ولو مكنتش اشتريت العربيه لسه يبقى الافضل تدورعلى حاجه اوتوماتيك جاهزه

رد: ممكن تركيب فتيس اتوماتيك للوجان ؟
 

هو ممكن نظريا ..

لكن عمليا صعب لأنك لازم تجيب فتيس اتوماتيك بملحقاته ويكون نفس فتيس اللوجان ...

وهتحتاج تغير وحده التحكم واجزاء من الكونسول وكمان لوحة العدادات (لو فى اختلاف ما بينها وبين الاتوماتيك) ..

فيلم كبير ....

عموما المعروف عن عربيتك اللوجان ان مفيش منها اتوماتيك لغايه دلوقتى ..

لكن احب اقولكم انى شفتها هنا قبل كده هنا فى بورسعيد اتوماتيك .. بس كانت الاستيشن مش السيدان ..

عموما العربية لسه جديدة وحرام تعدل فيها تعديل خطير زى ده .. مع العلم انها عربية جديدة فى السوق وقليل اللى بيفهم فيها كويس ويقدر يعملك التعديل ده ..

عارف لو كانت لانوس او فيرنا مثلا كنت هقولك ماشى ..

كنت هتشوفلك نص استيراد وتاخد منه اللى انت محتاجه بسهولة

لكن بلاش مع اللوجان ..

رد: ممكن تركيب فتيس اتوماتيك للوجان ؟
 

بداية اشكركم على الاهتمام وسرعة الرد لكن لى بعض الا ستفسارات :
- تقريبا كام تبلغ تكلفة شراء الفتيس والتركيب
- ثانيا انا شوفت الوجان على صفحة النت بدبي نازل معاها فتيس اتوماتيك واعتقد الاستاذ رينو18 الصورة الموجودة معاها للسيارة وبها فتيس اتوماتيك
- الحاجة بصراحة اللى خلتنى افكر فى الموضوع ده شوارع القاهرة الزحمة بصراحة احيان كثيرة اقضى من ساعتين الى ثلاث ساعات داخل السيارة وطبعا مش عاوز اقولك العذاب فى السواقة رجلى من كتر الضغط على الدبرياج والفرامل خلاص اتخنقت - علشان كده فكرت فى الموضوع ده لكن لو العملية هاتكون صعبة خلاص امرى الى الله
- مرة تانية اشكركم للمشاركة وفى انتظار ردودكم الكريمةGIFT4U

Dacia Logan SGM - V6
 

see this link
http://www.masrmotors.com/vb/showthread.php?t=42283
GIFT4U:playing_music:
and this link too
http://www.youtube.com/watch?v=v8z10uNc0LA