|
كيا ريو اوتوماتيك ولا جين تو 2011
بسم الله الرحمن الرحيم كيا ريو اوتوماتيك ولا جين تو 2011 انا اسف لو الموضوع مش فى مكانة بس مش عارف احطة فين بصراحة يا شباب انا كنت بسال بس عن العربيتين دول وانا محتار اجيب اية لانى شايف الريو : 87000 والجين تو : 90000 فرايكم انى افضل من ناحية الامكانيات والتوكيل بعد البيع لان العربية مش شرى وبس وهل مانا سامع توكيل الجين تو متعب ومقرف ومزهق الناس وكيا توكليها محترم وهل الكيا ريو تستحق هذا المبلغ وسوال تالت معلش انا شوفت كيا سيراتو هاتش باك 2011 بس مش عارف دية بكام ولا اية فياريت اعرف سعرها برضة وشكرا ليكم مقدما |
رد: كيا ريو اوتوماتيك ولا جين تو 2011
انا كنت محتار نفس حيرتك دي برضه وكنت بفكر زيك في الجين تو والريو والاكسنت والجين تو كان عاجبني شكلها اكتر وصوت نعره المتور اللي عامله زي العربيات السبورت
بس فيه ناس جايبين الجين تو قالو ان تقفليها مش كويس والوكيل فعلا مش مريح الناس وفيه مشاكل علي عكس الكيا ريو العربيه بالكامل مستورده وتقفليها جيد والوكيل سمعته جيده وعجبني موضوع الفوجات اللي متضاف ليها قدام والمرايات الكهرباء وده اللي نزل في الموديل الجديد وانا نويت وحجزت الريو الاتوماتيك والقرار ليك طبعا في الاخر وربنا يهديلك للي فيه راحتك باذن الله |
رد: كيا ريو اوتوماتيك ولا جين تو 2011
كيا ريو اتوماتيك ..... سياره ممتازه
بروتون جين 2 ...... سياره ممتازه .... ايضا لك الخيار ..... على حسب الراحه سيارات ممتازه وجيده .... واثبتت نفسها ..... بالرغم من انتشار جين 2 اكثر من ريو:14369D~149: |
رد: كيا ريو اوتوماتيك ولا جين تو 2011
اقتباس:
شكرا يا باشا على ردك وفعلا الموضوع محير والعربية توكيل مش شراء بس وعندك حق وانا سمعت نفس الكلام بالنسبة لتوكيل الجين تو وياريت تقولى انت حجزت الاوتوماتيك بكام و1400 ولا 1600 وهل جايبها قسط ولا لا ومعلش لو جايبها قسط قولى افضل نظام تقسيط او بنك ولا المصرية للسيارات لانى ابيض بصراحة وشكرا مرة تانية لردك |
رد: كيا ريو اوتوماتيك ولا جين تو 2011
اقتباس:
شكرا يا باشا لردك وانا محتار جدا بصراحة الفكرة ان التوكيل لو التعامل فية مريح بتفرق كتير انك تكون مطمئن ومستريح لكن سمعة الجين تو فى التوكيل هى المشكلة بصراحة |
رد: كيا ريو اوتوماتيك ولا جين تو 2011
اقتباس:
اسمحلى اقول الترتيب بتاعى وحضرتك اختار براحتك الجين تو رقم 1 طبعا وبتقارن بينها والسيراتو والانترا وطبعا شكلا ً ومضوعاً الجين تكسب والسبب قوة المحرك الفعلية بدون اشتغالات 110 حصان عربى اصيل الثبات بسبب تعليق خلفى مستقل محترم ( مقصات ) مع باور تقيل بيدك احساس رهيب بالتحكم فى السرعات الصالون تحفه للجين تو متنساش ايه بى اس وايه بى دى وتحكم فى ارتفاع النور حساس رجوع ايمو بلايزر مفتاح ريموت فوج لايت جنوط اسبور تكييف تاتش شاسيه فولاذ اتنين اير باج تقفيل السيارة بالكامل روبوت ( واخد كل حاجه ) محدش نزلها من غير جنوط ويقول (طاسات رياضيه ) هههههههههههه ولانزلها بكاسيت رود ستار او من غير كاسيت ماعلينا السيراتو تعليق خلفى متصل (هاى بيرد ) او دونجل المهم متصل الالنترا تعليق خلفى منفصل (مقصات) طبعا ثبات بردو لكن الباور خفييييييييييييف بصورة غير طبيعية بالنسبه للكيا ريو تقارن بينها وبين الافيو والبروتون ساجا والنيو اكسينت التعليق الخلفى ليهم كلهم واحد انما الساجا نفس التعليق (دنجل) ولكن مع فتح زاويه الكامبر بالنسبه للشكل الداخلى افضلهم النيو اكسينت ثم الريو ثم الافيو ثم الساجا تعالى للراحه الداخليه الاتساع ووضعيه القيادة الساجا بلا منازع المحرك اقل محرك هو محرك الساجا ولكن استحاله طلوع اى حد منك بالبلدى وده طبعاً بسبب امانه بروتون 94 حصان يعنى عربى اصيل والوحيده الى فيهم فيها اير باج ومفتاح ريموت وايموبلايزر وجنوط سبور وتحكم فى ارتفاع مقعد السائق يبقى الساجا تكسب موضوع التوكيل عز العرب بيدخل على المنتدى ده هو والمهندس امر الكوافى واعضاء مركز عصام وصفا للصيانه وبتدخلو لحل اى مشكله لعميل ده غير اعضاء واسود وفهود بروتون ( كلهم ناس محترمه ) لو حد فكر يزعلك فى قطعه غيار او صيانه او او وخلافه فعلا ً بتلاقى معاك اسود مركز عصام وصفا للصيانه او المركز الرئيسى لما بتقول انا من مصر موتورز بيتعمل لحضرتك احلى خصم انا مش حتكلم على اى توكيل تانى ماليش دعوة الخلاصه فى حاله شراء سيارة بروتون انت بتدفع فلوس قليله فى قيمه اعلى انت صاحب القرار صلى استخارة |
رد: كيا ريو اوتوماتيك ولا جين تو 2011
العربيتين 1600 سى سى والعربيتين 110 حصان
عزم الريو 145 عند 4500 RBM عزم الجين تو 148 عند 4000 RBM فعزم الجين 2 افضل بالاخذ فى الاعتبار ان وزن الجين 2 اثقل حيث يبلغ وزنها 1185 كجم والريو 1073 كجم فمحرك الجين 2 افضل من الريو بفارق طفيف كوسع دالخلى الريو لها الافضلية فهى اوسع من الجين 2 والاكسنت ايضا كخامات داخلية الريو افضل كتصميم داخلى الجين 2 تتفوق بتصميمها الرياضى على الريو والتصميم الخارجى فى رائ الجين 2 كاداء الجين 2 ادائها رياضى كتوكيل وصيانة الريو كتوكيل افضل من عز العرب بلاادنى شك وضمان الريو 100 الف كم او 5 سنوات |
| الساعة الآن 11:53 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017