|
ناوي اشتري فيرنا 2005 .. شوية استفسارات الله يكرمكم ياريت تفيدوووني
السلام عليكم رحت النهارده السوق وعجبتني عربية فيرنا 2005 1600 سي سي خليجي وناوي بأذن الله اشتريها بس عندي شوية استفسارات 1- ازاي افحص العربية عشان اتأكد انها سليمه يعني لما ابص على العربية ابص على ايه الاول لاني خام ياجماعة ؟؟ 2- العربية فيرنا موديل 2005 خليجي , انجيكشن , في اكتر من واحد صاحبي خوفني من الانجيكش وقالي هتدوخ على الصنايعية وكل شوية هتعوز تظبطه ودا لازم تروح التوكيل ويعمله لك وهتتبهدل ,, المهم خوفوني فعلا من الاجيكشن .... انتوا ايه رأأأيكم ابعد عن اي عربية انجيكشن ولا ايه؟؟؟؟ هل فعلا الكربرااتير افضل من الانجيكشن ..؟؟ وممكن اعرف عيوب ومشاكل الانجيكشن ؟؟ 3- هوا كل العربيات الجديدة نازلة بالانجيكشن ولا عادي فيه جديد وبرضه كربراتير؟؟؟ يعني فيرنا 2005 وانت طالع كله انجيكشن ولا ايه ؟؟؟ 4- بالنسبة لو العربية رشه خارجي كله يبقى عامله حادثة ولا ايه ؟؟ ولو راشه فعلا خارجي بينزل من تمن العربية ؟؟؟ اة نسيت صاحب العربية عاوز فيها 41 الف ايه رأيكم السعر مناسب ولا رخيص وبالتالي العربية هتكون فيها عيب ولا ايه .؟؟؟؟ العربية عامله 106 الف كيلو . وفابريكة دواخل ورشه خارجي كله والف شكرر واعذروني على التطويل |
رد: ناوي اشتري فيرنا 2005 .. شوية استفسارات الله يكرمكم ياريت تفيدوووني
اولا لازم تاخد معاك حد يكون علي درايه تامه بالشراء يعني ميكانيكي او سمكري وتكون واثق منهم
ثانيا الانجكشن موجود في الاكسنت الي هيا الفيرنا من 99 ثالثا الانجكشن ملهوش اي عيوب بالعكس ده مريح من حيث توفير البنزين قله الاعطال عدم وجود ابلاتين وكندنسر وهما سبب المشاكل وعدم ظبط الموتور رابعا يفضل انك لما تجيب سياره حديثه متكنش رشه بالكامل لان موديل العربيه مش قديم ده في عربيات موديلات 99 مش رشه بره ولا جوه علي الاقل متبقاش رشه الكبوت والسقف والشنطه علشان تضمن الن العربيه مش مخبوطه من الامام او الخلف او تكون قالبه وان العربيه رشه بره بالكامل ده حياثر علي سعرها لما تيجي تبيع وربنا يوفقك واهم نصيحه متستعجلش |
رد: ناوي اشتري فيرنا 2005 .. شوية استفسارات الله يكرمكم ياريت تفيدوووني
اولا لازم تاخد معاك حد يكون علي درايه تامه بالشراء يعني ميكانيكي او سمكري وتكون واثق منهم
|
رد: ناوي اشتري فيرنا 2005 .. شوية استفسارات الله يكرمكم ياريت تفيدوووني
بص انا مقدرش افتي بس انا اللي شد انتباهي كلمة مواصفات خليجي انا اللي متأكد منة ان الفيرنا في الخليج مكتوب عليها اكسنت يعني لو مواصفات خليجي تبقي اكسنت موش فيرنا
|
رد: ناوي اشتري فيرنا 2005 .. شوية استفسارات الله يكرمكم ياريت تفيدوووني
انتا متأكد انها خليجى الاول ؟؟
خلى بالك لأن الفيرنا لو خليجى هيكون اسمها اكسنت مش فيرنا ... التقفيل المصرى بس هيا اللى اسمها فيرنا ... بالنسبة للكشف على العربية هتروح ترفعها وتطمن على الشاسية والعفشة وبعدين توديها لسمكرى يكشف على الصاج وان كان فيه بارومة وبعدين توديها لميكانيكى كويس يكشف على الموتور والفتيس ... طبعا قبل كل ده لازم تسوقها مده كافيه ولو عندك اى ملاحظات او حسيت بشئ غريب قول للصنايعية عليه سواء فى الميكلنيكا او العفشة ....... بالنسبة للى قالك ان الانجيكشن وحش يبقى - مع احترامى الشديد ليه ولوجهة نظرة - مش بيفهم فى العربيات خالص ... معظم العربيات الحديثة و الزيرو كلها انجيكشن .. والكربيراتير ده خلاص اختراع قديم ولم يعد يستخدم خالص فى الموديلات الجديدة ..... واصلا الانجيكشن مشاكلة قليلة جدا عن الكربيراتير ويوم ما بيبوظ بيبقى شيل وحط ومش بيحتاج ظبط زى الكربيراتير لان كله الكترونى (الانجيكشن اسمه بالعربى حقن الكترونى للوقود) ده غير التوفير فى البنزين واداء الموتور الممتاز .... عاوز كمان اقولك ان الكربيراتير رخم جدا فى صيانتة وغير دقيق .. ناهيكم عن مشاكله الكتير زى خنقة العربية والدخنة السودا ... كل العربيات الجديدة انجيكشن طبعا باستثناء مثلا الادا الجديدة (المصرى بس) والشاهين (بردو مش كلها) و (الماروتى) .. يعنى العربيات اللى تصميمها قديم ولسه بتنزل زيرو ..... وبما انك لسه "خام" يبقى يشرفنى انا وجميع اعضاء مصر موتورز ان نجحيب على اى استفسار يخطر على بالك فى مجال العربيات ... ما عليك بس سوى عمل موضوع جديد وقراءة الردود .... ونورت بيتك التانى "مصر موتورز .. |
رد: ناوي اشتري فيرنا 2005 .. شوية استفسارات الله يكرمكم ياريت تفيدوووني
|
رد: ناوي اشتري فيرنا 2005 .. شوية استفسارات الله يكرمكم ياريت تفيدوووني
اولا الف شكر لكم والله على ردودكم ويشرفني ان اكون بينكم ثانيا انا الحمد لله اشتريت العربية واخدت معايا سمكري وميكانيكي فحصوا العربية وقالولي العربية تمام فبريكة فعلا وسألت صاحب العربية انت رشيتها ليه مادام مفهاش حاجه قالي والله انا اشتريتها على كدا يمكن الي رشها رشها بسبب النضافة وكمان جربتها ومشيت بها بسم الله ماشاء الله وعلى فكرة اعتقد ان هيا خليجي لان فيها 4 زجاج كهرباء ودي مش بتنزل الا في الخليجي ولا ايه رأيكم -------------------------- وبالنسبة لسعرها الي كله متخوف عشان سعرها الي نازل شوية انا سألته قالي انه شاري شقة وعاوز يشطبها ومش معاه فلوس وعلى فكرة هوا بيشتغل مهندس وراجل محترم اعتقد مش هيكذب ياجماعة خصوصا وان الصنايعية فحصوها |
| الساعة الآن 09:26 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017