صوت زنه مع السرعات العالية للموتور
 

1- عندى صوت زنه فى الموتور بيظهر بعد سرعة 120 كم او حتى وانا واقف وازود بنزين وسرعة الموتور تتعدى 3000 لفة فى الدقيقة يعنى مع زيادة سرعة الموتور .
2- كمان عندى صوت شخشخة الصبح اول ما ادور العربيه والصوت ده بيروح لما ادوس دبرياج وبعد ما امشى بالعربية شوية الصوت بيروح خالص .
3- هل هناك علاقة بين البند 1 والبند 2 يعنى المشكله ممكن تكون فى الدربوكس ؟

السيارة سكودا فيليشيا 1997 كاربراتير

رد: صوت زنه مع السرعات العالية للموتور
 

بخصوص العيب رقم 2 اعتقد ان زيت الفتيس اما ناقص او لزوجتة قليلة واما التروس بتاخد سرعتها وتتزيت بيروح الصوت بخصوص المشكلة رقم واحد فانا مش ادر اتخيل الزنة صوتها اية لان ممكن من حاجات كتير بلية دينامو بلية شداد سير مهوى حاجات كتير

رد: صوت زنه مع السرعات العالية للموتور
 

1- زنه فى الموتور كله كأن ماسورة الشكمان ملتصقة بجسم العربية ( مثلا بس مش كده ) .
2- زيت الفتيس عندى مش ناقص بس هو فعلا لزوجته خفيفة وانا فكرت فيه فى موضوع الخشولة .
والف شكر لسيادتك

رد: صوت زنه مع السرعات العالية للموتور
 

أعتقد يا أستاذ : ماجد

أنت تتجه نحو الدخول فى عمرة دبرياج قريبا

رد: صوت زنه مع السرعات العالية للموتور
 

رد: صوت زنه مع السرعات العالية للموتور
 

أنا كمان عندي نفس المشكلة و كمان أنا عندي حاجة تانية لما أكون عامل مشوار سخن بالعربية و ابطل الموتور و أجي أدور تاني العربية تبرجل شوية و هيا واقفة و ممكن تبطل و لو مشيت بيها و هيا كدة تنتش شوية لمساف نصف كيلو و بعدين تظبط
على فكرة العرربية 1600 اوتوماتيك
يا ريت الي يعرف الحل يطمي لأني قلقان جدا جدا

رد: صوت زنه مع السرعات العالية للموتور
 

بالمناسبة أنا رحت التوكيل و المهندس قالي ده الكرنك و بيكلف 2800 غير الضريبة و الخدمة
المشكلة انه قالي انا لما افتح الموتور انا مش ضامن ممكن يكون في إيه تاني و ان الموضوع ممكن يوصل انف موتور " نصف الموتور بيكون كامل شامل الكرنك" تكلفته حوالي 8500 غير الضريبة و الخدمة
انا قلبي في رجليا بعد الكلام الجميل الي سمعته يا ريت حد يفدني أعمل إية