مصر موتورز مجتمع السيارات - يعنى ايه سماعات كمبوننت

مصر موتورز مجتمع السيارات (https://www.masrmotors.com/vb/index.php)

- أطقم الصوت والمالتى ميديا (https://www.masrmotors.com/vb/forumdisplay.php?f=125)

- - يعنى ايه سماعات كمبوننت (https://www.masrmotors.com/vb/showthread.php?t=45527)

يعنى ايه سماعات كمبوننت

يعنى ايه سماعات كمبوننت و بتتركب ازاى؟

رد: يعنى ايه سماعات كمبوننت

على ما اعتقد ان السماعات الكومبوننت دى يعنى نظام صوتى كامل
يعنى بيأتى بجميع مكوناته بدايه من الكاسيت سى دى
الى السبيكر مروراا بجميع مكونات الصوت

رد: يعنى ايه سماعات كمبوننت

شكرا يا spider ‎على المشاركه .اللى انا اسمعه ان الكمبوننت عباره عن سماعه بس متكونه من كاذا جزء بس انا عمرى مشوفتها بصراحه و مش عارف بتتركب ازاى لأن فى ناس قالولى اركبها فى ابواب العربيه بس انا معرفش ازاى و صوتها ايه نظامه

رد: يعنى ايه سماعات كمبوننت

ايه يا جماعه هو المنتدى نام كده ليه . طب حد يرد عليا طيب

رد: يعنى ايه سماعات كمبوننت

الكمبوننت هو طقم سماعات كامل, يعنى مثلا صب وميد رينج وتويتر, كل واحد لوحده وكل واحد بيركب فى مكان مختلف, أو ميد رينج وتويتر, كل واحد بيطلع طبقة صوت معينة وبيتركب لوحده, التويتر على القايم مثلا, والسماعات فى الباب.

http://a248.e.akamai.net/pix.crutchf...5/polk_f01.jpg

أما نوع السماعات اللى حضرتك بتتكلم عليه, فده حسب عدد المكونات اللى فيه.

يعنى سماعة تو واى 2 way دى بتبقى عبارة عن رق للأصوات الهبيطة وميد رينج للأصوات المتوسطة

http://images.kenwood.eu/files/image.../KFC-1060C.jpg

وفى سماعات 3 واى 3 way بيبقى الرق للأصوات الهبيطة, وميدرينج للأصوات المتوسطة, وتويتر للأصوات الحادة

http://ii.alatest.com/product/600x40...Speakers-0.jpg

وفيه 4 واى و5 واى كمان, وطبعا السماعات الزيادة (3واى عن 2واى) دى بتحسن من خرج الصوت وتقسيمه, والصوت بيطلع نقى جدا.

الكمبوننت مش منتشر فى مصر, ومحدش بيركبه لأن السماعات ال 3 واى مع صب مثلا بتغنى عنه.

رد: يعنى ايه سماعات كمبوننت

الف شكر يا انجكشن يا معلم بس ليه سؤال هو لو واحد مش مركب سماعات بيضاوى يعنى عنده بس سماعات مدوره ٤ سماعات لو اتوصلو على جى ام و صب او بازوكا ينفع ؟ يعنى البيز بتاع الصب ميغطيش على صوت السماعات ولا عادى؟

رد: يعنى ايه سماعات كمبوننت

لو السماعات ضعيفة ياباشا مينفعش تتوصل على جى أم أصلا, يعنى مش أقل من 200, 300 وات أو أكثر علشان تستفيد منهم ومن الجى أم, أقل يبقوا يركبوا على الكاسيت أحسن.

لو قلنا صب واحدة 12 بوصة, وسماعات العربية الأصلية فقط, البيز هيبقى أقوى من الصوت بس تقدر تتحكم فيه وتوطيه من الكاسيت أو الجى أم بحيث تعادل البيز مع السماعات, ولو عليت البيز على الأخر مش هتبقى سامع غيره لأنه هيغطى على صوت السماعات.

بس طبعا الأحسن أنك تركب سماعتين أقوياء سواء على الجى أم أو الكاسيت, علشان تعادل البيز بتاع الصب بباقى "الأصوات" , بدل ماتبقى ماشى والبيز مسمع فى كل حتة بس مافيش حاجة قدامه.

أنما كل حاجة تنفع, وممكن تركب الصب من غير سماعات خالص:crazyW14:.