بونتــــو إيفـــــــــو 2011
 

هل هناك اي اختلاف بين الايفو 2010 والايفو 2011 سواء في الشكل والتصميم او في الاضافات وكم سيكون سعرها ياترى .. هل هو نفس سعر موديلات 2010 ........ وخلاصة القول في الحصان الاسيوي ونظيره الاوروبي كمقياس لقوة محرك السيارة .. هل هناك فرق حقيقي بينهما لاحظت من مشاركات العديد من الاخوة في هذا المنتدى او في غيره من المنتديات ان هناك ثمة تباين بينهما فعلى سبيل المثال محرك اوروبي قوته 75 حصان = محرك اسيوي بقوة 102 حصان تقريبا استنادا الى ان الاسيويون يقومون بقياس قدرة المحرك خارج السيارة في حين يقوم الاوروبيون بهذا القياس بينما المحرك محمل على السيارة فعليا فهل هذا صحيح علميا وعمليا ام ان الامر لا يعدو كونه محض خيال او اذا شئنا ان نقول مبالغ فيه على اقل تقديربرجاءالافادة

شكرا لكل اعضاء المنتدى الكرام SLAM

رد: بونتــــو إيفـــــــــو 2011
 

اهلا بيك فى اول مشاركه فى مصر موتورز
بيتهيالى طبعا خيال واسع قوى ان بعض الناس بتصور الاسيويين على انهم متخلفين عقليا
انا مش خبره فى تقنيات المواتير لكن مقاييس القدره الحصانيه لازم تكون واحده
هههههههههههههه هو فرق توقيت ولا ايه؟

مشكور ياباشا على التساؤل ده ROSE4U

رد: بونتــــو إيفـــــــــو 2011
 

يعني انت علقت علي خطأ شائع عن معظم الناس ومجوبتناش علي المهم هل الايفو 2010 هي 2011 ولا فيها اي اختلافات

رد: بونتــــو إيفـــــــــو 2011
 

يا زعيم مفيش حاجة اسمها 2011 و 2010
ايفو دي اول انتاج ليها و لحد دلوقتي مفيش تغير كلهم ايفو
اما بالنسبة لقوة الحصان في اختلاف في المقايس فعلا

رد: بونتــــو إيفـــــــــو 2011
 

الحصان الاسيوى مثله مثل الحصان الاوروبى مثل الحصان البلدى, الحصان هو الحصان و لا يوجد شركة فى العالم تقيس قوة سيارتها من العجل بل يقاس خرج المحرك مباشرة.
الفارق الاساسى بين السيارات الاوروبية و الأسيوية- الأمريكية هى فى "بروفايل" او تصميم الكامات, الذى يتحكم فى توقيت غلق الصمامات.

التصميم الأسيوى - الأمريكى و تجده فى معظم السيارات الاسيوية و الامريكية فيما عدا سيارات الدفع الرباعى :
غلق الصمامات المتأخر, يعطى هذا التصميم عزم منخفض على سرعة مرتفعة للمحرك و قوة حصانية كبيرة, عيوبه هى أن عمر المحرك يكون أقصر و الاحساس بالعزم و بقوة المحرك يتطلب رفع عدد لفاته و بالتالى تقل المتعة, كما ان التسارع اللحظى و الاستجابة تكون أقل, و قدرات التحميل و الجر و صعود المرتفعات أقل و مميزاته هو التسارع العام يكون جيدا و كذلك السرعة القصوى تزيد.
و يناسب هذا التصميم الطرق الصحراوية المنبسطة فى الولايات المتحدة.

التصميم الأوروبى هو غلق الصمامات المبكر,
و يعطى عزم أعلى على سرعة منخفضة و قوة حصانية أقل (مثل البونتو ايفو و معظم السيارات الاوروبية).
و ميزاته هى عمر أطول للمحرك و استجابة أفضل و قدرات أفضل للتحميل و الجر و عيوبه هى السرعة القصوى تكون أقل.
و هذا التصميم يناسب المدن الأوروبية المزدحمة و الطرق الجبلية و عشق الاوروبيين لجر المقطورات و اللانشات.

و لا تنسى أن الوصول للقوة الحصانية القصوى للسيارة يتطلب رفع عدد لفات المحرك الى أقصاها, و بالطبع لا يفعل أيا منا ذلك, لذا فان عدد الأحصنة لا يهم كثيرا خاصة فى القيادة وسط المدينة و الازدحام.

رد: بونتــــو إيفـــــــــو 2011
 

بس انا متأكد ان كانت فيه فضيحه لهيونداي و كيا انهم بيزودوا القوة الحصانية في التفاصيل الفنية لعربياتهم عن الحقيقة و نفس الكلام في 99% من الشركات الصيني! يقولك موتور تويوتا كود كذا بقوة 116 حصان, تدخل على النت تشوف الكود تلاقيه فعلا موتور تويوتا موديل ثنمانينات او تسعينات بقوة 96 حصان او كده الصينيين لما عملوها في الصين راح ربنا مباركلهم فيه و زادت الاحصنه عشرين حصان

رد: بونتــــو إيفـــــــــو 2011
 

الحصان هو الحصان
مفيش حصان اوروبي و حصان اسيوي
لأنه ببساطه ممكن تحويله للكيلوات

لكن عموما مفيش شركه محترمه ممكن تدعي ارقام غير حقيقيه وتنزل بيها مواصفات عربياتها

بس للاسف من سنتين في مصر توكيل تويوتا و هوندا ذكروا في اعلاناتهم القوه الحصانيه للمحرك الاكبر (1800 ) على انها للمحرك المتوفر في مصر (1600)
بس كان اي حد يدخل الموقع الرسمي للشركه بيكشفهم و كان شكلهم وحش


وللاسف اغلب الناس بتركز على القوه الحصانيه و تنسى حاجه مهمه جدا ... العزم

القوه مرتبطه بالسرعه القصوه .. لكن العزم بيعبر عن التسارع وهو الاهم
غالبا بنحتاج التسارع ..علشان الزحمه والاشارات و المشي المتقطع
قليل لما بنحتاج السرعه القصوى حتى لو على سفر