مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

- - صوت المحرك عالي (https://www.masrmotors.com/vb/showthread.php?t=44568)

صوت المحرك عالي

ارجوا الافادة عند سرعة المحرك تصل الى 120كم يزداد ارتفاع صوت المحرك بشكل عالي ومزعج هل هذا عادي ام لا ارجوا الافادة(what)

رد: صوت المحرك عالي

ممكن يكون ده اخر الموتور و الار بي ام بيعلى قوي

رد: صوت المحرك عالي

والله اخى الكريم انا اعانى نفس المشكلة وده بسبب انى باقارن بين الكورولا وبينها لكن هناك عدة نقاط
الصوت العالى بعد 120 يظل كما هو الى حد معين ولا يزيد مع زيادة السرعة
الصوت العالى غير مستمر واعتقد انه نوعية البنزين ليها دخل كبير
من الاقتراحات التى قراتها ولم اجربها لعلاج المشكلة
استخدام زيت شل 10000 او فيزكو
وضع بنزين 90 بدلا من 92 وده شئ غريب بس احد الاخوة جربه وجاء بنتيجة غير متوقعة
وتقبل تحياتى

رد: صوت المحرك عالي

اقتباس:

المشاركة الأصلية كتبت بواسطة OZAMA22 (المشاركة 326183)

بالطبع وضع غير عادى

رد: صوت المحرك عالي

صوت المحرك العالي بيكون ليه اكثر من سبب .. ومن وجهة نظري في حالة السيارة بي واي دي المزودة بموتور متسوبيشي لانسر (تقنية متسوبيشي) كود 4G18 وهو واحد كامة SOHC صوته بيعلى في السرعات العالية لأنه واحد كامة على عكس المواتير 2 كامة بيكون صوتها أهدأ شوية .. وذلك لا يعيب الموتور في شيء .

نوعية زيت الموتور بيكون ليه عامل في تهدأة صوت الموتور نسبياً .. وزيت شيل بيهدي الصوت بشكل ملحوظ عن موبيل وان وأكثر كفاءة .. ويرجى مراجعة التوكيل في تغيير نوع الزيت لأن هناك بعض التوكيلات ترفض أنواع معينة حتى لا تخرج من الضمان .

رد: صوت المحرك عالي

اسامة باشا اشكر سيادتك على طرح موضوع ارتفاع صوت الموتور للمناقشة وعجبنى جدا ردود londoctor والاستاذ باسم وانا ملاحظ الاستاذ باسم ردوده فى منتى العقلانية والنضج فعلا الموتور الميتسوبيشى المقابل لموتورBYD ايضا صوته عالى واليوم تكلمت مع صديق جرب كل اليابانى وقال لى الميتسوبيشى كموتور صوته غجرى عندما يعلو ال RPM وعجبنى تفسير الاستاذ باسم انه كامة واحدة وقمت بسبب هذا الموضوع بقيادة السيارة كورولا 2009 الجنوب افريقى الاوتوماتيك وجدت لكى احصل على تسارع فى الاول والثانى والثالث الصوت ايضا عالى ولكن بعد الوصول لسرعة الثمانين يهدا صوت الموتور ويتصاعد بخفة مع زيادة السرعة لل180 وقدت السيارة الميتسوبشى الاوتوماتيك الصوت عالى ايضا مع الكيك داون ولكن ليس بعلو ال BYD ولكنه ايضا عالى وسوقت السيارة الكورولا 2007 الاوتوماتيك ووجدت فعلا الصوت عالى عند الكيك داون واقل قليلا من ال BYD وايضا موافق جدا على نوع البنزين ولكن ليس ال90 فعندما افول 92 من بنزينة معينة يعلو صوت الموتور ومن بنزينة اخرى ينخفض وايضا ارتفاع درجة حرارة الجو واستخدام التكييف يزيدوا من على صوت الموتور
محاولة ايجاد اساليب لخفض صوت الموتور يجب ان يناقش بدل من التدليل على علو صوت الموتور لانه امر واقع مثل تغيير الزيت وفلتر الهواء يكون هو الحل الامثل واحب ان اضيف سؤال للاخوة الاعزاء كيف يمكن زيادة عزل الموتور بحيث يقل الصوت
اناشد المهندس سمير عياد بالتدخل ليكتب لنا ماهى اساليب خفض صوت الموتور لانه خبير فى المشاكل الميكانيكية وشكرا جزيلا للجميع

رد: صوت المحرك عالي

اقتباس:

المشاركة الأصلية كتبت بواسطة elmanahry (المشاركة 326543)

محاولة ايجاد اساليب لخفض صوت الموتور يجب ان يناقش بدل من التدليل على علو صوت الموتور لانه امر واقع مثل تغيير الزيت وفلتر الهواء يكون هو الحل الامثل واحب ان اضيف سؤال للاخوة الاعزاء كيف يمكن زيادة عزل الموتور بحيث يقل الصوت
اناشد المهندس سمير عياد بالتدخل ليكتب لنا ماهى اساليب خفض صوت الموتور لانه خبير فى المشاكل الميكانيكية وشكرا جزيلا للجميع

معتقدتش أنه فيه حاجة تتغير غير نوعية الزيت وفلتر الهواء لنوعيات أعلى .. ودي في اعتقادي مش حتقلل من الصوت بنسبة كبيرة .. وفي اعتقادي ممكن تقلل الصوت بنسبة تتراوح من 5 : 10% نظراً لطبيعة تصميم الموتور نفسه .

وده لينك فيه ملف PDF يضم أكسسوارات للموديل F3 , F0 وفي صفحة 13 على ما أظن فيه عازل لغطاء الكابوت (مطلوب التأكد أنه هو من رسمه العضم بتاع غطاء الكابوت).. وده أعتقد أنه حيقلل الصوت اللي خارج من السيارة بنسب أكبر .. بس طبعاً مش حيقلل صوت الموتور نفسه .. وفي الأول والأخر مش الصوت العالي هو المشكلة في حد ذاتها طالما طبيعة محرك .. إنما المشكلة لو كان الصوت العالي نتيجة خطأ ما في تظبيط العربية أو في الموتور نفسه يكون في عيب (وهو مستبعد بنسبة كبيرة) .

http://www.byd.com/downloads/collect...ollections.pdf