ممكن اعرف سبب استهلاك البنزين بمعدل 145 كم فى الصفيحة
 

السلام عليكم ورحمة الله وبركاته

انا الحمد لله ربنا كرمنى واشتريت عربية يوم 10-12-2010 ماركة نصر 128 موديل 99

أولا :- قمت بتفويل العربية اول مرة 15-12-2010 ببنزين 92 واخدت 32.6 لتر والعداد كان 83597

ثانيا :- يوم الاحد 19-12-2010 تم الذهاب الى الميكانيكى لفحص السيارة من كهرباء وسيور وفلاتر وكمان كان عندى العربية بتتاخر فى الدوارة صباحا وعند الضغط على دواسة البنزين العربية تتكتم وتفصل وكمان بتنتش الصبح وانا رايح الشغل وهى على الغيار الثانى عند الضغط على دواسة البنزين ( الموضوع ده بيحصل الصبح فقط )
المهم قالى حنغير الاتى :-
- بوجيهات NGK يابانى
- سير كاتينة المانى
- سير دينامو كورى
- فلتر هواء مصرى
- فلتر بنزين
وعمل تنظيف للكربراتير وتم ضبط الكهرباء والهواء
ولقيت فعلا وانا ماشى من عنده العربية فايقة جدا ودواسة البنزين نعمة جدا وخفيفة على عكس ما قبل

ثالثا :- خرجت من عند الميكانيكى وقلت اروح افول بالمرة وحطيت المرة دى بنزين 90 لانى الـ 92 المكانيكى قالى عليه انه بيطير بسرعة وفعلا روحت على البنزينة وفولت واخدت 24.25 لتر والعداد كان 83773

تانى يوم الاتنين 20-12-2010 لاحظت نفس المشاكل تاخير فى الدوارة صياحا وعند الضغط على دواسة البنزين العربية تتكتم وتفصل مع تنتيشة على الغيار التانى كأنك يا بوزيد ما غزيت المهم انا ماخدتش فى بالى اوى لانى بجميع الاحول سحب العربية ممتاز

رابعا :- اليوم الاحد 26-12-2010 تم تفويل بنزين 90 وكانت الصاعقة اخدت 28 لتر والعداد كان 83980

ملحوظة :- الشكمان كل يوم الصبح بلاحظ عليه تعريق مياه مع وجود دخنة بيضا بسيطة

ممكن من اصحاب الخبرة يقولولى ممكن اعمل ايه بالضبط والمشكلة من ايه بالضبط
وآسف جدا على الاطالة

رد: ممكن اعرف سبب استهلاك البنزين بمعدل 145 كم فى الصفيحة
 

هاتلك فلتر هواء نظيف الأول وجرب

رد: ممكن اعرف سبب استهلاك البنزين بمعدل 145 كم فى الصفيحة
 

هو ممكن فلتر الهواء يعمل الاستهلاك الرهيب فى البنزين

رد: ممكن اعرف سبب استهلاك البنزين بمعدل 145 كم فى الصفيحة
 

اه الفلترمهم جدااا
و سوري اني بتكلم في وجود المهندس سميرايه ياترى

رد: ممكن اعرف سبب استهلاك البنزين بمعدل 145 كم فى الصفيحة
 

اعتقد لل 128 مفيش في السوق الا فلاتر المصري

رد: ممكن اعرف سبب استهلاك البنزين بمعدل 145 كم فى الصفيحة
 

نعم ففلتر الهواء مهم جدا لحريق جيد للمكنه

ROSE4U

حتى لو كان ده صحيح فعلا

أكبد فيه أنواع كويسه وأنواع تعبانه

أنا لو فى الموقف ده

ممكن تضرب فى دماغى وأجرب حريق المكنه والأستهلاك من غير فلتر كمان

( عمه على الفاضى )

وفى وجود جو غير محمل بالأتربه والرمال

علشان أطمن أولا

إن العيب من الفلتر ولا لا

رد: ممكن اعرف سبب استهلاك البنزين بمعدل 145 كم فى الصفيحة
 

برضه أبقى شوف باب السلانسيه بتاع الكربوراتير

الموجود تحت العمه مباشرة بيفتح صح

كاملا وبيكون على سيفه بعد المكنه ما بتسخن ولا بيفضل معلق ومقفول