![]() |
جبت لانوس 2011 بقالى يومين وعندى اسأله كتير
السلام عليكم
انا الحمد لله اشتريت اول عربيه زيرو فى حياتى لانوس 2011 بس من اول ساعتين جه فى دماغى شويه اساله كتيييير اول حاجه سؤال غريب شويه بس من اول ما قعدت على الكرسى ودورت العربية ، هوا انا غلطت انى جبت لانوس وكانت الفيرنا احسن ؟؟؟؟ تانى حاجه العربية يادوب عامله 5 كيلو المفروض يبقى صوتها عالى بس انا حاسس ان صوتها عالى اوى وخشن وكأن الموتور قاعد جوا الصالون !!! وانا بدورها امبارح سمعت صوت زنه جايه من فرش الباب اليمين بتروح لما اشده لجوا من المقبض دا ممكن يكون ايه وهيا زيروووووووووووو لسه الكراسى مش مريحه وظهر الكرسى الشمال بحس وانا قاعد عليه انى ظهرى مايل شمال وهوا اساسا صد نفسى اول ما شفت موبيكا وصنع فى مصر عليه فكرنى على طول بكراسى النيسان اللى كنت مستحقرها ، مش ممكن الكراسى دى تتغير بكراسى عاديه بس مش مصرى ؟؟ كمان سؤال هل المكنه المفروض عليها غطا فبر والكبوت عليه فرش من جوا ؟ هيا LS بالمناسبه اكيد لما اقعد فيها ساعتين كمان هطلع 500 سؤال بما ان كل اللى فات دا لما سقتها نص ساعه والا ساعه بس لحد ما ارخصها |
رد: جبت لانوس 2011 بقالى يومين وعندى اسأله كتير
يا باشا هى دى مصر انت فى ايدن امينة وربنا معالك بس فعلا الانوس احلا من الفيرنا بس المفروض كنت تستلم العربية كويس جدا جدا
|
رد: جبت لانوس 2011 بقالى يومين وعندى اسأله كتير
اقتباس:
اقتباس:
اقتباس:
اقتباس:
و بما ان العربية جديدة ممكن تروحلهم التوكيل فى اى وقت و يستحسن عند صيانة الالف و المفروض يلاشوا المشاكل |
رد: جبت لانوس 2011 بقالى يومين وعندى اسأله كتير
معليش انا هجاوب على اول سؤال
فعلا حضرتك غلط انك جبت لانوس مش فيرنا انا معاى نيو اكسنت مش تحيز للفرنا والله انا فعلا بكره الانوس و صوت التسقيف البغيض بتاع المحرك والله على كل الغيارات بسمعه بس العفشه مريحه جدا و جميله ومعلش تانى مره بس حضرتك اللى سئلتSLEEEP |
رد: جبت لانوس 2011 بقالى يومين وعندى اسأله كتير
الف شكر يا جماعه على الردود
MOTOR HEAD مفيش زعل ولا حاجه ياباشا كلها وجهات نظر وانا كنت عارف ان الفيرنا اريح منها بس جبت الدايو لانى حسيت انها اجمد من الفيرنا فى موضوع الاستحمال انا الحمد لله رخصت النهارده وركبت نمر وشطبت فلوس ومعدش معايا اجيب دواسات ولا اكمل بنزين بس فى اخر اللحظات اشتريت ليدات النور الصغير ونور ابيض للفوجات هوا كورى 100 وات دا محتاج تركيب كتاوت ؟؟؟؟؟ |
رد: جبت لانوس 2011 بقالى يومين وعندى اسأله كتير
ربنا يباركلك فيها
خلى بالك من مؤشر البنزين لو لاحظت ان نزولة مش متوافق مع المسافة اللى مشيت فيها روح التوكيل علشان فى كذا عربية فيهم مشاكل فى المؤشر وبيعلق صوت المتور عالى الى حد ما انا لسة شارى واحدة وبرضوا ماشى بيها 700 كيلو واحد صاحبى جايبها من شهرين بيقولى اداء العربية اتغير تمام بعد ما عمل صيانة ال5000 وان شاء الله هجربها بكرة واقول فعلا حسيت بالفرق ولا لأ التقفيل المصر ى اكتر ما يعيبها فعلا الكراسى وجعتلى ضهرى جدااااا اول اسبوع بعد كدة بقت كويسة وفعلا مقابض الابواب اغلب العربيات فيها مشاكل بتروح التوكيل بتتظبط والصوت بيروح |
رد: جبت لانوس 2011 بقالى يومين وعندى اسأله كتير
سؤال كده على الماشى .. هى اول صيانة 1000 كم ولا 5000 كم .. علشان انا اتجنيت .. كل يوم واحد يقولى كلمه شكل و انا لسه ما استلمتش كتيب الضمان
|
الساعة الآن 01:08 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017