خربشة مفتاح !
يا جماعة من يومين واحد حاقد حكلي كبوت العربية من أقصى اليمين لأقصى اليسار بمفتاح
منة لله يا ريت يا جماعة لو حد عندة حل أو يعرف حد يفيدني بالمناسبة الخربوش قوي لدرجة إنه وصل للحديد nononono |
رد: خربشة مفتاح !
الله يحرق قلب اللي عملها
|
رد: خربشة مفتاح !
قدر الله وماشاء فعل والحمد لله على كل شئ بس لو وصل للصاج يبقى لازم ترش الكبوت بس نصيحة خليها واعملها ببولش حتخف شوية بسيطة بس مش حتروح
|
رد: خربشة مفتاح !
للأسف أنا عندى نفس المشكلة فى نفس المكان وبقالى شهور بحاول بكل الطرق والوسائل من بولش لآخر بلون العربية لسنفرة لScratch Remover لكن على رأى هانى بك رمزى "مافيش فايدة" ... الحل الوحيد علشان مترشش تجيب قلم دوكو بنفس لون العربية وأقرب درجة ممكنة وتدهن بة الخدوش وتسيبها تنشف وتعيد العملية 5-6 مرات لغايه لما تعمل طبقة دوكو محترمة فوق الصاج فى نفس علو الطبقة الأصلية تقريبا وبعد كدة عليك بالبوليش علشان تحاول تساوى بين الدوكو الأصلى والدوكو فى الخدش وفى الأخر عليك بالواكس (الشمع) علشان تعمل طبقة عازلة من المياة والرطوبة وعوامل التعرية
فى النهاية الخدوش برضة حتبان خفيف لكن أرحم من الأول مليون مرة والعربية حتبقى محمية وقبل كل شئ حتكون تعبت وهلكت زيى وحترضى لأنك عملت اللى عليك ومش قادر تعمل حاجة تانية |
رد: خربشة مفتاح !
منهم لله
و الله لو شفت عيل من العيال اللى بيخربشوا فى العربيات دى هنزل فيه ضرب و مش هسيبه الا فى القسم و يدفع لى بسلامته تمن رشها فى التوكيل و هخليه عبرة |
رد: خربشة مفتاح !
اقتباس:
|
رد: خربشة مفتاح !
يا باشا عادي جدا
ده بس علشان العربية لسه جديدة ،، أنا كنت شاري عربيتي علي الزيرو و قبل ما ارخصها ما كانتش سالمة من نغزة هنا و خربوش هنا و حكة هنا و كان دمي محروق كده زي سعادتك ،، و بعدين بعد سنة من شراء السيارة و لما العملية كترت و بقت رخمة روحت لبوهيجي علشان يلم الكلام ده في رفرفين و باب و ظهر الشنطة ( يصنفر و يرش علي تلك الاماكن فقط و بعدين يرش ورنيش علي الجزء كله ) و كانت المهزلة انه لما دخل العربية كبينة كان الباشا اللي جوه مش فاهم المفروض يعمل ايه بالضبط فدهن الرفرفين و الباب و الشنطة بالكامل ،، و طبعا مش عاوز اقولك كنت واقف بطنطط و صوتي جايب الحرفيين كلها بس و يفيد في ايه ما هيه اترشت خلاص ،،، المهم بعدها بكام شهر بس برضه ما سلمتش من كام حكة بالمفتاح كده علي الماشي امت قولت انا هسيبها و مش هعمل فيها حاجة و من ساعتها و هيه زي ما هيه بدون اضافات و الحمد لله و حتي و الله لما بلاقي حاجة ما بقتش بزعل زي الاول ،،،، |
الساعة الآن 05:57 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017