عاوز اوبل وخايف
 

احبائي اعضاء المنتدي من فضلكم انصحوني في زمن قل فية الناصحون
انا كان معايا لادا 1995 وبعتها وبعدين جبت دايو لانوس مشعجبتني وبعتها
ومعايا 45 الف جنية وعاوز اجيب اوبل فكترا لانها قوية وشيك وخايف لان قطع غيارها غالية حبتين
وخصوصا اني من الشرقية اية رايكم اتوكل علي الله ولا اجيب حاجة تانية

رد: عاوز اوبل وخايف
 

الاوبل عربيه محترمه جدا لوتقدر على مصاريفها هاتهاوتوكل على الله وفيه كمان الفورد مونديو حاجه حلوه اوى بشرط تكون بحالتهامش متبهدله حاول تشوفها هتعجبك حدا ومبروك مقدما وربنا يقدملك ال فيه الخير

رد: عاوز اوبل وخايف
 

احبائي اعضاء المنتدي فين الردود الحلوة اللي تقوي القلب
المشكلة في كثرة المعروض والخوف من تقلب الاسعار في ناس بيقولو خليك لشهر واحد العربيات سعرها هينزل
وناس بنتقول ولا حاجة نازلة دة الاسعار في الطالع حاجة تقلق خصوصا ان الفلوس دة كل الي معايا وربنا يستر
بسسسسسسسسسسسسس اوعة حد من الشرفين يقولي يحول الي منتدى القلق

رد: عاوز اوبل وخايف
 

شاكرللاخ سالم سلامة لاهتمامة

رد: عاوز اوبل وخايف
 

الاوبل دي بالذات جننتني في سوق السيارات!!!! تلاقي فيكترا موديل 96 و صاحبها طالب 50 الف!!!! و تلاقي 2003 و صاحبها برضه طالب 50 الف!!!
و تلاقي واحد تاني 97 طالب 38 الف او 40 الف و تاني طالب 65 الف و واحد 2003 طالب 70 الف انا مش فاهم حاااااااااااااااااااااااج ة! و العربيه كلة يشكر فيها و كله يخوفك منها! عربيه حلوة و ممتازه بس اوووووعه تجيبها! دي النصيحة اللي حتسمعها من الناس كلها

رد: عاوز اوبل وخايف
 

السلام عليكم
عيوب الاوبل
1قطع الغيار غليه
2 ثقيله في بيعها
بعد كده مفيش ولا كلمه
عربيه من الاخر

رد: عاوز اوبل وخايف
 

لا كلام غير صحيح
أنا من كام يوم واحد وقفنى وانا راكب الاوبل بتاعتى (اللى هيا تقيلة فى بيعها) ووصل معايا فى السعر ل 62000 وأنا اللى مرديتش وعرض عليا أبدل بالاوكتافيا بتاعته وبردة أنا الى مردتش
وبالنسبة لاسعار قطع الغيار ميتفعش باى حال من الاحوال انك تقارنها بالكورى واليابانى
لكن قارنها بالفولكس وسكودا وبى أم وانت تعرف انها مش غالية لان فى مصر بيقرنو اسعار قطع الغيار بتاعت الهيونداى والدايو مع الاوبل والبى ام
مع كامل إحترامى لجميع الاعضاء ولسيارتهم
الاوبل لو مجبتهاش حالة ممتازة يبقى متجبهاش احسن