|
سيفيك مركونة من زماااااان جرالها ايه
السلام عليكم
فيه قدامى عربية هوندا سيفيك الجيل الاول هاتش باك ب 2000 جنيه غير العمولة !!! واحد قالى عليها العربية دى صاحبها سافر وسابها مركونة فى الشارع وبيقولى طبعا الكبوت والرفارف متبهدلة من الركنات ولعب الكورة ومحتاجة اكصدامين وشوية شغل بس الصالون حالته كويسة انا لسة ما شوفتهاش بس قبل ما اروح عايز اعرف الحاجات اللى اكيد باظت او اتاثرت ورينج التكلفة من موتور وعفشة وصاج وكاوتش وكهرباء وصالون وخلافه علشان السيفيك حاجته مش رخيصة بس برضه السعر مغرى جدا |
رد: سيفيك مركونة من زماااااان جرالها ايه
ابعد عنها
دة فخ كبير |
رد: سيفيك مركونة من زماااااان جرالها ايه
لا تتلهف على السياره المركونه أو المرفوعه
ودايما حط فى دماغك سياره شغاله ........أفضل ميت مره من سياره عطلانه _______________ دى أسس فنيه تحتاج مراجع لتفسيرها بس أنا قولتلك على ملخص الأسس دى |
رد: سيفيك مركونة من زماااااان جرالها ايه
دائما ردك الموجز الجميل يا هندسة سمير يمثل لى المعلومة المركزة
الف شكر جمعة مباركة ان شاء الله |
رد: سيفيك مركونة من زماااااان جرالها ايه
زى ما قالوا الاعضاء الكرام ابعد عن المركون وغنيلة
|
رد: سيفيك مركونة من زماااااان جرالها ايه
اولا الف شكر على الردود السريعة
ثانيا انا عايز اعرف ايه الحاجات اللى اكيد هاتكون باظط علشان احسب التكلفة لان زى ما قلت العربية مطلوب فيها 2000 جنيه بس وممكن اجيبلها عربية نصين استيراد ب4 ولا 5 الاف جنيه (مش عارف السعر بالظبط بس فى الجملة اللانوس ب 6ل7 الاف) واخد منها اللى انا محتاجه من فوانيس ورفارف وموتور وخلافه بس احسبها الاول يعنى لو لقيت الموضوع فى الاخر بتكلفة الحالة الكويسة يبقى مالهوش لزوم وجع القلب انما لو لقيت انى هاوفر كتير وفى نفس الوقت اكون بانى العربية على ايدى يبقى مصلحة |
رد: سيفيك مركونة من زماااااان جرالها ايه
اللي يعمل الموضوع ده لازم يكون واحد غاوي شغل في العربيات "هواية"
لازم يكون عنده الوقت و الفلوس و المكان و الخبرة.. |
| الساعة الآن 04:35 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017