ريموت الألنترا لا يعمل فجأه
 

الأخوة الكرام افيدونى
انا معايا النترا 2010 اتوماتيك بقالها معايا 9 شهور وكله الحمد لله تمام من كام يوم بدات الاحظ ان الريموت ما يشتغلش كويس من اول ضغطه دلوقت اصبحت السيارة لا تستجيب خالص ليه
غيرت للريموت الأحتياطى كله تمام مع الريموت الأحتياطى - ما العمل مع الريموت اللى موش شغال - انا توقعت ان البطارية بتاعة الريموت بتتغير بس موش عارف ازاى ارجو الأفادة وهل لازم التوكيل ؟

رد: ريموت الألنترا لا يعمل فجأه
 

أى ريموت تغيير بطاريته سهل

حتحل مسمار تجميع نصفى الريموت بحذر

وترفع البطاريه التالفه وتشترى زيها وتركبها بنفس طريقة فصل نصفى الريموت

ولو مش عارف

خللى كهربائى يعملهالك

وأديله جوز جنيهات

بس البطاريه على حسابك طبعا

ومش لازم التوكيل

بس أنا مش عارف أزاى

العربيه موديل 2010 والريموت بطاريته تنام بالسرعه دى

هو الريموت كان وقع منك فى ميه مثلا أو طاله ميه

رد: ريموت الألنترا لا يعمل فجأه
 

بالفعل هي البطاريه ...
ومش محتاجه التوكيل ...
حضرتك لو غيرت بطاريه العربيه نفسها مش حيطلعوك بره الضمان ... مبالك ببطاريه .. الريموت
متقلقش

رد: ريموت الألنترا لا يعمل فجأه
 

دايما سباق يا بشمهندس سمير ...
انا يدوبك قريت الموضوع عقبال ما كتبت الرد لقيت رد حضرتك موجود
جزاك الله خيرا و جعله في ميزان حسناتك

رد: ريموت الألنترا لا يعمل فجأه
 

الله يخليك أخى الفاضل

الحمد لله

أنا مجرد ما بأشوف موضوع

وبالأقى نفسى ممكن أشارك فيه

وأقول كلام مقنع

فلا أتردد نهائيا

ده حق الزماله عليا

رد: ريموت الألنترا لا يعمل فجأه
 

اشكركم يا شباب على الردود السريعة وانا بالفعل سعيد بوجودى مع الألنتراوية فى مصر موتورز
بس انا موش شايف اى مسامير لفك الريموت والله اعلم شكله كده كبس حد يعرف ازاى اقدر افكه بدون مينكسر
انا موش عارف ايه اللى حصل لكن انا كنت دايما بافتح الشنطة بيه وذلك بالضغط على زر الفتح مدة طويلة ويمكن ده السبب وكمان المفتاح بيكون فى جيب البنطلون على طول ومن الممكن ان ينضغط عليه لاى سبب ويفضى البطارية وانا موش حاسس انا بحاول افهم السبب بس ما وصلتلوش ميه خالص انا متاكد من كده

رد: ريموت الألنترا لا يعمل فجأه
 

ده السبب ياأخ : علاء

فى تلف البطاريه

ماهو محدد باللون الأزرق

وطالما مفيش مسمار تجميع عندك

يبقى النصفين راكبين كبس