ازاى العربية ترجع زى زمان ( مش بتسحب)
 

العربيه عامله 48 الف
الذى تم تغييره:
1- البوجيهات
2- فلتر بنزين
3- تيل مرتان
4- تم صيانه العفشه مرتان
5- تم ضبط المحرك mut مرتان
6- زيت الفتيس
7- تم تنظيف الحساسات مرتان
كل هذا طبعا في التوكيل وللاسف السحب مش زي الاول
مع انى بستعمل بنزين 92 من يوم ما شريتها وبحط السائل المنظف لدورة البنزين
وكنت بستعمل زيت موبيل 10000 كم لكم دلوقتي بستعمل زيت شل
جبت بيها 185 وكان ممكن اكتر بس كنت بخاف لكن دلوقت اخرها 170 وبتموت

رد: ازاى العربية ترجع زى زمان ( مش بتسحب)
 

ماهو موقف فلتر الهواء

رد: ازاى العربية ترجع زى زمان ( مش بتسحب)
 

نوع العربيه ايه؟؟

رد: ازاى العربية ترجع زى زمان ( مش بتسحب)
 

كنت حأولها ! عمرك أطول من عمرى يا حازم بك

رد: ازاى العربية ترجع زى زمان ( مش بتسحب)
 

آه صحيح نوع العربية ايه ؟؟؟؟؟؟؟؟؟؟؟

أصل أنا بصراحة لما دخلت و لقيت الأخ الفاضل Samirayad بيسأل على فلتر الهوا عالطول كده , قلت يبقى أكيد هو عارف نوع العربية أو أن صاحب العربية كاتب النوع فى مكان ما و أنا اللى مش واخد بالى و بصراحة كنت متردد أنى أسأل على نوع العربية منعا للاحراج يعنى, لحد مالقيت الأستاد باهى و الأستاد حازم بيسألوا على نوع العربية.

هى العربية نوعها ايه بأه؟؟؟؟؟؟؟؟؟؟؟

رد: ازاى العربية ترجع زى زمان ( مش بتسحب)
 

ماهو أنا سألت على طول كده

لأن ده أهم شىء فى القضيه ومفتقد فى البيانات الموضحه ( أى فلتر الهواء ....جايز

ميكونش غيره ومليس من أثر الأتربه والرمال )

وبكده المكنه حتكون مزكومه ولا تستطيع التنفس بشكل طبيعى

_______________________

والعربيه حاجه من أثنين

ياهاف أنجكشن ( رشاش واحد )

يا حقن كامل ( أربع رشاشات )

ومش كربوراتير تقليدى

وده واضح فى البيانات أعلاه

وبنسبة 99.9 %

العربيه حقن ألكترونى كامل multi point injection

وفيه سبب لأعطاءها هذه النسبه من جانبى

كتوقع لايحتمل الخطأ نهائيا