سحب العربية بيروح فجأه و يرجع تانى
 

وانا ماشى سحب العربية بيروح فجاه و بعدين يرجع تانى و مش عارف ايه السبب
لو حد عنده فكرة يقوللى

رد: سحب العربية بيروح فجأه و يرجع تانى
 

يرجى الأطلاع على هذا الموضوع أولا

هنا

رد: سحب العربية بيروح فجأه و يرجع تانى
 

نوع العربية سوزوكى ماروتى موديل 2009
20 الف كيلومتر
استهلاك البنزين كويس يعنى بتعمل الصفيحة حوالى 230 كيلو تقريبا
و هو معدل كويس للكربراتير لانها مش اننجكشن
البوجيهات لسة راكبة جديدة من اسبوع ngkسن طويل
فلتر هواء حديد و فلتر بنزين جديد تركيب اليوم و الهواء من شهر
الفرامل كويسة جدا و الحمد لله و مفيهاش مشاكل
شكل العادم مع تدوير الموتور فى البداية بيطلع مياه نقط كثيرة و بعدين بتروح مع المشى
و صوت الموتور هادى لدرجة انك لو واقف امامه و الكبوت مقفول ما تسمعهوش كويس و تشك ان العربية دايرة
لم يتم تغيير اى سيور فى العربية لان الكتالوج قال سير الكاتينة بيتغير بعد 40الف او 60 الف و انا لسة 20 الف و سير الدينامو شغال كويس و مفيش سيور تانى
اخر حاجة اتعملت فى السيارة
ركبت سنتر لوك و انذار و زجاج كهرباء و خلال فترة التركيب كان الكونتاكت مفتوح
بعد ماروحت لقيتها بتنتش قمت غيرت ابلاتين و كوندنسر لان الميكانيكى قال الابلاتين لدع او اتحرق
بعدين بدات المشاكل و بدات بتغيير الابلاتين و الكوندنسر تانى ثم سلك البوجيهات ثم البوبينه و بعدين راحت التنتيشة و بقى السحب يقل و يرجع تانى بعد مسافة 7 كيلو من المريوطيه هرم الى نصر الدين من خلال شارع ترسا و شارع خاتم المرسلين
غيرت اليوم عند الميكانيكى بردوا فلتر البنزين و قال انه مليان شوائب و انا شوفتها بنفسى حاجات زى صدأ الحديد من جواه و بعدين سابه شوية حوالى نص ساعة و قاللى انفخ لقيت الفلتر بيمشى الهواء فيه ببطء
انا بحط بنزين 80 بس من فترة مكنتش لاقى فحطيت 90 و بعدين حطيت 92 من البنزينة اللى فى طريق الفيوم الصحراوى
العيب دلوقتى ان السحب بيروح فجأه منى و بيرجع تانى فى خلال ثانية او اثنين
ممكن تفسرولى السبب

رد: سحب العربية بيروح فجأه و يرجع تانى
 

نسيت اقول ان الميكانيكى قاللى ان اسطوانة الدبرياج كويسة

رد: سحب العربية بيروح فجأه و يرجع تانى
 

السحب بيروح و ييجي! شيك على الكهرباء ( فيه فيوز على ما اعتقد يخص البوبينة راجع كل فيوزات و كتاوت الكهرباء! و لو لاقدر الله ملقيتش حاجه! يبقى اغلب الظن طلمبة بنزين لانك زي ما بتقول غيرت فلتر البنزين و نظفت فلتر الهواء

رد: سحب العربية بيروح فجأه و يرجع تانى
 

حط فلتر بنزين جديد تانى

لأن تقريبا أنت أخدت تفويلة بنزين وحشه

ولسه فيه منها رواسب ومتبقيات بتنك البنزين

جرب تغيير الفلتر

وشوف الوضع أتحسن ولا لا

ونكمل بعدين

رد: سحب العربية بيروح فجأه و يرجع تانى
 

هل البوبينة لها كتاوت كهرباء
طب مكانه ممكن يكون فين
هدور عليه
بس الفيوزات يا اما تقطع يا اما تشتغل ممكن تقطع مرة واحدة و تشتغل تانى
هشيك على الفيوزات كلها
طلمبة البنزين مش كهرباء
راداخ عند الموتور و الميكانيكى قاللى لو مش شغاله هتقطع خالص و متدورش العربية