الرسالة دى بجد ولا طريقة نصب
 

انا فتحت الاميل بتاعى النهاردة
ولقيت الرسالة دى

This email is to inform you that your Email Address has w.o.n
a BMW X6
CONCEPT CAR 2009 and 750,000.00GBP To collect Con.tact Mr. Alex Jefferson,
BMW Agent Email: bmw.mralexjefferson@email .ch with your FullName, Phone
No, Country and Age.
With Regards,
Mr. Larry Duke.
<?xml:namespace prefix = o ns = "urn:schemas-microsoft-com:office:office" /><o:p></o:p>
<o:p>هل معنى الكلام ان انا كسبت عربية ؟؟؟؟؟؟؟؟</o:p>
1- حد يعرف يقول لى انا فهمت صح واللاغلط
2-طيب دى رسالة بجد واللا نصباية
3-ارد عليهم واللا لأ
4-يعنى ايه الكلام اللى بالاحمر ده
معلش يا جماعة انا مش مصدق لانى عارف ان حظى وحش وعمرى فى حياتى ما كسبت حاجة




تحياتى للجميع

رد: الرسالة دى بجد ولا طريقة نصب
 

نصباية وش لأن السيارات الاختبارية ليست للعرض التجارى صح ولا اية ثم حضرتك دخلت مسابقة عشان تكسبهاايه ياترى؟

رد: الرسالة دى بجد ولا طريقة نصب
 

السلام عليكم
من غير تفكير ده نصب
بص حضرتك مينفعش شركه تتصل بعميل الا عن طريق شئ معتمد ويصدقه الناس
يعني مثلا مرة فودافون اتصلت بينا فطبعا اتصلت من رقم مميز جدا كله اصفار وهم بيتصلو انا قلت دي فودافون اكيد وطلع صح
لو بصيت علي الايميل ازاي ميبقاش ايميل علي ادومين بتاع شركه بي ام دبليو
xxx@bmw.com
فاهمني
واللي باللون الاحمر معناه الرقم بالجنيه الاسترليني بس هي كلها نصب

زي زمان واحد يبعتلك يقولك مش عارف مين مات في اوغندا وعايزين يفرجو عن ارصدته في البنك وحضرتك لازم تدفع عشان يحولهولك وليك مكافئة حلوه والكلام الفاضي ده

رد: الرسالة دى بجد ولا طريقة نصب
 

انا اخويا جالة ايميل ان كسب مبلغ كبير مش فاكر قيمتة بصراحة و لما اتصل عشان يعرف يصرفة قالولو (وخد بالك من قالولو دي) افتح حساب بنكي (و طلع فيزا كارد)رصيدة لا يقل عن 100 دولار وبعدين يبعتلهم رقم الحساب والرقم السري للفيزا عشان يقدرو يحولو الفلوس وانت عارف الباقي
وعلي فكرة لو اتصلت مش هاتخسر حاجة ابعت قاة استلم ازاي

رد: الرسالة دى بجد ولا طريقة نصب
 

رد: الرسالة دى بجد ولا طريقة نصب
 

انا متشكر جدا لحضراتكم ربنا يبارك فيكم
انا فعلا مش غاوى اشترك فى مسابقات
حتى زمان لما كنت فى اعدادى وثانوى لما كنت باشترك عمرى ما كسبت حاجة
وده اللى خلانى استغربت يعنى اول مرة اكسب يبقى بى ام
يمكن ده اللى بيقولوا عليه اول ما شطح نطح ههههههههههه




تحياتى للجميع

رد: الرسالة دى بجد ولا طريقة نصب
 

جالي اعلان مشابه و رديت لقيتهم بيقولولي كسبت 500 الف استيرليني في مسابقة شركة كوكاكولا و كانت محبوكة و في الاخر قالولي ابعت 300 استيرليني مصاريف تحويل المبلغ ليك في بلدك! قلتلهم سوكومونص ! يعني يكسبوني نص مليون و ممعهم 300 جنيه يبهتوا المبلغ! طب ما يخصموا ربع مليون مصاريف شحن ! و اللا اقولوكوا ابعتولي انا ال 300 جنيه استيرليني و انا راضي!!! بعتلهم ده في الايميل و مردوش عليا بعدها مع اني مراسلاتنا كانت شبه يومية لاستلام الجايزه!!! عرفوا ان انا سحتجي