سؤال: يعني ايه سيارة علي شاسية او سيارة علي علب؟
 

السلام عليكم
كنت اقرأ احد المقارنات بين السيارات
و تم ذكر ان هناك سيارات علي شاسية و اخري علي علب؟
ما معني ذلك؟
ارجو توضيح الفروق و المميزات و العيوب لكل منهما

رد: سؤال: يعني ايه سيارة علي شاسية او سيارة علي علب؟
 

هو السؤال صعب و لا انا كاتبه غلط و لا مش منطقي؟

رد: سؤال: يعني ايه سيارة علي شاسية او سيارة علي علب؟
 

رد: سؤال: يعني ايه سيارة علي شاسية او سيارة علي علب؟
 

عربيه علي شاسيه يعني قاعده عجلات و جسم العربيه يركب عليها
و دا تصميم قديم موجود الي الان في المرسيدس و سيارات الدفع الرباعي و الدفع الخلفي
لما يتميز من صلابه شديده و قدره هائله
اما عربيه علي علب
بمعني ان جسم العربيه و الشاسيه حته واحده زي البيجو 504 و كل السيارات الحديثه

رد: سؤال: يعني ايه سيارة علي شاسية او سيارة علي علب؟
 

طب و ايه الفرق بين الاتنين و يفررق فى الاداء والثبات ولا لأ
و ياترى ايهما الاكثر تحملا
و نأسف على الاطالة

رد: سؤال: يعني ايه سيارة علي شاسية او سيارة علي علب؟
 

هههههههههههههههههههههههه
ايه الي انت بتقوله ده يا كبير
حطلنا صور يا باشا يمكن نفهم

رد: سؤال: يعني ايه سيارة علي شاسية او سيارة علي علب؟
 

دى صورة بتوضح يعنى إيه العربية على شاسية

فى الصورة الشاسية هو الهيكل المعدنى اﻷسود المثبت عليه المحرك و أجهزة التعليق

و واضح من الصورة إن الكابينة أو جسم السيارة اﻷزرق ككل منفصل عن الهيكل السفلى

http://image.rodandcustommagazine.co...is_build_+.jpg

و النظام ده لسه مستخدم لغاية دلوقتى فى سيارات البيك أب و الدفع الرباعى ﻷنه بيتميز بقوة التحمل و المهام الشاقة

http://www.1st-4-vans.co.uk/img/Vehi...assisCab01.jpg

و ده شكل الشاسية لعربية بيك أب

http://web.ivenue.com/autoweld/images/s10chassis.jpg

أما التصميم الحديث للسيارات فبيبقى فيها هيكل السيارة متضمن الغرف الثلاث (غرفة المحرك - غرفة الركاب - غرفة اﻷمتعة) بما فى ذلك القوايم و دعمات حماية الركاب و التصميم ده بيتميز بأنه أخف وزن مع توفير درجة معقولة من الحماية للركاب

http://www.cdxetextbook.com/images/chassis.jpg

http://www.itcsoftware.com/general_f...es/image006.jp

http://www.automobilesreview.com/upl...he-audi-q5.jpg