الحقونى يأهل التويوتا
 

روابط اعلانية
GIFT4Uسلام عليكم يشباب انا جديد هناوبتمنى تسمحولى انضم ليكم وبصراحه اول عربيه ملك ليه اتعلمت عليها سواقه وسوقتها كتير هيا تويوتا 92 منيوال بس كان ليه استفسار فى ناس قالتلى ان المكينه عندى خفيفه انا بصراحه مكنتش فاهم يعنى بس عرفت من ناس ان معناها ان المكنه عايزه عمره طيب انا ليه سؤال ياترى ايهما افضل اجيب مكنه جديده من بورسعيد موديل 96 وحطها على عربيتى ولا اعمل عمره للمكينه الاساسيه وياريت تردوا عليه فى اقرب وقت ROSE4U

رد: الحقونى يأهل التويوتا
 

العمره

التفكير فيها أفضل

بعد الأطمئنان على المكونات الأساسيه ( البلوك والكرنك )

والتأكد من صلاحية حالتها لأرجاع الوضع

إلى ماكان عليه فى العصر الماضى لصحة المكنه

_____________________

ولو المكنه عندك بتاكل زيت ( مش تسريب خارجى )

ومقاس الزيت دايما فى النازل بشكل رهيب

يبقى أنت داخل على عمره

رد: الحقونى يأهل التويوتا
 

مع احترامي لرأي المهندس سمير: لو العربيه عملت عمرة قبل كده و دي تاني عمرة او تالت يبقى تشيل و تركب! العمرة مشكلتها 3 حاجات: 1- وقت رهيب تصل لاسبوع و ممكن في 3 ايام لو انت قاعد على كبوت العربيه قدام الميكانيكي ليل نهار

2- تكلفتها نفس تكلفة الموتور الاستيراد و متصدقش اي حد يقولك حاجه غير كده (في بعض الاحيان بتعدي سعر الموتور) دا غير الارف و الدوخة و الشد و الجذب و انك تدور على كل قطع الغيار المطلوبة و تفاصل في كل حته !
3- النتيجة! لو ميكانيكي نص نص (يعني حتى مش وحش) او الخراط نص نص! او الكهربائي نص نص او حتى الخراط حلو بس ماكينة الخراط مش مضبوطة على السعر يبقى ودع العمره ! مش حيبقى ليها عمر انا قلت نص نص لان لو وحش يبقى ودع كل حاجة

رد: الحقونى يأهل التويوتا
 

السلام عليكم ورحمة الله اتفق مع كلام الاخ mmffor مية فى المية وعن تجارب كثيرة جدا المشكلة فى العمرة انك بتتعامل مع متغيرات كتيرة اولها قطع الغيار من بساتم وبنوز وجلب بيلات وسبايك وصبابات وجوانات والى اخرة ...... لو ربنا كرمك وعرفت تجيب الحاجة اصلى اوريجينال يعنى مش يابانى وخلاص يبقى قطعت ثلث المشوار ( واشك انك تعرف تجيب الحاجة اوريجينال ) تيجى بقى بعد اما الميكانيكى يفك المكونات ويبعتها عند الخراط طبعا اللى مش هايكون من اختيارك والميكانيكى يؤلك انه متجرب وبودى شغلى عندى كولة لو واحد ميكرون زيادة فى الخرط يبقى العمرة بالسلامة انت متخيل ان فى مصر ماكينة تقدر تعمل كدة واللى بيشغل الماكينة فاهم انة يقدر يعمل كدة وعموما لو ربنا كرمك وجبت قطع غيار اصلية وكرمك تانى والموتور بتاعك راح عند خرط كويس يبقى قطعت ثلثين الطريق ..... نيجى بقى للميكانيكى اللى هو طبعا مش بيمد ايدة فى حاجة وعامل فيها استشارى ومشغل معاة صبية اللى يسبلك مسمار مهوى واللى يربطلك صامول غلط واللى ينسى يركب حاجة وكل دة وارد والله العظيم مش من خيالى يعنى والله هاتشوف العجب وساعتها هاتعرف احنا لية عربيتنا بتعمل حوادث اكملك؟ ماشي واللى ينسي يركب سلك سينسور الحرارة واللى ينسي يربط وش السلندر بمفتاح عزم طبعا حضرتك الوقت دة كولة متمرمط عند الميكانيكى واتهريت مشاوير روح يا بية هاتلنا دى وتبقى لسة راجع يؤلك هتلنا حاجة تانية واما ترجع ترجع الاولانية لانها مش عاوزة تركب يا بية مش نفس الموديل وطبعا وهما بيفكو الموتور وبيركبوة الامر ما يسلمش من وش فانوس يتكسر او ردياتير يتخبط واااااااااارد كل الحاجات دى وبعدين ربنا كرمك بقى وكلة تمام والموتور دار تيجى سيادتك تركب العربية تلاقى الكراسي كلها حتى الكنبة اللى ورة مليانة زيت وشحم طب اية اللى جاب الزيت على الكنبة اللى ورة اةةةةةةة اصلهم كانو حطين شوية حاجات من الموتور جوة الصالون ابقى وديها المغسلة يا بية بعشرين جنية صدقنى هاتتقلك كدة بالظبط ..... فى مشكلة تانى مقبلانا دلوقتى اية هى التليين هاتعد انت تلينها ولا هما يدوروها شوية ويبطلوها شوية وخد بالك دى اهم من الخراطة نفسها ازاى تلين الماكنة ..... وصدقنى بعد كل دة انت وحظك يا تصيب يا تخيب ومتهيالى حظك مش هايطلع حلو مع قطع الغيار والخراط والميكانيكى ....صعب .... تعالى بقى نشوف التكلفة تقريبا نفس سعر الموتور الاستيراد اللى شيل الحمام حط الحمام شغلانة كدة 4 ساعات وخلصنا على كدة اما تبيع الموتور القديم وتركب استيراد الفرق بنهم مش كتير خاللللص

رد: الحقونى يأهل التويوتا
 

أنتم كده

زى ماتكونوا بتنصحوا الزميل

بشراء بطيخه

ممكن تتطلع حمرا .....وممكن تطلع قرعه

هو ده التشبيه المناسب لشراء موتور أستيراد

كان شغال ومركون فى الشون

وعاوز أقولكم حاجه

طالما بلوك المكنه تمام والكرنك تمام بتاع المكنه ( المقترح عمرتها )

وجبت قطع غيار صح

ووصلت لميكانيكى صح

فأنت أشتريت موتور بحالة الزيرو

يبقى الأفضل أيه

أحاول أكشف على محرك سيارتى وأتعب شويه

ولا أشترى بطيخه وهى وظروفها

وأنا جاهز للنقاش ( حول معنى البطيخه )

رد: الحقونى يأهل التويوتا
 

السلام عليكم ورحمة الله
شكرا لكل الى فادونى فى الرد بس انا جاتلى فكره قبل ما اقرر اجيب موتور ولا لا انى احسب ثمن الحاجات الى هشتريها للعمره واشوف ؟لو عدت 2000جنيه يبقى احسنلى اجيب ماكنه جديده
ثانيا فيه ناس قالولى ان الماكينه المستورده بيكون ليها مده تجربه شهر برده عايز رايكم وشكراااااGIFT4U

رد: الحقونى يأهل التويوتا
 

واحد قالهالي حكمة و مصدقتهوش الا لما اتكويت بنار العند! شراء العبد ولا تربيته! لما عملت عمرة لل 128 مع انها عربية الشعب طلعت عيني و روحي مع اني روحت اشتري قطع الغيار من فطاحلة الفيات و حاجات لاقيتها برازيلي و حاجات تايلاندي و حاجات ايطالي يعني انا وحدت قارات العالم كلها في موتوري و ببص لقيت خامات بس كلفتني 1800 جنيه!!!! خراط خد 450 جنيه!!!!!! و ميكانيكي 180 جنيه و كهربائي 100 جنيه بالعافيه!!!و قرف ما بعده قرف و العربيه خلصت بعد اسبوع بالخناق و الضرب و ببص بحسب الحسبة لقيت العربيه كلفتني عمرة 3000 جنيه بقول كده للصنايعية و بوريهم الحسبة يقولولي بس انت كده احييت العربيه! التوابع! تزنيدة رهيبة في الموتور زي ميكون الموتور من غير قواعد و بحس برجة و هزة الموتور في الفتيس و العربية كلها ! وديتها لكذا ميكانيكي مفيش فايدة و كله يفتي و يفتكس و ياخد فلوس و مفيش فايدة! غيرت كاوتش الكبالن 3 مرات علشان اهمال الميكانيكي تسبب في قطعهم لانه اصلا بيتعامل مع خرفان ميعرفش يعامل عربيه! و في الاخر غيرت الكبالن نفسها!! غيرت طقم كهرباء مرتين ! الاقي زيت نازل تحت العربيه و كل شوية يقوللي اولسيه مش عارف ايه و جوان مش عارف ايه و كل شوية واحد يغيرلي حاجه و اشتري يا معلم و حاسب الاسطى يا باشا ! الخلاصه التوابع كلفتني بتاع 700 جنيه تانيين علشان الموتور يفوق بس التزنيدة لسة موجوده لحد ما اديت العربيه لاخويا و اشتريت عربيتي الحالية الحمدلله و لسة موجودة عنده ( التوابع دي حصلت في خلال شهر من بعد العمرة ما عدا التزنيدة ظهرت اول ما العمرة خلصت و انا اعتقد انها ليها علاقة بتثبيت الموتور و الفتيس) فايه رأيك تتبهدل اسبوع و بعديه شهر ( الا لو كانت امك داعيالك صبح و ليل ساعتها حتتبهدل 4 ايام بس) واللا تاخد بعضك زي الباشا تنزل مشوار للحرفيين تشوف المحل اللي بيشتغل في عربيتك تسيبله العربيه 5 او 6 ساعات تتمشى و تروح لابوار تشرب حاجه و تاكل حاجة حلوة و ترجع تلاقي العربيه ركبلها موتور جديد و دايرة بيجربوها تحاسب و تمشي؟ و لو ظهر حاجه او الموتور مش عاجبك خلال اسبوع او شهر ترجع تاني يشيلوه و يغيروه في كام ساعة برضوا؟ و كده كده حتدفع اقل