استهلاك البنزين عالى فى 128
 

الاخوه الاعضاء عندى عربيه 128 هى 1300 سى سى هى صفيحه البنزين بتعمل معايا بالكتير 140 كيلو يعنى اللتر يعمل 7 كيلو واعتقد ان ده كتير شويه وصوت الماتور عالى شويه وبحس بحراره شويه وانا سايق مع ان مؤشر الحراره مش بيعلى والمروحه بتشتغل .. لو حد عنده فكره عن سبب استهلاك البنزين والحراره يفيدنى .. وشكرا

رد: استهلاك البنزين عالى فى 128
 

أهلا بحضرتك،، ويسعدنى انى اكون اول من رد على استفسارك..
إستهلاك البنزين الزائد بيكون لعدة أسباب، وعشان ماندخلش فى متاهات هألخص لحضرتك بعض الأسباب اللى ممكن تكون هى السبب فى زيادة الإستهلاك:
1- إعمل كشف على تانك البنزين.
2- كشف على المواسير الخارجة من التانك حتى مدخلها فى الخراطيم اللى بدورها بتدخل على ترومبة البنزين ومنها للكاربراتير
3- ودى أهم خطوة وتكون بعد مراجعة المراحل السابقة وهى الكشف على الكاربراتير عند ورشة متخصصة فى صيانة الكاربراتير.
متهيألى ان الكاربراتير هو المسئول الاول عن ضخ كميات البنزين إلى داخل الموتور.
وربنا يوفقك فى ده كله.. ومستنيين ردك......

رد: استهلاك البنزين عالى فى 128
 

- بالنسبة لصوت الموتور العالى، ممكن يكون ان الميكانيكى كان معلى الموتور شوية من الكاربراتير، بس عموما ده لا يؤدى لإستهلاك 1 لتر بنزين لكل 7 كيلو، بمعنى ان ده مش هو سبب الاستهلاك الزايد للبنزين.
- وأيضا راجع على مقاييس التاكيهات (ضبط التاكيهات).
- أما بالنسبة لإحساسك بالحرارة وانت داخل العربية فأعتقد ان ده موجود غالبا فى السيارات القديمة نوعاً ما وده بسبب انها مابتكونش متقفلة كويس من ناحية حوض الموتور، أقصد بعكس السيارات الجديدة اللى بتكون معزولة تماما حراريا عن قمرة القيادة. وأيضاً يوجد بعض الحلول لمشكلة الإحساس بالحرارة، مثلاً إنك تغير اللباد (العازل الحرارى) اللى موجود خلف التابلوه، وده أحياناً بتدخل إليه بعض القوارض وتاكله، فتعمل فتحات فيه تحسسك بالحرارة.
ودى آرائى والله أعلم

رد: استهلاك البنزين عالى فى 128
 

يا باشا انا عاجز عن الشكر وان شاء الله هكشف على الحاجات وربنا يسهل واعرف السبب

رد: استهلاك البنزين عالى فى 128
 

رد: استهلاك البنزين عالى فى 128
 

راجع تاكيهات أولا

وجرب السياره

رد: استهلاك البنزين عالى فى 128
 

+1111111
احتمال كبير برضه .. واسمحلي حضرتك في الأول يشوف كهربا العربية لأن دي الأسهل من ظبط التاكيهات .