|
الحمد لله اشتريت لوجان 2011
في اول مشاركة او تليق ليا احب اوجه الشكر لكل اعضاء المنتدى لمشاركتهم و تعليقاتهم المتميزة و اللي كانت السبب اني اختار اللوجان بعد حيرة بينها و بين الفيرنا
انا لسه شاري العربية من اسبوع و عملت حوالي 800 كم و العربية ما شاء الله عليها ممتازة احب اوضح اني جربت قيادة اللانوس و الفيرنا و كان عندي اكسنت لكن اللوجان موضوع تاني تماما صعوبة الاختيار بين اللوجان و الفيرنا موضوع قتل بحثا و تعليقا لكن حبيت اوضح حاجات بسيطة 1- هزة الفتيس بسيطة و مش مزعجة كما كنت اتصور و في بعض الاحيان توحيلك بقوة المحرك 2- عضة المرشدير كما ذكر بعض الاعضاء لم اتعرض ليها الا مرة و اتنين و ارجح الظن هو ان طريقتنا في نقل عصا الفتيس قد تكون خاطئة 3- لاتوجد حرارة تحت ارجل قائد السيارة 4- استهلاك وقود ممتاز ( 13.5 كم / ليتر علي متوسط سرعة 110 كم في الساعة علي طريق القطامية ) 5- صوت الموتور عالي عند القتراب من ار بي لم 3000 لكن يقابله عزل ممتاز 6- عافشة ناعمة و اتزان عالي ما اشاء الله ( جنوط 15 ) انا حبيت اوضح حاجة تانية , انا ليا واحد صاحبي مجنون سواقة و معاه فيرنا 2010 لكن مش مبسوط منها بسبب انخفاض العربية و الاتزان و هو خايف على عائلته فرق المحركين مش كبير يعني لو مش محتاج القوة الكبيرة للفيرنا يبقى اللوجان متفوقة في معظم المقارنات الا الصيانة و اسعار التوكيل و دي ميزة الفيرنا و ان اي حد يصلح الفيرنا مش زي اللوجان محدش يزعل مني لكن لو مكنتش سواق تاكسي او مندوب مبيعات اي منتج او خدمة او شغلك مفيهوش لف كتير جوة البلد فاللوجان هي الاختيار الامثل هتابع العربية الفترة القادمة و هجيبلكم الاخبار شكر خاص ل ringo و ابو نورا متمنيا لكم جميعا دوام التوفيق |
رد: الحمد لله اشتريت لوجان 2011
الف مبروك علي العربية وربنا يبارك ليك فيها ويكفيك شرورها وشر العين والحسد
انا حبيت اكزن ازل زاحد يباركلك لان للاسف ناس كتير شافوا الموضوع ومفيش حد باركلك علي الاقل ولعلمك انا معنديش لوجان ولا اي عربية لاني لسه بايع عربيتي 128 وبفكر ومحتار جدا جدا بين الفيرنا واللوجان وهقولك ايه مشكلتي انا ساكن في6 اكتوبر يعني اهم شئ عندي عربية اعتمادية تسعفني وتستحملني يبقي ليها قطع غيار ويبقي تكيفها جامد ولما اجي ابيعها مخسرش كتير تبقي خسارة معقولة وبعدين بصراحة انا كنت ميال للوجان بص ناس قريبي قالولي الي معاه رينو ربنا يعينوووووووو انا متبهدل من غير عربية وعايز اخلص بس بصراحة مش عرف اعمل ايه امشي ورا كلام الناس الي بتفهم واجيب فيرنا ولا امشي ورا نفسي واجيب لوجااااان احمد ربنا انه وفقك وقدرت تاخد راي انا اسف علي الاطالة والف مبروك لحضرتك |
رد: الحمد لله اشتريت لوجان 2011
الف مبروك و ربنا يعطيك خيرها و يكفيك شرهاGIFT4U
|
رد: الحمد لله اشتريت لوجان 2011
الف مبروك وربنا يديك خيرها ويكفيك شرها واهلا بيك معانا فى مصر موتورز وعصابة الرينوهاوية GIFT4U
|
رد: الحمد لله اشتريت لوجان 2011
الف الف مبروك وربنا يباركلك فيها ويعطيك خيرها ويكفيك شرها ... قول آمين ROSE4U
على فكرة استهلاك البنزين عندك لسة عالى ولسة حتشوف ارقام تانية خالص مع العربية بس لما تخلص تليين عموما المتوسط بيكون فى حدود 8 لتر لكل 100 ك .. بس صبرا جميلا وربنا يحفظها ويحفظك اقتباس:
ادرس كل عربية لوحدها فى الاول قبل ما تدخل فى مقارنات واعرف صيانات اللوجان بتتكلف كام وشوف مصاريفها حتكون فى استطاعتك ولا لأ واعمل كدة مع الفيرنا واستخير وتوكل على الله |
رد: الحمد لله اشتريت لوجان 2011
الله يبارك فيكم جميعا
أ/احمد الشهابي انا ساكن قريب منك في حدائق الهرام و كنت من اشد مؤيدي الفيرنا لسابق خبرتي و حبي للاكسنت و كنت خايف من موضوع صيانتها جدا .... بس ان كنت ناوي تلتزم بالضمان فترشيحي طبعا للرينو لكن لو عاوز عربية تصلحها و اي وقت عند اي ميكانيكي يبقى فيرنا اسعار التوكيل بالنسبة للرينو و الفيرنا متقارب الى حد بعيد و تقدر تدخل على www.renaultegypt.com , و تعرف اسعار صيانتها انا بعمل 63 كم يوميا بحد ادنى ... من البيت للشغل و رجوعا يعني بكامل مشاويري تقريبا 2000 كم / الشهر انا بقالي 3 شهور باخد قرار اللوجان و الحمد لله ان ربنا وفقني في اختياري مرة تانية ........ فرق المحركين مش كبير يعني لو مش محتاج القوة الكبيرة للفيرنا يبقى اللوجان متفوقة في معظم المقارنات الا الصيانة و اسعار التوكيل و كمان القوة ديه علي البودي ده بيخلي العربية خفيفة و مشاكل الاتزان و الثبات معروفة للجميع يعني تشتري فيرنا و تغير جنوط لمقاس 14 كاوتش عريض(لسه لازم تحسب ثمنهم 2000 جم مثلا ) و تخرج بره الضمان و مهما الناس قالت عن انه مناسب فكده احنا بنستهلك اكتر من عمر المحرك استفيد بمحرك ممتاز- شنطة واسعة - صالون جميل - نعومة - ثبات ممتاز - عربية مصممة لتكون بجنوط 15 يعني لما تجيبلها جنوط سبور مش هتكون بستهلك من عمر المحرك و في ناس بدأت تخصص في الرينو و ليا قريب معاه كليو بيروح لواحد في صقر قريش بقاله سنتين بعد مخلص 3 سنين الضمان و مشتكاش من حاجة بالنسبة للصيانة و بيقول انا بحروح اعمل الصيانة الدورية بس الحمد لله توكل على الله و اللوجان هتستريح معاها بأذن الله |
رد: الحمد لله اشتريت لوجان 2011
اقتباس:
|
| الساعة الآن 04:20 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017