|
مشكله كبيره جدا في شاهين .......... اربع اطقم بوجيهات طارو في ربع ساعه
عربيه شاهين يا جماعه ولغاية دلوقت صديقي غير لها اربع اطقم بوجيهات
وتانك البنزين بيفضي نصه والكلام ده بيحصل اول ما يجي يدور بيسمع صوت فرقعه ويلاقي البوجيهات طارو وكمان التنك بتاع البنزين بيفضي والكهربائي شيك له علي الكارته لان العربيه 2006 وقاله سليمه بس بجد حاجه عجيبه ياريت لو اي حد عنده فكره يفيدناا الراجل محتااااااااااار جدا واللي يقوله شيل الكرته واقلبها مانيول من غير كروت واللي يقوله الكارته هي اللي بتحرق البوجيهات بصراحه اشتغااااالاااااااااااات وطببعا مش هلاقي احسن من المنتدي ده باذن الله عشان يفيدنا واسف للاطاله |
رد: مشكله كبيره جدا في شاهين .......... اربع اطقم بوجيهات طارو في ربع ساعه
ايه يا جماااااااااااااعه هو الناس اجازه انهرده
(كل عام وانتم بخير بمناسبة راس السنه الهجريه) |
رد: مشكله كبيره جدا في شاهين .......... اربع اطقم بوجيهات طارو في ربع ساعه
الوووووووووووووووووو
|
رد: مشكله كبيره جدا في شاهين .......... اربع اطقم بوجيهات طارو في ربع ساعه
خللى صديقك يشوف ميكانيكى بيفهم
يشوفله راجع البنزين شغال ولالا المشكله أحتمالاتها الكبيره فى دايرة البنزين يا الراجع مش شغال وأنا شاكك فى بلف تنظيم ضغط البنزين إللى بيكون على نهاية مسطرة الرشاشات أو الرشاشات عند صاحبك عاوزه تتغير |
رد: مشكله كبيره جدا في شاهين .......... اربع اطقم بوجيهات طارو في ربع ساعه
طيب حضرتك بالنسبه لصوت الفرقعه اللي بيحصل والبوجيهات اللي بتطير بردو بسبب الراجع؟؟؟؟؟؟
|
رد: مشكله كبيره جدا في شاهين .......... اربع اطقم بوجيهات طارو في ربع ساعه
لو البنزين كان بيترش
بالغزاره إللى أنا متخيلها يعملك أحلى فرقعه فى الغرف ممكن تخليه يطلع مسطرة الرشاشات بالأربع رشاشات بره المكنه ويشوفهم بيسيلوا ولا لا وأيه شكل مخروط البنزين النازل منهم وطلمبة البنزين شغاله غالبا حتلاقى تحتهم دش بنزين بيترش بغزاره وممكن تخليه يجس خط الراجع بأيديه ( بعد المسطره على طول بتاعة الرشاشات ) بعد بلف تنظيم الضغط ( والمكنه شغاله ) لو ملقاش الراجع شغال ( وده أنا متوقعه بشده ) يبقى البنزين عامل ضغط محترم على الرشاشات وبيخش الغرف بالهبل وده يعملك أحلى مفرقعات ويهبب البوجيهات بمجرد شوية شغل للمكنه |
رد: مشكله كبيره جدا في شاهين .......... اربع اطقم بوجيهات طارو في ربع ساعه
الف شكر يا باش مهندس هنروح لميكانيكي دلوقت وربنا يسهل وهبلغ حضرتك بالاخبار
|
| الساعة الآن 09:50 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017