|
نوعية المساعد والتيل الخلفى
انا عندى BYD F3 موديل 2007 وعندى مشكله انى مش لاقى التيل الخلفى قالولى ان الامامى يمشى عليه تويوتا 2005 اما الخلفى دوخت عليه ومش لاقيه هل اى احد عنده فكره اجيب التيل الخلفى منين وهل يمشى عليه تيل التويوتا الخلفى واذا كان ينفع فأى موديل من التويوتا يركب عليه اما بالنسبة للمساعد الامامى موديل كام من التويوتا يركب عليه لانى عايز اركب مساعد التويوتا احسن من المساعد بتاعها وسعره كام بالظبط |
رد: نوعية المساعد والتيل الخلفى
انا رايي انك تنزل القاهره بكره وتنزل علي توكيل القطاميه تجيب التيل من هناك اما المساعد فمش عارف انت عايز تغيره لان نوعه وحش ولا لانه باظ لو لانه باظ يبقي تجيب غيره بالمره من هناك لك تحياتي
|
رد: نوعية المساعد والتيل الخلفى
اقتباس:
تيل الفرامل الخلفى موجود بالتوكيل وهو مطابق لاحد موديلات التويوتا الغير منتشره فى مصر وهو موجود بتوكيل تويوتا بسعر غالى جدا ستجده بتوكيل القطاميه بسهوله واما المساعدين فهى مطابقه لموديل التويوتا الكورولا وموجود بالسوق موديلات من 2003 الى 2007 وهو كامل بالتوكيل بالسوست والبطاحات وموجود فى كل مكان بدون سوست وبطاحات ويحتاج لزرجينه عند الميكانيكى لنقل المساعدين للمجموعه بتكلفه اضافيه احيانا وموجود من كل الماركات و منرو وايضا بتوكيل تويوتا او فى المحلات |
رد: نوعية المساعد والتيل الخلفى
السلام عليكم ورحمة الله
ممكن يا أستاذ أحمد تقولي رأيك في العربية بصراحة انت معالك موديل 2007 يعني تعتبر العربية متجربة وزبادة انا بفكر اشتريها اليومين دول وقلقان جدا من الصيني ممكن تقولي ايه مشاكلها معاك وعاملة كام كيلو وانا من اسكندرية هو موضوع قطع الغيار حيبقى صعب بالنسبه ليه زيك كده ياريت من فضلك تقولي ايه تقييمك للعربية بعد 4 سنين مع العلم اني مش بسافر كتير واستخدامي مش هايبقى جامد للعربية وهل واجهتك مشاكل تانية وهو انت المفروض تغير المساعد بعد 4 سنين |
رد: نوعية المساعد والتيل الخلفى
اقتباس:
تيل الفرامل الخلفى موجود بالتوكيل وهو مطابق لاحد موديلات التويوتا الغير منتشره فى مصر وهو موجود بتوكيل تويوتا بسعر غالى جدا ستجده بتوكيل القطاميه بسهوله واما المساعدين فهى مطابقه لموديل التويوتا الكورولا وموجود بالسوق موديلات من 2003 الى 2007 وهو كامل بالتوكيل بالسوست والبطاحات وموجود فى كل مكان بدون سوست وبطاحات ويحتاج لزرجينه عند الميكانيكى لنقل المساعدين للمجموعه بتكلفه اضافيه احيانا وموجود من كل الماركات و منرو وايضا بتوكيل تويوتا او فى المحلات احب اشكر حضراتكم استاذ اميركول واستاذ عماد واسف على تأخيرى فى الرد عليكم ولكن احب ان اعرفكم انى نزلت القاهرة وذهبت الى شارع دمشق وعثرت على محل هناك اسمه الفهد يبيع قطع غيار البى واى دى ولقيت عنده التيل بتاع البى واى دى الاصلى عنده نفس اللى فى التوكيل بالظبط وسعره كان 110 جنيه يعنى ارخص من التوكيل وده عنوان المحل 14 شارع سيدى جابر ميدان الجامع متفرع من شارع دمشق مصر الجديده ورقم تليفونه هو 24531422 وعلى فكره التيل الخلفى هو نفس تيل السيارة التويوتا الكامرى الخلفى |
رد: نوعية المساعد والتيل الخلفى
اقتباس:
وعليكم السلام استاذ فارس بالنسبة للسيارة فهى ممتازه وسفرى بها كثير ولا يوجد بها اى مشاكل والحمد لله اما قطع الغيار فهى متوفره ولو ما لقيتش حاجتها هتلاقى الافضل منه قطع التويوتا ودى متوفرة واحسن وانا نفسى بافضلها عند التغيير اما المساعدين فعندنا فى السويس الشوارع لا تصلح لاستعمال الدبابات وليس السيارات فقط علشان كده انا باشتكى من المساعد بتاع السيارة |
رد: نوعية المساعد والتيل الخلفى
نفهم من هذا ان التيل الامامى تيل كورولا والتيل الخلفى تيل كامرى وهنا نريد ان نعرف باقى اختلافات العفشة مابين ال byd والكورولا لان ال byd اكثر ثباتا من الكورولا على السرعات العالية ويوجد بالسيارة ال byd مايسمى بال strut bar وهذه القطعة تزيد من ثبات السيارة ولى سؤال هلى تتميز ال byd عن الكورولا بهذه القطعة ايضا لو سمحتم اكشفولنا سرعفشة ال byd صحيح هى افضل من الكورولا فى الثبات اما اذا فكرت فى المساعدين فالتوكيل افضل لان المسا عدين فى التوكيل معهم طقم البطاحات ولى رجاء طارت زلطة من سيارة نقل امافى صنعت حفرة صغيرة فى القشرة الامامية للباربريز الامامى فما هو علاجها وهل يوجد البابريز الامامى بالتوكيل وكم سعرة وشكرا جزيلا
|
| الساعة الآن 10:48 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017