صوت تزيق جاى من ناحيه دواسه الصنى و مودرن موتورز أبو رواش اخر طناش
 

انا معايا نيسان صنى أوتوماتيك 2010 و رحت مودرن موتورز أبو رواش يوم السبت27-11-2010 وكنت حاجز الساعه 10.15 ص روحت الساعه 10 المهندس محمد سعيد قالى 10دقائق المهندس عمرو هيستلم العربيه لحد الساعه 11.15 و لا حياة لمن تنادى المهم سألت فين المهندس عمرو اخيراً وصلتله و استلم العربيه الساعه 11.30 قلتله على مشاكل العربيه و أكثر حاجه انى بسمع صوت تزيق جاى من ناحيه الدواسه و العربيه متحركه و صيانه 5000 المعتاده قالى حضرتك هتستلم العربيه الساعه 1أو1.30م
الساعه قربت على 3.30 م ولا حد عبرنى المهم قلت اروح أصلى العصر لقيت الأستاذ هشام و ده مش عارف مهندس ولا أيه سألته أخبار العربيه رقم كذا أيه قالى كله تمام المهم استلمت العربيه الساعه 4.30 م و مشيت والله العيب زى ماهو نفس التزيق عربيه عمله 5000 ك و بتزيق و التوكيل اخر طناش حسبى الله و نعم الوكيل

رد: صوت تزيق جاى من ناحيه دواسه الصنى و مودرن موتورز أبو رواش اخر طناش
 

والله معظم التوكيلات كده انا مجرب 3 توكيلات غبور فى الفيرنا بتاعه والدى ومنصور فى الأوبترا بتاعه صاحبى واخير ابوالفتوح فى ال516 بتاعتى عملوا معايا فوق ماتتصور وكل مره اقول حسبى الله ونعم الوكيل ومبخدش منهم لاحق ولاباطل

رد: صوت تزيق جاى من ناحيه دواسه الصنى و مودرن موتورز أبو رواش اخر طناش
 

للاسف مفيش ضمير !!!!!!
MADMAD:red_face10::red_fa ce10::red_face10::019F3B~ 14::019F3B~14::019F3B~14:

رد: صوت تزيق جاى من ناحيه دواسه الصنى و مودرن موتورز أبو رواش اخر طناش
 

بس ياباشا شويه نصائح كده اصلي خبير في توكيل ابو رواش ده اخوك بقي بقالك سنتين بيتعامل معاهم
سعتك هيستلموا منك العربيه وهيدخلها الورشه
انت بقي متقعدشي في الاستراحه ( الي هي اساسا مش استراحه )
المهم متقعدشي فيها وخلاص كده بقي
لا انت تخش تتسحب كده ولحد ما عربيتك تخش اي مهندس معدي قوله لو سمحت العربيه واقفه بقالها كتير هي هاتخش امته
المهم هاتلاقيهم دخلوهاله مفيش في عشر دقائق
وبعدما تخش توصي المهندس الي جوه وتقوله ع مشاكل العربيه لان وصله التعامل بين المهندس المستلم وبين الصنيعي حته ورقه لو قرأت الي بيكتبه هتقول اذاي بيفهموا بعض
المهم وتسيبهم ساعه كده وتعمل اتشك تشوف عربيتك فين بردوا تتسحب وتخش الورشه وتشوف بيعملوا ايه بسرعه وتخرج يعني لان ممنوع تقف هناك
المهم لحد ما عربيتك تخرج من الورشه انت تروح من ورا في الورش كده تقولهم عربيتي خرجت عايز الورق بتاعها هاوديه للاستاذ بتاع الحساب وتدفع الفلوس وتغسل عربيتك وتاخد ورقه الخروج وتمشي
وده الحل علشان موضوع الوقت الي بيضيع عليك انت هاتتعب اه بس معلشي هاتخلص بسرعه شويه
بالنسبه بقي للمشاكل الي مبتتحلش فانا في الموضوع ده بقالي سنتين بس انت ايه شد شويه في الكلام معاهم وجرب العربيه وبعدين لو فيها نفس المشكله ارجعلهم في لحظتها مش تسيبها وتقول الصيانه الي بعدها زي ما انا بعمل نتيجه لضيق الوقت بالنسبالي
بس الصيانه الجايه ناوي اعمل كده لان العربيه عندي فيها شويه مشاكل واتخنقت لاني قولتها المره الي فاتت ومتحلتش خالص

بالتوفيق ليك

رد: صوت تزيق جاى من ناحيه دواسه الصنى و مودرن موتورز أبو رواش اخر طناش
 

جرب روح السبع اللي في المعادي هتحس بفرق كبير

رد: صوت تزيق جاى من ناحيه دواسه الصنى و مودرن موتورز أبو رواش اخر طناش
 

الله ينور يا دكتور هو دا الكلام ....

رد: صوت تزيق جاى من ناحيه دواسه الصنى و مودرن موتورز أبو رواش اخر طناش
 

‏‫من جهاز الـ iPad الخاص بي‬السيارة متجمعة في مصر بخامات رديئة فرامل وصاج ورولمان بلي وعوامة بنزين وكوتش صيني والباب لازم يترزع علشان يقفل والفبر اسفل الزجاج الامامي خفيف جدا ثمنه 215 جنيه قرضه فار ودمر لي الفتيس والتكييف والفرش الداخلي موديل 2013 زوروا مودرن موتورز الهايكستب وأتفرج علي السيارة اللي أكلها الفار الحل 96 ش احمد عرابي المهندسين القاهرة وتطلب سرعة تحويل السيارة للجنة فنية وتحويل مصنع نيسان موتور ايجبت للنيابة المختصة هيرجعوا لك ثمنها بالكامل ولو عاوز توجب مع الفاسدين توجه الي 99 ش القصر العيني القاهرة وزارة التموين الدور الثاني مفتشي الغش التجاري لعمل قضية وطلب تعويض ثم الرقابة الصناعية امام رامو بالحي السادس مدينة نصر ثم وزارة الصناعة والتجارة الداخلية بجوار جامع عمر مكرم بميدان التحرير ثم نشير الأعطال دي بالنت ثم الاعلام ثم النائب العام دعونا نقاوم الفساد بسلمية كغاندي ستنهار أساطين الغش في مصر ويعرفوا ازاي يتعاملوا مع المصري في بلدنا الجديدة