التفييس المصري
 

يا جماعة أنا عندي سؤال محيرني فقلت أشوف رأي الشباب فيه إيه

كما جرت العادة عند المصريين السيارات الألمانية لها طعم خاص
أنا شخصيا بحلم أجيب C250 مع إحترامي لجميع منافسيها
وطبعا بحوش وأحوش علشان أجيبها

السؤال:
لما أجمع ثمنها الي هو أزيد من ربع مليون (بعد عمر طوييييل)
هل تستاهل الواحد يحط تحويشته في عربية علشان يمشي يكروز بيها في الشارع كده والناس تبص عليه (أنا شخصيا غالبا هحط تحويشة عمري)

ولا الموضوع مش مستاهل؟؟!!!

444546

رد: التفييس المصري
 

ايه ياترى

أاقولك

فعلا الموضوع مش مستاهل

رد: التفييس المصري
 

مالو التوكتوك؟؟؟؟4BY4
والله الهنود دول 100/100

رد: التفييس المصري
 

ممكن تفكر تجيبها لما يكون معاك مليون كده واللا حاجة زايدين عن احتياجاتك.

رد: التفييس المصري
 

عندك حق

واضح أننا إللى هنود ..........مش همه

والله على ما أقول شهيد

POLICEE

رد: التفييس المصري
 

لو شاب مش شايل المسؤولية مش حيهمه
بس الراجل الواعي اللي شايل المسؤولية العربيه بالسباله وسيلة مواصلات فبيدرسها من وجهة نظر اقتصادية و انسانية انه يحافظ على ادميته و اسرته! فبيجيب حاجه تؤدي الغرض على حسب ما ربنا موسعها معاه! يعني لو معاه 100 الف حيجيب عربيه ب 60 و لو معاه 200 حيجيب عربيه ب 100 لأن الباقي بيبقى تأمين للبيت لو عيل مرض او حاجه حصلت لحد

رد: التفييس المصري
 

انا معاك في كل كلمة قلتها..لكن هل معنى ده ان الواحد يتنازل عن حلمه وطموحة لمجرد انه اصبح مسؤل وعنده عيلة هل هذا منتهى الطموح..وكل تفكيره ينحصر في كيفية تحقيق الرفاهية لأسرته ...متنساش ان العربية الفارهة هي ايضا رفاهية وبريستيج للاسرة..مثال للبرستيج : لما تركب انت واسرتك 128 زي لما تركب بي ام او مرسيدس .. لما تكون معزوم في فرح في فندق 5 نجوم وتنزل من بي ام او مرسيدس زي ما تنزل من كرولا او سيراتو ...اه البرستيج له ثمن لكنه يستاهل ..والانسان عايش مظاهر في مظاهر المظهر مهم جدا ...يعني انت ليه بتحب تعيش في مكان محترم ..كمبوند او فيلا..ليه مع ان اي شقة في اي حي شعبي ممكن تكون اكبر في المساحة واوفر في الفلوس ..ليه الواحد ممكن طول عمره يحوش عشان يسكن في شقة كويسة ..ليه بتدخل ولادك مدارس اجنبية ..عشان بتشتري مستقبل لهم..هتقلي العربية مش مستقبل ...اقلك العربية مستقبل ..جرب كده ادخل اي مكان عام بسيارة فارهة وشوف نظرات الاهتمام والاحترام على كل الناس التي تتسابق لخدمتك لكن جرب ادخل باي عربية اخرى وشوف الفرق.. يا عم ديه بتفرق في لجان المرور كمان....هو ده نفس السبب اللي يخلي الواحد ممكن يصرف تحويشة عمره في عربية مع الفارق ان العربية استهلاكيه سعرها بينزل والشقة عكس ذلك..لكن زي ما قلت البرستيج مهههههههههههم جدا في حياة البني ادم ويستاهل ثمنه..
انا كمثال..متزوج وعندي طفلين وحاولت اكثر من مره اني اتنازل غن حلمي في امتلاك المرسيدس او الب ام..لكن مقدرتش وبالفعل بحوشلها عشان السنة القادمة ان شاء الله اكون من ملاكها..

مع خالص شكري وتقديري