|
تنصحوني اشتري جولف ايه ؟
السلام عليكم ورحمة الله
مبدايا دي اول مشاركة ليا في المنتدي الهايل ده اللي فعلا بيساعد ناس كتير المهم انا معايا 40000 وعايز اجيب حاجة جولف محترمة ونضيفة اجيب ايه ولو في حاجة تانية في حدود 40000 ترشحولي ايه وشكرا مقدما واسف علي الاطالة سلام عليكم |
رد: تنصحوني اشتري جولف ايه ؟
ايه ياجماعة 12 مشاهدة مفيش حته رد او افادة علي العموم شكرا وانا لسه متعشم خير في المنتدي المحترم ده
|
رد: تنصحوني اشتري جولف ايه ؟
ممكن جولف2 نظيفة فبريكة موديل 90 وفوق
سعرها من 35000 إلى 40000 أقصى حاجة ممكن تلاقي جولف تعبانة شوية في حدود 30000 عموماً نصيحة بصفتي معايا جولف 90 ما تشتريش جولف إلا لو كانت 100% تماما عشان مصاريفها كثير إلا لو كنت عايز تظبط وتسقط مواتير وكلام من ده يبقى تشوف واحدة موتورها تعبان عشان تاخدها بسعر كويس وتصرف على التسقيط وخلافه الجولف3 بتبقى أسعارها في حدود 40000 جنيه عموماً الجولف حاجتها كلها غالية ومصاريفها كثير لو عايز تريح بالك دور على حاجة كسر زيرو وبلاش مشاكل المستعمل وممكن تحط ال 40 ألف في عربية زيرو وتقسط الباقي على سنة ولا حاجة يبقى تمام ومش هتحتاج تصرف على الزيرو جنيه واحد لمدة خمس سنوات بإذن الله |
رد: تنصحوني اشتري جولف ايه ؟
شكرا يا م/احمد علي ردك الوافي.
طيب ايه رايك اجيب ايه جديد لو هادفع 40000 مقدم انا عايزاجيب حاجة كده شبابي وتكون مش مكلفة في قطع غيارها او ايه مستعمل مايكونش مقرف في قطع غياره وصيانته ومعلش حاجة تانية نفترض اني ممكن احط علي ال40000 الف دول 30000 يبقوا 70000 اجيب ايه بقي مستعمل او زيرو او كسر الزيرو يعني رايك ايه برضه |
رد: تنصحوني اشتري جولف ايه ؟
أسئلة صعبة جداً
ومفيش إختيارات بكرة بإذن الله نكمل والرجالة هنا مش هيسيبوك برضه |
رد: تنصحوني اشتري جولف ايه ؟
اقتباس:
المستعمل كله مقرف صيانته لكن لو هتشتري حاجة كسر زيرو على معرفة بتاريخها ونظافتها عالية يبقى هتبقى قريبة للزيرو وطبعاً الزيرو أفضل في حاجات كثير جداً زيرو في مستوى سعر من 60 إلى 70 ألف في منها شبابي وعائلي وواسع وضيق وأوتوماتيك وعادي ممكن تقول طلباتك في العربية إيه عشان نقدر نفكر مع بعض |
رد: تنصحوني اشتري جولف ايه ؟
زي ما قالك الاستاذ أحمد خليك في حاجة زيرو أوكسر زيرولان المبلغ اللي معاك يجيب جولف 2 بحالة ممتازة جدا وباقل منه شوية بس الجولف مصاريف صيانته غالية شوية فانت ممكن تجيب حاجة كسر زير أو زيرو أفضل والمبلغ لو انت زودت وي ما بتقول ممكن تجيب نيسان صني أو نيو اكسنت او لانسر 1300 أو تويوتا كورولا 2005 في اكتر من اختيار
|
| الساعة الآن 04:50 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017