حد جرب رينو فلوانس يفيدنا من تجربته
لو سمحتم لو في اي حد جرب الفلوانس يفيدنا من تجربته معاها .
|
رد: الفلوانس....
أنا شوفت ناس كتير على النت جابوها و عملوا بيها فوق ال 10,000 كيلو و بيشكروا فيها
و أنا ناوى أجيبها على بداية السنة الجديدة بأذن الله علشان بيقولوا فى تخفيضات على السيارات الأوروبية بسبب أتفاقية الجات |
رد: الفلوانس....
انا بردو ماسمعتش عنها حاجه وحشه غير ان سعر اعادة البيع مش كويس و دا بصراحه مش فاريء معايا لان العربيه تستاهل الفلوس بالمقارنة بسعر الجيتا و الفانتازيا و في رآيي الشخصي هي مميزه عنهم من برة و من جوا . بس في ناس اشتكت من مؤشر البنزين انه فيه مشاكل بس مش عارف دي مشكلة فرديه ولا في كل الفلوانس . يارب تكون مشكلة فردية علشان انا مجهز فلوسها و ماسك نفسي كل يوم من اني هشتريها لحد ما اطمن .
|
رد: الفلوانس....
لامتشتريش دلوقت اصبر اصبر مش عارف لية حاسس ان العربيات سعرها حينزل انا كمان مش عاوز اشترى
|
رد: حد جرب رينو فلوانس يفيدنا من تجربته
شباب انا اخيرا جبت الفلوانس بجد سيارة جميلة جدا وعن تجربة وانا مستعد لاى اسئلة عنها
GIFT4U |
رد: حد جرب رينو فلوانس يفيدنا من تجربته
لله الحمد قدرنا نتوفق في سيارة فلوانس فيراني غامق فئة ال 135000 الف واستلمناها يوم
20/5/2010 يعني ليها دلوقتي اكتر من 6 شهور سافرت بيها القاهرة من الصعيد مسافة 700 كم وماش اء الله عليها ثابته ثابته ثابته وموزونه بطريقة ما تتوصفش علي سرعات فوق ال 150 كم / ساعة وكمان ثلثة في قيادتها في السرعات العالية وانا بقول ان العربية دي متحسش بقيمتها الا علي الطرق السريعة والسفر انصح اي حد ناوي ع عربية يجيبها احسن من الباسات والالفنتازيا " طبعا بالنسبة للسعر " |
رد: حد جرب رينو فلوانس يفيدنا من تجربته
انا عندى رينو فلوانس عملت بيها 15000كم فعلا عربية محترمة و انا مشيت بيها على سرعات عليا و اخت بيها ملفات جامدة فعلا ثابتة و عليا بس مشكلتها قطع الغيار لان المساحات عندى كوتشتها اتقطعت و غيرتهم الاتنين ب 300جنية !!
|
الساعة الآن 06:48 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017