برجاء الافادة هن مواصفات ومشاكل E240 2003-2004
 

اولا: احب اشكر كل القائمين على هذا المنتدى الرائع وكل الاعضاء والمشاركات اللي بجد بستفيد منها...
انا نفسي من زمان اركب عربية مرسيدس الفئة E او بي ام الفئة الخامسة وده كان حلم بالنسبة لي ولما قربت احقق هذا الحلم فوجئت ان فيه مشاكل في المرسيدس ومشاكل مكلفة مش بسيطة.
انا عندي اسئلة محيراني كثيرا ومحتاج ردودكم عليها :
- ما هي مواصفات ال E240 2003 (في حدود الميزانية بتاعتي) وهل ترتقي ال BM 525 2005مثلا.
-تكاليف الصيانة الدورية..
-سمعت ان مشاكل الب ام كثيره ولما دخلت قسم المرسيدس لقيت مشاكل كثيرة ايضا.
-معقول اكون دافع في عربية الماني زي E240 2003 اكثر من ربع مليون ويكون فيها مشاكل..
- ممكن تقولولي انها عربية زي كل العربيات لازم يكون فيها مشاكل وانت بتاخذ في المقابل مميزات اخرى زي الثبات والفخامة والتكتولوجي العالي..(كل العربيات الياباني والكوري فيها مثل هذه الاشياء ما عدا الفخامة..يبقى ايه الفرق)
-انا مش عايز اقولكم انا هجمع مبلغ العربية ال E 240 2003 ازاي يعني هداين وهستلف في سبيل شراء هذه الجميلة وطبعا هكشف عليها في التوكيل وهأخذ ال ok .لكن خايف من الاحباط اللي ممكن يجيني لما اعرف انها ممكن تعطل(انا مش بتكلم عن اعطال صيانة عادية) بتكلم عن اعطال زي اللي انا شفتها في منتداكم الكريم وفي المنتديات الخليجية..مثل ان العربية تقف فجاة - وبالنسبة للبي ام شفت كم اعطال كان ما لفت نظري ان واحد بيقول انه فجاة سمع صوت فرقعة في العربية ولما نزل يشفوف وجد ان الريداتير مفرقع والعربية كانت مطفية طبعا ..معقول بي ام 525 2005 يحصلها كده..امال ادفع دم قلبي وتحويشة العمر عشان ارجع ادفع تاني في الصيانة وانا معييش ..يعني العربية هتبقة بالنسبالي هتبقى حتة حديدة...
-انا فكرت في الباسات على الزيرو وهي بنفس المبلغ لكن مش في امكانيات وفخامة المرسيدس او الب ام .
-فكرت اني اقايس واجيب اي عربية ياباني او كوري عشان متعذبنيش في الصيانة والاعطال...لكن متردد وخايف

ارجو اني مكنش طولت عليكم كما ارجو الاجابة عن استفساراتي عشان استريح

مع خالص تحياتي

رد: برجاء الافادة هن مواصفات ومشاكل E240 2003-2004
 

معقول 7 مشاهدات ومفيش رد

رد: برجاء الافادة هن مواصفات ومشاكل E240 2003-2004
 

معقول اسئلتي صعبة لدرجة ان محدش يرد علي

رد: برجاء الافادة هن مواصفات ومشاكل E240 2003-2004
 

اخي الفاضل
هي فعلا عربيه زي كل العربيات....... واكيد بتعطل..... كل الفرق ان و العربيه سليمه انت بتستمتع بيها بالامان و الرفاهيه و متعه القياده والاداء طبعا وخدها قاعده طول ما العربيه بتديك تكنولوجيا متطوره احتماليه(انا بقول احتماليه يعني ممكن تحصل او مش ممكن) حدوث مشكله بنكون اكبر........ لكن بدون شك دول ناس بيهتموا بالجوده

رد: برجاء الافادة هن مواصفات ومشاكل E240 2003-2004
 

رد: برجاء الافادة هن مواصفات ومشاكل E240 2003-2004
 

بالنسبة لموضوع الياباني معاك معتقدش هيعجبك سواقته

خصوصا انك بتفكر في مرسيدس E
الكورولا والأوبترا (عربيات أنا سوقتها) سواقتهم عامله زي عربيات الملاهي مفيش أي متعة أو أمان بالرغم من أن صيانتهم رخيصة وإعادة بيعهم سهلة

زي مقلتلك قبل كده أنا أرشح باسات أو مرسيدس C زيرو وعيش حياتك سبع سنين منغير متصرف عليهم غير البنزين والزيت دا غير متعة إحساس إن انت اول واحد يركب العربية دي حاجه تانيه خالص

رد: برجاء الافادة هن مواصفات ومشاكل E240 2003-2004
 

الكلام ده سلييييييييييييييييييييييي يييم تماما , باستثناء حالة واحدا , أنك تلاقى العربية الE240 اللى أنت بتدور عليها بحالة تكاد تكون جديييييييييييييييدة , يعنى العربية اللى هى كل صيانتها فى التوكيل و عارف اتغير فيها كام غيار زيت من أول ماطلعت من المصنع و فابريقة بره و جوه و عارف كل قطعة غيار اتغيرت فيها ايه من ساعة ماتصنعت لحد دلوقتى و اتغيرت فين و كمان مين الفنى اللى غيرها و كان لابس ايه و هو شغال !!!!!!!!!!(what)

و طبعا لازم تكون تقفيل ألمانى على أبوها مش تقفيل مصرى خالص , فى الحالة دى , ممكن تجيب الE240 المستعملة .

بس ليه مافكرتش فى الMERCEDES E200 Kompressor , ده الموتور بتاعها 2000 سى سى بس و هيديك 176حصان .و كمان فيه فرق كبير فى الضريبة السنوية للتجديد فلوس كتير.