لو كنت مكاني - ادفع الفرق و لا اوفر فلوسي >>>>> استطلاع
 

قدامي عربيه زيرو حلوه اوي ..... اساسياتها 10/10 ... موتور قوي .... عفشه صح ... صاج ... .... قطع غيار اسعارها معقوله و متوفره ... ماركه محترمه جدا وتجميع محلي و تمنها 80 الف جنيه

بس في مشكله :-

العربيه ستاندرد يعني فاضيه مسح ... يدوبك تكييف و باور

لكن بتنزل منها مواصفات اعلا :-

1) GLS
فو اوبشن - سنتر وانذار و ازاز ومرايات كهربا و كنبه تفتح للشنطه و اكصدامات بلون العربيه و باكتات و سي دي MP3 اصلي .... كل الكماليات .... بس تزيد 10 الاف

2) صناعه بلدها
طبعا عارفين التقفيل المحلي و عيوبه ...... من بعيد زي الفل لكن بتاعه بلدها حاجه تانيه خالص .... خامات مختلفه ...الدريكسيون غير الدريكسيون .... التابلوه تحسه جلد ولونه حتى مختلف المحلي تحسه بلاستك شويه .... حتى الكراسي قعدتها حاجه تانيه ... الكاوتش ... الزراير .... وطبعا فرق التقفيل بس للاسف تزيد 10 الاف جنيه عن المحلي

3 ) عوامل الامان
....مفيهاش اي سيفتي .... هما 2 حزام امان (علشان قانون المرور )....
لكن ممكن تنزل باكدج 2 ايرباج و ABS وبارات حديد ورا الاكصدامات وعليهم سوست ماسكه في الاكصدام و بارات في الابواب ..... قصه .... بس بردو هما ال 10 الاف

طبعا العربيه كدا بالمواصفات دي بقت فله شمعه منوره .... بس للاسف زادت من 80 ل 110 الف
انا اخري لو عصرت نفسي 100 الف جنيه ... اعمل ايه .... اخد ايه و اسيب ايه و ازنق نفسي و ادفع ال 100 و لا اوفر حاجه منهم

بصراحه محتار و مش عارف اعمل ايه لو كنتم مكتني تختارو ايه من البدايل المتاحه :-
1 ) جميع الكماليات
2 ) تقفيل بلدها
3 ) مواصفات الامان

بس اللي يختار ميزودش عن حاجتين او حاجه واحده لو شايف الباقي مش مهم اوي ...

ياريت كل اللي يقرا الموضوع يشارك برأيه لأن رأيكم يهمني اوي يا جماعه ... واسف على الاطاله

رد: لو كنت مكاني - ادفع الفرق و لا اوفر فلوسي >>>>> استطلاع
 

هوه الإعلان عن نوعها ممنوع في المنتدى ptmnlo123per184
لو مابتفرقش معاك الكماليات خدها فاضيه طبعا
عشان ساعة البيع في المستقبل الإتنين حيبقى سعرهم واحد تقريبا وبكده تكون وفرت فلوسك دلوقتي
وغذا كنت من النوع اللي بتحب الكماليات غضغط على نفسك وهات ام 110 وادفع 80 وقسط 30 على ثلاث سنوات ومن غير ماتزنق نفسك

رد: لو كنت مكاني - ادفع الفرق و لا اوفر فلوسي >>>>> استطلاع
 

يا ريس مفيش عربيه و لا حاجه ... كل الحكايه انا عايز اعرف رأي الناس تفضل ايه في العربيه :-
( الكماليات - الجوده - مواصفات السلامه )
بس قلت اغير في شكل الموضوع بدل ما يبقى في قالب استطلاع تقليدي ممل .... علشان بس نشجع الناس يشاركو
و يشرفني تكون اول مشارك
بس لو الناس كلها اختارت موضوع الفسط دا يبقى الاستطلاع بااااااظ ptmnlo123per160

رد: لو كنت مكاني - ادفع الفرق و لا اوفر فلوسي >>>>> استطلاع
 

ايه ياباشا الشغل الجامد ده ايوه كده كمل بقى صدقنى هيجى منك وهتبقى روائى سيارات شهير........ptmnlo123per1 54

وبخصوص الموضوع انا افضل انى ماشتريش دلوقتى لأن اى سيارة دلوقتى ماتسويش قيمتها فعليا.....
التوكيلات لساهم رافعين الأسعار ومش راضيين يرضخوا للأمر الواقع خليهم يمكن العند يخليهم يبقوا رجالة عندهم تكاليف ثابتة عمالة ومراكز صيانة ومعارض وايجارات وخلافه 3 او 4 شهور على كدة وهيفلسوا .

ايه اللى يخلى غبور فى الوقت الحالى يفكر فى زيادة اخرى على الالنترا وهتشوفوا سعرها هيززيد مع بداية العام

السيارات الاوروبية سعرها ماقلش ليه مع ان الاستيراد باليورو ....
واليور كعملة قلت عن من شهرين حوالى 15% يعنى السارات الاوروبية المفروض مع الركود كمان والازمة الطاحنة تقل بتاع25% فين ده...
دول بيشتغلونا وبيتعاملوا مع العملاء بأستخفاف اكننا فى كوكب تانى ....
لذلك انا لو هاجيب عربية وواخد قرار الشراء مش هشترى من واحد بيستخف بيه هستنى شوية وهأجل قرار الشراء كنوع من انواع المقاطعة الفعالة لغاية ما يفلس او انا اسلم........ptmnlo123per1 95

رد: لو كنت مكاني - ادفع الفرق و لا اوفر فلوسي >>>>> استطلاع
 

لو انا مكانك يا باشا

أولا... لازم اجيب عوامل الأمان لأنى صعب قوى اركب العربية و انا مش مطمن لها

ثانيا .. تقفيل بلدها لأن ده هيفرق قوى على المدى البعيد .. الاصالة

بالنسبة للكماليات (باين من اسمها كماليات و ليس اساسيات).. يا فرحتى و انا بفتح العربية بالريموت و بنزل الزجاج كهرباء و انا ركب عربية تقفيل أى كلام أو مفيهاش عوامل امان ..... اهم حاجة الاساس و الاصل
ولو يا سيدى نفسك تركب اى واحدة من الكماليات اللى قلت عليها ابقى ركبها مش اصلية (مش هتفرق فى الاستعمال لكن هتفرق فى السعر).

و لك خالص تحياتى على الموضوع الجميل و طريقة العرض المميزة

رد: لو كنت مكاني - ادفع الفرق و لا اوفر فلوسي >>>>> استطلاع
 

قسط : بدام معايا اشترى كاش يبقى لاااااااااااااااااااااااا ء ومليون لاء وكل لاء عايزة موضوع منفصل

كماليات اركبها انا على ايدى احسن ميت مرة (خاصة لو التقفيل شرقى) واوفر فرق كمان

تقفيل بلدها : يستاهل فرق السعر حتى لو هقدر انه يستاهل فرق سعر اقل من كده بس عامة يستاهل على المدى الطويل لان فرق التقفيل يعنى فرق معايير جودة وجودة يعنى اساس العربية يبقى انا مبرميش فلوسى فى الارض وبريح بالى سنين قدام

عوامل الامان :
ديه بقى (عفوا) اللى تحرق الدم
يعنى اشترى عربية ب 100 الف مفيهاش بارات (مش كمرات كمان) ورا الاكصدامات طب الاكصدامات يبقى ايه لازمتها
اشترى عربية بالسعر ده مفيهاش بارات فى الابواب
طب ديه البرايد (ماشاء الله) ورا الاكصدامات فيه كمرات صلب ولا كمرات المبانى الخرسانة
وفيه بارات فى الابواب من اول اقدم موديل لحد الموديلات الايرانى
بصراحة حاجة تحزن ان يبقى فيه استخفاف بمعايير اساسية زى ديه

من يومين لسه كنت شايف هيونداى متريكس الكمرات اللى ورا فيبر !! واللى قدام صاج ورفعها تقريبا من رفع صاج العربية ولسه كنت هعمل موضوع عن ده

بصراحة العربيات اللى زى كده حراااااام فيها الفلوس اساسا

لكن الايرباجز تستاهل فرق سعر وكذلك ال ABS

فالخلاصة عوامل الامان الاساسية بالنسبة لى (زى البارات والكمرات وتصميم العربية نفسة ) ديه عوامل اساسية مش اختيارية ولو مش موجودة هتسقط العربية فى نظرى من الاساس

فانا لو مكانك اللى ممكن ادفع فيه فرق فعلا هو فرق بلد التقفيل وبصراحة بالنسبالى (شخصياً) اهم من الايرباج وال ABS ptmnlo123per1127

واخيرا تسلم ايدك يا سامح على الموضوع المتميز ptmnlo123per112

رد: لو كنت مكاني - ادفع الفرق و لا اوفر فلوسي >>>>> استطلاع