|
كيفية أعادة ضبط معايرة مؤشرات العدادات ؟
السلام عليكم يا شباب
انا كنت فكيت المؤشر بتاع عداد السرعة عشان اغير اضاءة العدادات بس لما ركبته كان مهيس على الاخر بمعنى انه كان في تأخير حوالي 20 كم/س يعني لو انا ماشي بسرعة 100 كم/س حتكون السرعة على العداد 80 كم/س ..... ازاي بقى اظبط المؤشر تاني ؟ |
رد: كيفية أعادة ضبط معايرة مؤشرات العدادات ؟
ROSE4Uالسلام عليكم و رحمة الله و بركاتهROSE4U و أنا كمان عندى تقديم فى مؤشر السرعة بتاع عربيتنا البيجو ال505 القدييييييييييييييييمة مو1980,التقديم حوالى 20كم/س. ياريت أهل الخبرة يفيدونا فى الموضوع ده و لهم جزيل الشكر . جزاكم الله كل خير MERCEDES E230 |
رد: كيفية أعادة ضبط معايرة مؤشرات العدادات ؟
اقتباس:
ماكنت تسيبها فى حالها ياهندسه دى حاجات حساسه عموما أشرحلنا فكيت المؤشر أزاى وركبته أزاى بشىء من التفصيل الممل لعل الله يرشدنا سويا لأيجاد فكره فى أرجاع الوضع إلى ماكان عليه ومتابع معاك ......ياصديقى الملاك |
رد: كيفية أعادة ضبط معايرة مؤشرات العدادات ؟
اقتباس:
ROSE4Uالسلام عليكم و رحمة الله و بركاتهROSE4U يا سلاااااااااااااام . طاب أنا بأه لا لعلبت فيهم و لا جيت ناحيتهم , أعمل ايه أنا بأه؟؟؟ أنا العربية عندى بتبقى سرعتها 20 - 30 كم/س و هى واقفة أودام البيت و مش دايرة كمان !!!!!!!!!(what) MERCEDES E230 |
رد: كيفية أعادة ضبط معايرة مؤشرات العدادات ؟
متهيألى أى حد متخصص عدادات يقدر يعمل الموضوع.
البيجو الأبرة بتاعتها مقدمة, التابلوه هيتفك والأبرة ترجع للصفر وخلاص. أما الدايو بقى برضه لو المؤشر بتاعها زى البيجو, حضرتك ممكن تفك التابلوه وتجيبه للصفر, لكن هو بيضرب السرعة فى 2 :), الحل صعب شوية, هتخلع الباغة من على العدادات بحيث تقدر تخلع الأبرة وتركبها براحتك (يعنى هتفك التابلوه كله:)), وتمشى مع حد معاه عربية لحد ماتوصلوا لسرعة معينة معلومة, 60 أو 30 كيلو مثلا, هو هيقولك أنكم وصلتم لسرعة كذا فتروح حضرتك مركب الأبرة مكانها عند السرعة المعلومة, والسبب أنه بيهيس هو عدم تركيب الأبرة صح, أو أساسا خلعها من مكانها:) |
رد: كيفية أعادة ضبط معايرة مؤشرات العدادات ؟
اقتباس:
انا يا هندسة فكيت المؤشرات عادي عشان اغير لون العدادات اقتباساً من الزميل أبو فارس مع انه ماقالش نفك المؤشرات بس انا حبيت اتفزلك شوية واهي جت على دماغي ... بالنسبة لمؤشر الحرارة والبنزين والار بي ام انا ظبطتهم يعني لما اعربية سخنت اوي خليت مؤشر الحرارة تحت النص شوية وفولت العربية وخليت مؤشر البنزين على اخر شرطة ونفس الكلام مع مؤشر الار بي ام .... انما المشكلة بقى في مؤشر السرعة مش عارف اضبطه خالص ... محتاج مساعدتك والنبي يا هندسة ومبروك للأسماعيلي ... |
رد: كيفية أعادة ضبط معايرة مؤشرات العدادات ؟
اقتباس:
ونظرا لخيبة الأهلى التقيله لأن الناس الحلوه خلاص الخطيب & مصطفى عبده & مختار مختار & شطه & غيره دلوقتى اللعيبه بأو آخر دلع عاوزين فلوس وخلاص ونظرا لأننى خلاص رميت طوبة الكره المصريه من زمااااااااااااان فأنا بأحيى الأسماعيلى ( لأن بيقولوا لجحا .....فين بلدك ياجحا ) _______________________ المهم أنت محتاج ترجع مؤشر العداد لأقصى وضع السكون علشان يبدأ يتحرك معاك من تحت فحاول ترجع المؤشر على أدنى مستوى له يسار العداد لأن للأسف العداد ده مرتبط بحركة العربيه وممكن تشوف زاوية تركيب المؤشر على محوره جايز تكون خالفه معاك سنه ومحتاج تعدل زاوية تركيب المؤشر سنه لتحت يسارا غير كده متعملش أى حاجه تانيه ولاتسمع كلام كهربائى يفتيلك فى حساس سرعه وغيره لأن العمليه معاك مجرد ضبط لوضع تركيب المؤشر لأسفل ______________ وممكن حاجه تانيه حاول تلفف عمود المؤشر بخفه للشمال بحيث تجيب بوش عكس عقارب الساعه على قدر المتاح بحيث المؤشر يركب على الوضع ده |
| الساعة الآن 09:12 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017