مقارنة غريبة شوية يا ريت كل اللي يدخل يقولي راية ؟
 

بفكر في اللوجان وبين الكيا بيكانتو ؟ مقارنة غريبة
1- علشان اولا اللوجان عربية بالمرة وكبيرة ومش هفكر اغيرها ؟
2- البيكانتو عربية صغيرة وسواقتها تكون سهلة علشان انا لسة جديد في السواقة ؟

ويا ريت محدش يقولي هات 128 اتعلم عليها علشان انا مش عايز بهدلة العربيات المستعملة واللي بسمعة عنها ...ايه ياترى

لو انتم مكاني هتختارو اية "؟

رد: مقارنة غريبة شوية يا ريت كل اللي يدخل يقولي راية ؟
 

اللوجان طبعا يا كبير من غير كلام ...

البيكانتو اه هتكون صغيرة عنها وسواقتها سهله شوية فى الزحمة لكن اللوجان مش تريللا يعنى هههههه

وبعدين موضوع الفرق ده مش هتحس بيه خالص اول متتعود على العربية وابعادها ..

لكن اللوجان اقوى واوسع واريح واثبت .. ومفيش وجه مقارنه بينها وبين البيكانتو لان البيكانتو فئة واللوجان فئة تانية اعلى طبعا ..

رد: مقارنة غريبة شوية يا ريت كل اللي يدخل يقولي راية ؟
 

وانا مع هذا الرأي


أطيب تحية



ROSE4U

رد: مقارنة غريبة شوية يا ريت كل اللي يدخل يقولي راية ؟
 

طبعا لوجان (مع العلم ان اللوجان الهاتش باك نزلت وهى جميلة جدا)

رد: مقارنة غريبة شوية يا ريت كل اللي يدخل يقولي راية ؟
 

رد: مقارنة غريبة شوية يا ريت كل اللي يدخل يقولي راية ؟
 

انا هاقولك رأي غريب شويه عارف ان فيه ناس كتير هيتجنوه وممكن يهاجموني عليه بس ده رأيي بصراحه
انا من انصار التعلم للسواقه علي اكبر عربيه ممكنه بالرخصه الخاصه يعني تدور علي عربيه مستعمله وجديده برده راشه بره مش مهم تكون بعد 2005 وتشتريها بسعر السوق عشان انت كده ولا كده هتخبطها وتعدمها العافيه وبعدين تبيعها فمتخسرش كتير وتاخد الي انت عايزه
وعلي فكره 128 عربيه بأقتدار افضل عربيه توضع فيها الفلوس النهارده لساكني صباع المحشي المسمي القاهره (صالون معقول جدا لفرد او عائله صغيره - صيانه تافهه وبالمعني الحرفي ببلاش يا مؤمن الفانوس علي بعضه ب20 جنيه -الماتور كامل بالفتيس من بورسعيد 85% ب1700 جنيه صاحبي لسه شاريه من 25 يوم بالضبط-تبيعها في منت وانت واقف او قاعد تشرب شاي فمش من مجرد كلام البعض عن الاعطال ولا عشان قديمه خلي بالك انا معايا كرولا 2010 واسبرانزا a620 من اسبوع غيرت تيل فرامل للكرولا امامي وخلفي وفلتر زيت والله دافع 970 جنيه علي الرغم اني انا الي جايب الزيت
شوف بقي الفرق بين ماتور وفتيس قصاد مرتين تيل فرامل