كوع المياة إتخرم فى الإسكندرية ساعدونى سريعا
 

السلام عليكم ورحمة الله وبركاته

العربية شاهين 1400 موديل 99 ( اللى فى التوقيع )

لقيت العربية بتسخن جامد بصيت لقيت الكوعة اللى تابعة لدورة المياة ( التبريد ) مخرومة - مع إنى مغيرها قريب -

المهم دلوقتى أنا عايز أعرف لو فى حد كويس يعملهالى فى الإسكندرية ولا أروح بيها للقاهرة مع العلم إنى قاعد تالت يوم العيد فى إسكندرية لحد آخر اليوم وبعد كدا مسافر القاهرة مع العلم إنى كل شوية بزود المياة

أنا حاليا فى سموحة جنب محطة قطار سيدى جابر

ياريت تقولولى لو فى أى حد قريب بيفهم

رد: كوع المياة إتخرم فى الإسكندرية ساعدونى سريعا
 

بص ياباشا حاول تلف اى كيس عليها بس طبعا وهيا باردهولفه بشكرتون كويس
ولما تمشى ابقى كل شويه بص على الميه ولما توصل ابقا طمنا عليك

رد: كوع المياة إتخرم فى الإسكندرية ساعدونى سريعا
 

ما اظنش انك ممكن تلاقى ميكانيكى فاتح اليومين دول ممكن تشترى معجون حديد وتجرب تلحمة
بس مش متاكد من جودة اللحام

رد: كوع المياة إتخرم فى الإسكندرية ساعدونى سريعا
 

حاول تشوف اي ميكانيكي فاتح يغيرهالك او اي محل قطع غيار يكون عنده الكوعه و اشتريها و غيرها بنفسك
لو ما لقتش يبقي زي فنان ما قال
لف عليها بكره شيكروتون و هيا بارده
و برضه عنيك علي امبير الحراره
لحد م اتوصل بالسلامه و غيرها

رد: كوع المياة إتخرم فى الإسكندرية ساعدونى سريعا
 

جزاكم الله خيرًا على المشاركات السريعة والإفادة

هل الكوعة دى لازم تتغير ولا بتتلحم ولا ايه ؟

ينفع شريط لحام ؟ لأن المكان ضيق جدا عندها

هى سهلة كدا ؟

رد: كوع المياة إتخرم فى الإسكندرية ساعدونى سريعا
 

فعلا

سهله جدا

المهم تلاقى محل فاتح تشتريها منه أو شوف واد بتاع تاكسى معاه شاهين

ويكون واد ( أبن حلال )

يساعدك فى الوصول لكوعه ( وممكن تلاقى معاه كوعه أحتياطى )

وتركيبها سهل جدا

1- حتحل الأفيز اللى عليها وتملص الخرطوم

2- حتحلها من على وش السلندر

3- حتنظف مكان القديمه وتركب الجديده بجوانها

مع حتة سيلكون مثلا وتربط المسمارين بتوعها كويس

4- حتركب الخرطوم تانى بالأفيز كويس

وخلصت

بس من رأى شوف تاكسجى معاه شاهين وهو حيبينلك الوضع على الطبيعه

ومينفعش ترجع مشوار طويل زى ده

من الأسكندريه للقاهره بكوعه ملفوف عليها شيكرتون

حتعملك قلق كبير طول الطريق

دا غير ممكن كمية الميه إللى معاك متكفيهاش

والمكنه تسخن منك ويحصل مشاكل فى المكنه ( لاقدر الله )

_________________________ _____

ولو هي معدن مش فيبر زى عندى

ممكن تعمل مثلما أشار عليك الأخ : أحمد بدر

ومكنتك بارده والأنتظار لحين جفاف وتصلب المعجون

والمعجون حينفع كويس جدا

بس المهم جودة التقفيل

وياسيدى أبقى لف شيكرتون على المعجون ( زيادة أمان )

رد: كوع المياة إتخرم فى الإسكندرية ساعدونى سريعا
 

توصل بالسلامه انشاء الله