مشكله فى تكييف الصنى 2007
 

عندى مشكله فى تكييف الصنى 2007 قبل انتهاء الضمان ب 4 شهور تقريبا التكييف اصدر صوت كأنه موتور يزن(صوت زنة فى التكييف)وبعد الذهاب للتوكيل وعمل الصيانه اللازمه قالوا نظافه عاديه من ورق شجر وتكرر الصوت وبعد كل صيانه يختفى الصوت ثم يعود المهم بعد انتهاء الضمان ظهرت المشكله انهم بيداروا على عيب فى بلوار التكييف انه محتاج يتغير ومش موجود عندهم كمان طب الحل ايه مفيش حل طبعا ضاع علينا الضمان ولبسنا البلوار
يا ريت اللى عنده حل لمشكلتى يقولى عليه لأنى فكرت بجد فى بيع الصنى بعد كثرة عيوبها اللتى بدأت تظهر بعد 3 سنين وكأن السيارة مضبوطه على انها تظهر عيوبها بعد 3 سنوات بالضبط وكمان فى مشكله فى المقصات بالرغم ان العربيه بتمشي فى طرق طويله ومطبات قليله لأنى اعيش فى المناطق الجديدة لكن ظهر هذا العيب ومش عارف اعمل ايه حد يدلنى على حلول انا فعلا خايف من عيوبها اللى بتظهر فجأه وفين الاقى قطع غيار مستعمله سعرها هادى شويه لأن البلوار اللى مش موجود فى التوكيل سعره عندهم ب 4000 جنيه

رد: مشكله فى تكييف الصنى 2007
 

قصدك بالبلوار

الكمبروسور ( الضاغط )

ولا مروحة التكييف ( الموجوده تحت التابلوه )

وكتيرأوى المبلغ ده فعلا

رد: مشكله فى تكييف الصنى 2007
 

قصدى مروحه التكييف اللى تحت التابلوه

رد: مشكله فى تكييف الصنى 2007
 

غاليه أوى كده ياباشا

أمال الكمبروسور بكام !!!!!!!!!!!!!!!!

غالبا بلية المروحه فيها مشكله عندك

أو الريش نفسها مش مظبوطه

عموما

تغيير المروحه سهل جدا ومش حتحتاج تحل تابلوه

ممكن تشوف واحده أستيراد

وتجربها بسلك من البطاريه قبل تركيبها

مش حتعمل معاك

300 ج ( على أقصى تقدير )

رد: مشكله فى تكييف الصنى 2007
 

شكرا يابامهندس سمير وان شاء الله نشوف لها مروحه استيراد اونشوف البليه اخبارها ايه ونبيعها ونخلص منها ووالف شكر على اهتمامك

رد: مشكله فى تكييف الصنى 2007
 

خساره أنك تفرط فى العربيه

على حاجه بسيطه زى دى

وأمنياتى لك بالتوفيق

وصلاح الأحوال

رد: مشكله فى تكييف الصنى 2007
 

الله يبارك فيك يا باشمهندس سمير
وللأسف انا هغير العربيه لأسباب كتير وده واحد منها بالأضافه لأن المقصات فيها صوت غريب والتوكيل متعبين جدا وكنت اتمنى انى اكمل بيها لكن الحمد لله على كل حال والف الف شكر لأهتمامك بالرد