السلام عليكم افيدونى خلاص زهقت
 

السلام عليكم
انا معاى رينو كليو 2002 1200cc بدات الاحظ تسريب زيت تحت العربيه كل يوم رحنا للميكانيكى قلنا دا جوان التاكيهات غيرنا الجوان ب120 جنيه برده لقينا تسريب
قال دا فلتر الزيت غيرناه برده لقينا تسريب قالوا نغسل العربيه كويس من تحت وبعدين ننتظر لنكتشف
وبعدين قالوا انه عطب خبيث فى حاجه مش عارفه ايه كده فى الموتور ولازم زرجينه مخصوص علشان الوتور وغيروا حاجه كده
وبعدين فى تسريب برده قالوا دا يمكن وش السلندر انا خلاص مش عارفه اعمل ايه حد يفيدنى جزاكم الله خيرا
GIFT4UGIFT4U

رد: السلام عليكم افيدونى خلاص زهقت
 

ممكن يكون اولسيه الكرنك

رد: السلام عليكم افيدونى خلاص زهقت
 

فى البدايه

لازم نعرف الزيت ده مصدره أيه

الفتيس ولا المكنه

طيب نعرف نفرق أزاى

من خلال متابعة مقاس زيت المكنه

لقيناه بينقص .............يبقى ده زيت مكنه

لقيناه ثابت المنسوب .....يبقى ده زيت فتيس

دى أول خطوه للتشخيص الصح

______________________

وحقيقى أنا مش فاهم

ميكانيكى أيه

إللى مش عارف الزيت مصدره جوان التاكيهات ولا مكان آخر

رد: السلام عليكم افيدونى خلاص زهقت
 

ايوه منسوب الزيت بيقل فعلا هو تقريبا قال تسريب خلف الكاتينة

رد: السلام عليكم افيدونى خلاص زهقت
 

ممكن تسريب من حوض الزيت (الكرتير) او طبه الزيت ...

رد: السلام عليكم افيدونى خلاص زهقت
 

هى اخر حاجه قالولنا عليها ان وش السلندر فيه مشكله انا اقول للميكانيكى ايه بيقولى لازم نشوف ينصلحه يا نجيب واحد جديد ودا يتكلف كام انا معرفش
وتنصحونى حضراتكم اروح لمين انا من الاسماعيليه مش عارفه اعمل ايه
ومش فاهمه قوى فى الميكانيكا
وجزاكم الله خيرا

رد: السلام عليكم افيدونى خلاص زهقت
 

طيب

حضرتك
ممكن هو يشوف فيه تعريق تحت حافظة سير الكاتينه ولا لا

لو كده ( أى فيه تعريق زيت فعلا أسفل الحافظه والحافظه ملوثه بالزيت )

يبقى يجب عليكى الأسراع بتغيير الأويل سيل التالف فى مجموعة الكاتينه

ممكن يكون أويل سيل الكرنك الأمامى

أو أويل سيل عمود الكامات

وممكن تكون طبة زيت علويه على وش السلندر إللى بتجيب زيت

ودى تبان بسهوله

حتلاقى الزيت مسيل من عند الرأس نزولا لأسفل

وكده يبقى أهون وأسهل فى العلاج