|
فى الطريق من اسكندريه لبورسعيد العربيه عطلت و مفيش بنزين بيوصل ؟
السلام عليكم كل سنه وانتم طيبين وعيد سعيد عليكم انا عارف يا جماعه ان الناس اللى متابعه مواضيعى فى قسم الصيانه هتقولى هوا ايه حكايه عربيتك يا عم احمد بس بجد انا نفسى مش عارف العربيه دى جابت اخرها ولا الميكانيكى اللى معندوش ضمير ولا ايه النهارده والدى و جماعه قرايبنا كانوا مسافرين بالعربيه لبورسعيد وانا مكنتش معاهم وده بناء على ثقه من البيه الميكانيكى اللى مأكد لنا ان العربيه تمام و زى الفل المهم طلعوا على بركه الله و قبل ما يوصولوا طنطا حصل اللى كنت متوقعه والعربيه عطلت منهمMAD وعلى حد فهمى لما والدى كلمنى فى الموبايل ياخد نمره الميانيكى عرفت ان العربيه مفيش بنزين بيوصل فيها بارغم انها متفوله !!ايه ياترى طب ده من ايه بس ياترى طرمبه بنزين ولا رشاشات ولا ايه بجد ابتديت اقفد الثقه فى العربيه الفقر دى واللى يغيظ كان معاهم فيرنا بس قالوا ناخد الجيب هتكون احلى فى السفر و انا و الوالد قولنا فرصه نمشى العربيه شويه ونفوقها شويه لكن للاسف تأتى الشيروكى بما لا تشتهى الركاب وكسفتنا الشيروكى قدام الناس MAD |
رد: فى الطريق من اسكندريه لبورسعيد العربيه عطلت و مفيش بنزين بيوصل ؟
ممكن تكون طلمبة بنزين شيعت
وممكن يكون كتاوت أو فيوز الطلمبه بحاجه للتغيير |
رد: فى الطريق من اسكندريه لبورسعيد العربيه عطلت و مفيش بنزين بيوصل ؟
شكرا يا ستاذ سمير على ردك
بس المفروض ان الميكانيكى مشيك عليها قبل كده بس هوا كان بيقولى حاجه مره كانت العوامه مش قاريه كويس قالى ان فى ماس او حاجه زى كده هل ممكن يكو ن الماس ده هو السبب |
رد: فى الطريق من اسكندريه لبورسعيد العربيه عطلت و مفيش بنزين بيوصل ؟
اقتباس:
يبقى ممكن يكون عزل الماس مش كويس وحصل قفله فى الضفيره بتاعة الطلمبه وبالتالى تعطلت الطلمبه عن ضخ البنزين وعيوب الكهرباء الفجائيه زى ماس فى الضفيره أو توقف الطلمبه الفجائى أو تلف الكتاوت أو الفيوز الميكانيكى ملوش ذنب فيه ده بيكون قضاء وقدر |
رد: فى الطريق من اسكندريه لبورسعيد العربيه عطلت و مفيش بنزين بيوصل ؟
شكرا استاذ سمير
ووالد قفلها و ركنها جنب مزرعه و اتصرفوا فى عربيه والميكانيكى و والدى هيروحوا بكره يجيبوها و يصلحوها وربنا يستر بقى وتعدى الليله دى على خير من غير خساير ولا حاجه منها تتسرق |
رد: فى الطريق من اسكندريه لبورسعيد العربيه عطلت و مفيش بنزين بيوصل ؟
يارب يكون وصى بتوع المزرعه عليها
وأخد تليفوناتهم تحسبا لأى ظروف وخير بإذن الله |
رد: فى الطريق من اسكندريه لبورسعيد العربيه عطلت و مفيش بنزين بيوصل ؟
مش عارف اقولك ايه والله ...
انا بالظبط حاسس نفس احساسك ده .. لانى ببساطة مريت بية مع الافانتى بتاعتى .. متجيش غير لما يكون فى مشوار مهم او حاجة مهمة وتعطل ... شوف .. هو غالبا طرمبة البنزين باظت .. ونصيحة لما تطلب عوامة مثلا او كده متستخسرش فيها حاجة ومتاجلش حاجة فيها .. الراجل المفروض لو الرداخ (طربمبة البنزين) مش شغال وهو راكب بيفكه ويجربه على البطارية لو مشتغلش (او اشتغل وطلع دخان او ضعيف) يبقى محتاج يتغير ولو اشتغل كويس يبقى المشكلة فى الوصلات الكهربية ومحتاج مراجعة من كهربائى كويس ... وربنا معاك ويعينك على الشيروكى المشاكسة دى .. هههههه |
| الساعة الآن 02:13 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017