فيرنا ولا لانوس
 

محتار اشترى عربية جديدة ولا مستعملة علما انى لسة متعلم سواقة جديد
ولو جديدة فيرنا ولا لانوس شيفرولية

رد: فيرنا ولا لانوس
 

رأي الشخصي يا دكتور ....
طالما لسه متعلم سواقه جديد ... يبقى مستعمل الاول احسن لمده سنه مثلا تكون اتعودت شويه على السواقه في شوارعنا الجميله وقواعد السواقه المصريه الاصيله

ولما تحس ان العمليه ماشيه كويس يبقى ساعتها تفكر في الزيرو
لكن لو حختار حاجه من الاتنين ( فيرنا - لانوس ) عن نفسي ارشح الفيرنا... بس فيه ناس كتير بتفضل الانوس ..
ومبروك مقدما يا دكتور احمد

رد: فيرنا ولا لانوس
 

اتفق مع رأي سام رام ،،

أو عموما هوا ده المتعارف عليه اشتري عربية مستعمله اتعلم عليها

و بعدين فكر في زيرو لراحة البال ،،

خالي بالك في كل الأحوال الزيرو خسران خسران ،،

رد: فيرنا ولا لانوس
 

اشكركم على النصائح الجميلة وادعولى اشتري سيارة كويسة

رد: فيرنا ولا لانوس
 

اتفق مع الزملاء فى افضلية انك تبداء بالمستعمل

بس خد بالك الجديد (رغم انة خسران خسران زى ماقال انور) فهو بيعة مضمونة صعب ان حد يغشك فيها لكن المستعمل لو اشتريتة من غير خبرة ممكن (لاقدر الله) تبقى الخسارة اكبر ووجع القلب اكبر
فالمهم تشكف على العربية كويس (من قبل مختصين) واهم حاجة الحالة

وبالتوفيق يا دكتور ان شاء الله

رد: فيرنا ولا لانوس
 

فعلا إحنا نسينا نقولك ،،

في المستعمل لا تهتم و لا بالماركة و لا بالموديل

الحالة ثم الحالة ثم الحالة ،،،،

و بعدين تشوف اخبار توفر قطع الغيار و اسعارها

لأن الأمر لا يخلو من سلك يتقطع و خرطوم يضرب

و بالتوفيق ان شاء الله مع اي اختيار

رد: فيرنا ولا لانوس
 

طالما ان خبرتك فى السيارات محدودة اوعى تشترى المستعمل مش هاتلاقى وقت لتعليم السواقه لأن وقتك كله عند الميكانيكى وصباح الأشتغالات اول مايتعرف انك بتتعلم
لو افترضنا انك اشتريت سيارة قديمة وبعد تصليحها وبيعها خسرت فيها طبعا بين 2000 إلى 3000 جنيه وذلك فى احسن الظروف ودى كمان غير الوقت الى ضاع منك
انصحك انك تتعلم عن طريق شركة تعليم القيادة هاتوفرلك شخص للتدريب وسيارة حديثة ويخلص الكورس وتبدا بأخر حتى تحس انك قادر على القيادة الأمنة وتشترى سيارة جديده بدون تردد