تعديل سيارة ميكروباص إلى سيارة رحلات ملاكي بسرير
 

تعديل سيارة ميكروباص إلى سيارة رحلات ملاكي واستخدامها في السفر والنوم فيها


عندي سؤال لكل الأخوة الخبراء في هذا الموضوع وهو:
هل يمكن أن أشتري سيارة ميكروباص وأحولها إلى ملاكي وبعد ذلك أعمل تعديلات بالسيارة، فأعمل ليها سرير يثني ويفرد مع باقي أدوات لاستخدامها في رحلة مثلا سخان صغير وثلاجة برضه صغيرة ويكون ليها فوق السقف مكان للتخزين صغير وفي الحالة ديه، العربية هتكون موتورها كبير، عشان أنا مش عايز موتور كبير قوي، فهل يمكن تركيب موتور مثلا 1600 سي سي بنزين وممكن السفر يكون مثلا للاسكندرية أو أي مكان تاني مش بعيد قوي ومش مهم تكون العربية مكيفة، لو ده ممكن أنهي نوع من الميكروباصات ينفع ويكون أحسن من غيره بالنسبة للمواصفات اللي قلتها، وهل المرور هيرفض التعديلات دي، كمان عايز يكون الميكروباص حجمه مش كبير قوي، معلش للاسئلة الكتيرة بس الموضوع ده مهم بالنسبة لي قوي، عشان عايز مثلا مش كل سنة أسافر مكان واحد بس زي الاسكندرية ويكون عندي امكانية السفر براحتي للمكان اللي عايزه، وشكرا

رد: تعديل سيارة ميكروباص إلى سيارة رحلات ملاكي بسرير
 

انا جربت ميكروباص هيونداى ستاركس ديزل ..

وانا شايف انه ممتاز للى بتفكر فيه ..

والكنب اللى فيه ممكن يتفرد ويبقى زى السرير بالظبط ..

كمان فيه تكييف قوى ومنفصل للى راكبين ورا منفصل عن اللى قدام ..

وواسع وممكن تركب فيه تلاجة صغيرة ..


وسحبه ممتاز وموتور ديزل تربو انتركولر ومريح فى السفر جدا وسواقته جميلة ..

رد: تعديل سيارة ميكروباص إلى سيارة رحلات ملاكي بسرير
 

بس ده هيكون سعره عالي أوي، أنا عايز حاجة سعره مش غالي

رد: تعديل سيارة ميكروباص إلى سيارة رحلات ملاكي بسرير
 

ممكن تجرب تلعب في ميكروباص فولكس القديم فيه منه مترخص ملاكي تجيب واحد وتلعب فيه زي منتا عاوز بس اكيد عاوز مصاريف كتير

رد: تعديل سيارة ميكروباص إلى سيارة رحلات ملاكي بسرير
 

الفولكس دي متنفعش خالص، أنا عايز عربية أعتمد عليها وأقدر أسافر بيها

رد: تعديل سيارة ميكروباص إلى سيارة رحلات ملاكي بسرير
 

يا باشا انا قلت تجيب واحده وتلعب فيها زي منتا عاوز
يعني هتغير ماتورها وتجيب ماتور اكبر ويا حبذا لو يكون ديزل علشان يبقى عزمه كبير لو حبيت تجيب مقطورة معاها
وهتعمل فيها كل الشغل اللي انت عاوزة زي شغل bimp my ride كده
وعلى ما اذكر هما كانو عملوا حاجة زي كده على عربية فولكس
دهنوها ابيض في اخضر لموني
وركبوا ماتور قوي فيها وعلى ما اظن كان فيه تكييف
وركبوا كاوتش وجنوط ستانليس
والجزء الخلفي عملوه استوديو صغير كنبة بتطبق وتتفرد وشاشة عرض بلازما وسوند سيستم قوي وثلاجه صغيرة واظن الكنبة كانت معموله بزاوية زي ما تكن ركنه في ظهر كرسي السائق


م الأخر كل حاجة ممكن تتعمل لكن التموييييييييييييييل
عموما فكر فيها كويس وبعدين قرر
لو عاوز تعلي الموضوع اكثر ممكن تفكر في ميكروباص تويوتا صيني اظن بيعمل 80 الف وتنفذ فيه اللي انت عاوزة بنفسك الافكار او حاجة قريبة من اللي قلت عليها

او لو عاوز تظبط وتعدل على حاجة قديمة برضة فيه ميكروباصات تويوتا ومازدا وهيونداي مستعمله وتغير مكنة جديده وعاليه وفيها تكييف وتشد وتظبط بس حدد الامكانيات المادية اللي معاك علشان تقدر تفكر وتنفذ

رد: تعديل سيارة ميكروباص إلى سيارة رحلات ملاكي بسرير
 

إلى sad-bird
شكرا على الأفكار دي كلها وبأفكر دلوقتي في اللي حضرتك قلته كله وأشوف المناسب، ويارب ألاقي صور على النت لحاجة زي كده، ألف شكر