|
ممكن اعرف مزايا و عيوب الكروز
صباح الخير عليكم ممكن اعرف مزايا و عيوب الكروز و هل التوكيل بيقدم خدمات الصيانه كويس ومدي سمعتة و كمان عايز اعرف كل شئ عن الكروز وبالاخص العيوب لانى ناوي اشتري سياره و محتار بين اربع موديلات الكورولا و الكروز و السيراتو واللانسر طبعا الكورولا غنيه عن التعريف بس مشاكل الشكل الجديد مخوفانى منها وكمان اللانسر الشارك شكلها مش عاجبنى بس 2009 ممتازه بس طبعا السعر بياثر علي تفكيري و الامكانيات وياسلام لومقارنه ونقاش علي الموضوع ده اكيد هستفيك لان رايكم يهمنى جدا جدا جدا جدا
اللهم يسر لي امري واسترها مع الجميع |
رد: انا عيز رايكم في موضوع مهم للغايه
هي العربيه مش معايا بس مع واحد اعرفه بيقول انها مش وحشه وانه كان جاي علي الطريق السريع كان جايب 210كم وماشاء الله ثاابته اما بقي قطع الغيار دي معرفش فيها انتا ممكن تكلم محل موزع معتمد اعرفه في الحرفيين بتاع قطع غيار اوبل وشيفورليه وتساله عن الاسعار هو دا رقم المحل اسمه الوطنيه 0107250508
|
رد: ممكن اعرف مزايا و عيوب الكروز
مميزاتها شكل جميل وفخم جدا
شكل الطابلوه اجمل من كل عربيات فئتها الفتيس الاوتوماتك بتاعها من شركة اوبل الالمانية وطبعا 6 سرعات صاجها قوى وعربية امان جدا واخدة 5 نجوم فاختبارات الامان الاووبية وباعلى درجات يعيبها عدم وجود فتحة سقف و ان طلعتها بطيئة شوية انما بعد ال100 جبارة و بذلك هفهيا تشبه اغلب العربيات الالمانية ال1600 سى سى فمصر زى الاوبل فكترا و الاوكتافيا على سبيل المثال |
رد: ممكن اعرف مزايا و عيوب الكروز
من مميزاتها ايضا
ان العربية ديه ثابتة ثبات رهيب حتى عالسرعات العالية 150 و 180 وفراملها استجابتها فوق الممتازة |
رد: ممكن اعرف مزايا و عيوب الكروز
مع احترامي الشديد لكل الاراء
بدون تفاصيل مملة ( ممكن ترجع للمقارنات و التقارير لكل سيارة على حدة ) لو معاك فلوس هات الكورولا بدون تردد ابعد عن اللانسر شارك بعدين الكروز بعدين السيراتو |
رد: ممكن اعرف مزايا و عيوب الكروز
هو الفرق بين الكورولا والكروز كتير .ولكن اذا كانت امكانيات في حدود الكروز انا ابن خالتي معاه الهاي لين .وانا عن نفسي سوقتها ,ثبات فوق الوصف كنا علي الصحراوي 180 وبدون اي اهتزاز ,العفشة نشفة شوية بس ده مش عيب لأن انا كنت حاطط علبة كانز في منتصف العربية من الخلف.وطلع علي مطب والكانز موقعتش .قطع الغيار رخيصة ومتوفرة .العزل ممتاز ,وسع الشنطة ايضا ممتاز,الصالون جيد,الفرش والشكل طيعا جميل جدا.بس العيوب الأساسية ده الكلام من التوكيل :العربية في بعض الاحيان لا تدور صوت مارش بس وبعد عده محاولات تستجيب,العيب ده تم حله في التوكيل عن طريق عمل update للكمبيوتر .وفي صوت صفارة في الخلي عند الرجوع وده مش في كل العربيات وده بردة بيتحل في التوكيل انه بيعمل order لطقم كالبيلر خلفي وانا معنديس اي فكرة اي ده .واسف علي الاطالة
|
رد: ممكن اعرف مزايا و عيوب الكروز
بعد السلام عليكم العربيه معايا والحمد لله العربيه محترمه جدا ومفيش منها مشاكل تخوف اكتر من مشاكل فرديه مش موجوده فى اغلب الاحيان الدواره وبتتحل فى الوكيل بدون اى مشاكل ولما كنت فى التوكيل محستش انها مشكلة كل العربيات لان كان فى عربيات تقريبا عددها 10 او15 عربيه كنت الوحيد الى تشتكى من المشكله دى وهى قابلتنى مرتين فى خلال 4 شهور وكان السوفت وير والى اعرفهم من اصحابى واحد بس كان عنده نفس المشكله وكان الكابل الارضى مش مربوط كويس لاكن العربيه مشاء الله كويسه جدا بالنسبه للسعر والفئه وكمان الناس هنا وصفوها بكل دقه وامانه وربنا يوفقك
|
| الساعة الآن 06:50 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017