خفض الجمارك علي السيارات الأوروبية من أول يناير القادم
 

خفض الجمارك علي السيارات الأوروبية

تنفيذا للاتفاق الموقع بين وزارة التجارة والصناعة‏,‏ والاتحاد الأوروبي‏,‏ تبدأ مصلحة الجمارك في خفض الرسوم الجمركية علي السيارات الأوروبية بنسبة‏ 8%‏

اعتبارا من يناير المقبل‏,‏ وبذلك تصبح نسبة الجمارك‏32%‏ من قيمة السيارة الأوروبية بسعة محرك أقل من‏1600‏ سنتيمتر مكعب‏.‏
وبالنسبة للسيارات ذات السعة الأعلي تنخفض جماركها إلي نسبة‏108%‏ بدلا من‏135%‏ حاليا‏.‏
ويدعو الاتفاق مع الاتحاد الأوروبي إلي خفض الجمارك بنسبة‏10%‏ سنويا اعتبارا من العام الحالي لتصل إلي صفر بحلول عام‏.2019‏
كما قررت مصلحة الجمارك خفض الرسوم علي السيارات المستعملة بشرط أن يكون مستوردها هو مالكها الأصلي‏,‏ وتندرج نسبة خفض الجمارك في هذه الشريحة من‏10%‏ إلي‏50%‏ طبقا لتاريخ الصنع‏.‏

منقول من جريدة الأهرام اليوم 1/11/2010

رد: خفض الجمارك علي السيارات الأوروبية من أول يناير القادم
 

خبر جامد طدا على كدا لازم يومين ونسمع تغييرفى الاسعار ولا الشركات الحرمية اللى هنا هتعمل مش واخدة بالها كالعادة

رد: خفض الجمارك علي السيارات الأوروبية من أول يناير القادم
 

السيارات الاوروبيه مع فئه قليله من الشعب وللاسف السيارات الاخرى المطلوبه مع كافة الشعب
ليست ضمن الاتفاقيه فلن نلاحظ اي فرق في الاسعار ..................

جات الحزينه تفرح ......................... ..............الخnononono

رد: خفض الجمارك علي السيارات الأوروبية من أول يناير القادم
 

ليه بس التشاؤم ماهو الاوربى لما ينزل سعره الباقى حيضر انه ينزل سعره عشان المنافسة وربنا يجعل اللى فيه الخير

رد: خفض الجمارك علي السيارات الأوروبية من أول يناير القادم
 

المفروض فعلا الأسعار تنزل على الأقل خمسة في المية

رد: خفض الجمارك علي السيارات الأوروبية من أول يناير القادم
 

عشان كلامنا يكون موضوعى و على أرض الواقع .

القرار ده بدأ تنفيده ابتداء من 1-1-2010 , OK ؟؟؟؟؟

احنا هناخد لينا مثال 4عربيات , OK ؟؟؟؟؟؟؟

1 - سعر العربية الباسات 1600مثلا الزيرو موديل 2010 كانت نازلة مثلا فى 11-2009 بكام ( لما كانت الجمارك لسه 40% )

2 - العربية الباسات ال1600مو 2010 كانت فى 2 -2010 مثلا بكام ( بعد تطبيق سنة واحدة من القانون يعنى الجمارك بقت 36% بدل 40% )

3 - العربية الباسات ال1600 مو 2011 فى 11-2010 بكام ( اللى هو بعد تطبيق سنة واحدة لأن السنة التانية لسه ماتطبقتش و العربيات اللى بتتشرى فى 11-2010 دى مو 2011 )

4 - العربية الباسات ال1600 مو 2011 لما تتشرى فى 2-2011 بعد تنفيد سنتين من القرار ( هيكون فيه سنتين اتطبقوا من القانون , يعنى الجمارك32% مش 36% ) , هتبقى بكاااااااااااااااام ؟؟؟؟؟؟؟؟؟؟؟

العربية رقم ( 1 ) المفروض سعرها يبقى أكتر من العربية رقم ( 4 ) أو على الأقل زيها -أهو تبقى الأسعار مازادتش- صح ولا ايه؟؟؟

أنا على ما أتدكر أنه بالتسلسل من العربية رقم( 1 ) الى العربية رقم ( 4 ) , أن الأسعار زادت ماقلتش و لا حاجة , يعنى الجمارك نسبتها بتنزل صحيح , بس لازال سعر العربية الأوروبى اللى متطبق عليها الجمارك بيرتفع و لا حياة لمن تنادى و لا احنا حاسيين بأى تخفيض فى السعر نتيجة تنزيل الجمارك و ده للعبقرية المتناهية للحكومة المصرية و التجار المصريين فى أنهم بيقدروا يعفرتوا الدنيا و يخلوا العربيات غالية برضه .

منهم لله .

رد: خفض الجمارك علي السيارات الأوروبية من أول يناير القادم
 

خبر جميل بس مينفعش الحكومة تنزل خبر زي دة و بعدان متعملش رقابة علي الاسعار لان كدة هما معملوش حاجة و ارجح انهم لو معملوش رقابة يبقي دة كللام عشان الانتخابات بس و كمان تلاقيهم منصصين مع اصحاب التوكيلات الاوروبية ارحمن يا رب :(