مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

- - فلتر سيموتا وk&n (https://www.masrmotors.com/vb/showthread.php?t=38370)

فلتر سيموتا وk&n

ممكن اعرف سعر فلتر سيموتا وk&n ضروري وشكرا ......................... ....

رد: فلتر سيموتا وk&n

الأسعار بتختلف حسب المحل والشكل, وفيه حاجات تقليد رخيصة جدا, ياريت تجيب من عند حد محترم.

فلتر سيموتا من 250 الى 400 حسب الحجم.

k&n من 350 الى 500 برضه حسب الحجم, والشكل.

ده متوسط الأسعار بتاعة الفلاتر, بس الأسعار بتختلف أختلاف شاسع, وهتلاقى سيموتا ب 100 وده مضروب, وهتلاقى k&n رخيص وبرضه فى الغالب مضروب, أشترى من عند tps (عادل وجدى) أو enzo أضمن وأحسن, عادل وجدى موزع k&n معتمد.

رد: فلتر سيموتا وk&n

اعرف ازاي الفلتر الاصلي من المضروب .......................

رد: فلتر سيموتا وk&n

الفلتر المضروب بيتعرف من شكله, شكل العلبة بتاعته والخامة والسعر, يعنى السيموتا المضروب مالى السوق, وتلاقى الراجل مديك فلتر معفن ويقولك سيموتا أصلى, تستغرب من شكله وتسأله متأكد, يقولك "ياباشا ماهو مكتوب عليه من فوق أهه", وأنا معايا واحد على فكرة كان ب 80 أيام العز :), بس شاريه على أنه صينى, ومكتوب عليه الكلمة والشعار بتاع سيموتا, بس تلمح شكله, تعرف أنه صينى على طول.

وبعدين فلتر رياضى مستورد من أمريكا أو بره عامة, لازم تمنه يعدى 100 جنيه, ده مستورد يا أخى, ولو نزلت التوفيقية أو أى محل كماليات غير متخصص (بيبيع وخلاص) هيطلعلك فلتر ب 60 جنيه ويحلف بولاده أنه أصلى.

ده غير طبعا أن ساعة ماجبت الفلتر السيموتا المضروب كانت الشركات بتحترم نفسها وبتكتب صنع فى الصين, فده من نظرة بيقولك أن الفلتر مضروب, بس الموضوع ده قل, ودلوقتى المستورد ممكن يختار الشركة الصينية تكتب على المنتج صنع فين :)

الخلاصة, الفلتر المضروب سعره رخيص بغباء, خامته زبالة, العلبة بتاعته شكلها صينى فحت.

ولو عايز تجيب وأنت مطمن, أنا كتبتلك المحلات فوق, المحلات دى مبتتعاملش غير المعاملة الصح, ومش هيغشك فى البيع, ده غير أن معظمهم معاه توكيلات بيع لسيموتا و K&n.

رد: فلتر سيموتا وk&n

الاصلي شكله معروف ولونه زاهي المضروب دايما لونه باهت وهتلاقي الختم عليه محفور فالحديد

رد: فلتر سيموتا وk&n

اقتباس:

المشاركة الأصلية كتبت بواسطة Injection (المشاركة 274065)

ممكن بس حضرتك تقول لنا عناوين عادل وجدي و ENZO فين؟

رد: فلتر سيموتا وk&n

الفلتر السيموتا الصينى بتلاقى السليكون بتاعه لونه ابيض او بيج و الاصلى بيبقى اللون بتاعه اسود و الفلتر السيموتا بيتباع بضمان 100,000 كم يعنى يعتبر مدى الحياه و السيموتا بيبدء من 145 جنية بالضمان و بيتعملة دورة تنضيف كل 5000 كم و على فكرة فى ناس فكرة ان ال k&n احسن على شان امريكى و غالى بس دى مش حقيقة روح اى محل و امسك الفلترين هتلاقى السيموتا اجمد من ال k&n لانو ضعيف و مش بيعيش 4 شهور لان الامريكان عماتا بيعملو منتج يعيش فترة قليلة و يغيروه بعد كده فمش عشان امريكى و غالى يبقى كويس و خلاص
و ENZO غير الاسم بقى Tuning Shop و العنوان بلوك 20 فى الحرفيين اول بلوك فى مدخل الحرفيين من جسر السويس خلف عبد السلام حسن للبى ام وده الرقم 01229464656 و تى بى اس برضة فى الحرفيين