مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   لادا LADA (https://www.masrmotors.com/vb/forumdisplay.php?f=120)
-   -   سؤال هام جدا لكل اللي معاه أو يعرف لادا 2107 (https://www.masrmotors.com/vb/showthread.php?t=38180)

Mr Albert 29-10-2010 10:26 PM
سؤال هام جدا لكل اللي معاه أو يعرف لادا 2107
 
مساء أو صباح الخير عليكم حسب الوقت

أنا إن شاء الله قررت أشتري لادا 2107 جديدة و لما سألت عليها عرفت إن الروسي في منه بدون

كماليات أو بالتكييف فقط و بس لكن مفيش روسي بالباور

أما المصري بقى فموجود منه بكل الكماليات أو بالباور بس أو بالتكييف بس أو بدون خالص

السؤال المهم بقى إللي أرجو أي حد يعرف إجابته ما يبخلش عليا بيها هو : هل جودة الروسي تستاهل

أضحي بالباور في سبيلها و أجيب العربية روسي بالتكييف بس و لا الباور هو اللي يستاهل إن أنا أضحي

بجودة الروسي و أجيب العربية بباور و تكييف لكن مصري ؟؟؟4BY4

koashraf 30-10-2010 03:13 AM
رد: سؤال هام جدا لكل اللي معاه أو يعرف لادا 2107
 
ياعزيزى اللادا سواق بباور اومن غير مش حتفرق كتير ....بس انصحك بالروسى لان تقفيلها افضل ومشاكلها اقل هى اللاداميزتها فى توافر قطع الغيار ورخص اسعارها غير كده مافيش مزايا أخرى.

Mr Albert 30-10-2010 11:35 PM
رد: سؤال هام جدا لكل اللي معاه أو يعرف لادا 2107
 
شكرا أستاذي العزيز على ردك و إهتمامك أنا عجبني فيها فعلا المميزات الي حضرتك قلتها ده غير المتانة إللي أصبحت مش موجودة في عربيات كتير ألف شكر لحضرتك مرة تانية .
بصراحة مكنتش متوقع كده أبدا 26 مشاهدة و مفيش غير رد واحد بس

koashraf 31-10-2010 10:03 PM
رد: سؤال هام جدا لكل اللي معاه أو يعرف لادا 2107
 
لاشكر على واجب وتستطيع ان تأخذ فكره اكثر عن العربيه فى قسم اللادا-حبيت اقولك كمان لوحتجيب لادا ياريت تكون كاربراتير عادى مش حقن لانه ثبت فشله هو والتكييف فى اللادا.

mhemeda 31-10-2010 10:39 PM
رد: سؤال هام جدا لكل اللي معاه أو يعرف لادا 2107
 
بس انا سمعت ان التوكيل بيركب باور دلوقتي ل 2107

tom_gr 31-10-2010 11:07 PM
رد: سؤال هام جدا لكل اللي معاه أو يعرف لادا 2107
 
عاوز نصيحتى؟

ماتجبش لادا زيرو
ليه بقى ؟

لان اللادا موديل التسعينات هى هى موديل ال2011 هات لادا استعمال موديل التسعينات هاتكون حالتها كويسة جدااا وكمان هاتكون اكنها جديدة لا فرق بينهم لان الادا بتعمر اوى اوى
ووفر فرق الفلوس وخليه معاك احسن

Mr Albert 01-11-2010 09:21 PM
رد: سؤال هام جدا لكل اللي معاه أو يعرف لادا 2107
 
ألف شكر بجد يا جماعة على ردودكم بالنسبة للادا كاربراتير أنا هجيب لادا روسي فهل في إختيار إنها تكون كده أو كده ؟؟؟
توم نصيحتك صح جدا اللادا ماتغيرتش من التسعينات لكن للأسف البلد إللي أنا فيها اللادا أصلا قليلة فيها و أنا ليا حوالي 6 شهور بدور على لادا موديل التسعينات لكن مش لاقي


الساعة الآن 12:42 AM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017