|
واضح ان الاخ ميدو خايف على نيسان من السمعة السيئة!
اول ما كتبت ان نيسان سحبت ملايين السيارات على مستوى العالم لوجود عيب فى كونترول المحرك انبرى الاخ العزيز ميدو فورا ليدلل من عنوانه ان نيسان مصر بعيدة عن العيوب
الى متى سيظل اصحاب الشركات و التوكيلات فى مصر يستخفون بعقول المصريين؟ طبعا كلنا فاكرين فضيحة تويوتا مصر عندما تسرعوا و اعلنوا ان تويوتا مصر خالية من العيوب و بعدين بعد ما اتفضحوا اضطروا يصلحوا العيب و لسة مخلصين تصليحه من ايام انا عن نفسى عربيتى فيها عيب و رحت توكيلين مش عاوزين حتى يتعبوا نفسهم و يحاولو يعرفوا ايه العيب؟ ايه رايكو؟ ازاىاستغل الموقف احسن استغلال؟؟ |
رد: واضح ان الاخ ميدو خايف على نيسان من السمعة السيئة!
حطلب من سياتك طلب
ممكن تروح لاي مركز خدمة ( بتتعامل مع جميع الماركات للصيانة ) وتقوم بالكشف علي سيارتك وتحدد الجزء الي فية عيب صناعة وبعد كدة انت عارف الباقي |
رد: واضح ان الاخ ميدو خايف على نيسان من السمعة السيئة!
يا جماعة انا مش بدافع عن التوكيل ولا عن العربية ده خبر وانا نقلته وفى اخر الموضوع انا كاتب منقول
|
رد: واضح ان الاخ ميدو خايف على نيسان من السمعة السيئة!
يا صاحب الموضوع ما تتكلمش على حد بالأسلوب دا انت عامله كمان موضوع لوحده هو حر يقول اللي يقوله مش ممكن انت تكون عاوز تشوه سمعة نيسان لأغراض غير معلومة ANAA7TG
|
رد: واضح ان الاخ ميدو خايف على نيسان من السمعة السيئة!
السلام عليكم
ياجماعة الراجل صاحب الموضوع لا بيشوه صورة نيسان ولا حاجة الراجل عنده مشكلة في عربيته الزيرو وبيشارك الناس مشكلته عسى إني حد يقدر يفيده. كمان الأخ ميدو الي نزل الخبر قال عليه منقول ياعني بردو لا بيدافع ولا حاجة دا قرى خبر وحب يشاركه مع السادة الأعضاء. خلينا نفترض حسن النية في تصرفاتنا حتى ثبوت غير ذلك. |
رد: واضح ان الاخ ميدو خايف على نيسان من السمعة السيئة!
مهو مش معنا ده انو يقول زفت يعم روح ظبط عربيتك انا هستلم 2011 صني بكره وكلام زي ده ممكن يضايقني ويضايق اي حد بيحب الصني
|
رد: واضح ان الاخ ميدو خايف على نيسان من السمعة السيئة!
هدو نفسكو يا شباب اى حد مخنوق من التوكيل وعندة مشكلة فى عربيته ممكن يقول اكتر من كده مش بقول ان ده اسلوب صح بس ربنا يكون فى عونه واحنا كمان اللى نقدر نعملة مش هنتأخر
بس ده مش معناه ان فيه مشكلة فى عربيات النيسان وناس بتستر عليها وناس تانية بتدافع عنها والمبالغات ديه بالعكس العربيات ماشيه بقالها سنين وناس كتير بتشكر فيها واثبتت كفائه من زمان خلاص مفيش داعى للجدل واستاذ اسلام برضو الموضوع مش مستاهل الحدة ديه وعايزك تطمن ان شاء الله عربيتك تستلمها على خير وربنا يهبك خيرها ويكفيك شرها وتفرحنا بموضوع منفصل وتقرير عن العربيه ان شاء الله |
| الساعة الآن 03:41 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017