معايا 40000 جنيه وعايز اشترى عربية
 

Ahmed Refaat السلام على الجميع
انا كنت محتاج للنصيحة
انا معايا 40000 جنيه وعايز اشترى عربية كل الناس نصحتنى اشوف حاجة كورى علشان سوقه وقطع غياره بس انا بالصدفة اتفرجت على عربية سيتروين سى ثرى 2004 ولقيتها خطيرة جدا ولما نويت اشتريها لقيت ابواب جهنم اتفتحت عليا مع انى سألت على قطع الغيار وسألت على العربية ناس ركبينها قالو لى جامدة واقتصادية بس ملهاش سوق بس ركوبة بصحيح وموضوع قطع الغيار مش فارق الا فى حاجات بسيطة المشكلة الرئيسية فى تصليح العربية لانها حساسة جدا ومفيش حد كتير بيصلحها والتوكيل سفاح اركب العربية اللى عجبانى ولقيت نفسى فيها ولا امشى مع الناس.
ارجو الافادة ولكم جزيل الشكر

رد: أرجو النصيحة
 

لو هتعرف تحافظ عليها وتهتم بيها كأنك بتعامل انسان بالضبط وتقدر علي مصاريف قطع الغيار الغالية ( مع العلم انها معمرة جدا جدا ) توكل علي الله .

رد: أرجو النصيحة
 

هلا بيك اخي الغالي...
اخي كلام الناس ما يخلص ..
انته اسال حد عنده نفس العربيه..
وشغله مالها سوق ؟ انته شاري عشان تبيع ولا شو..
تحياتي

رد: أرجو النصيحة
 

رد: أرجو النصيحة
 

انا يا جماعة متشكر جدا على الردود الجميلة والمفيدة وكتر خيركم جميعا

رد: أرجو النصيحة
 

انا كنت زيك كده لما حبيت اجيب الاكسارا
وبرده جبتها رغم ان الناس كلها قالتلي بلاش وسعيد باختياري جدا
وبعدين قطع الغيار مش غاليه ومتوفره ولو عايز تقارن شوف قطع غيار الاوبل والسكودا والفولكس بكام وانت هتلاقيها ارخص
لاكن لو قارنت بالدايو ولا الهيونداي يبقي انت بتظلم العربيه الصراحه
وتقبل مروري

رد: أرجو النصيحة
 

كل الى بيكرهك في الستروين اكيد مجربهاش لانها عربيه ممتازه
انا معايا اكسارا2 و كل الى يسئل بنصحه بيها حتى اختي بعد ما كانت بتنصحني ابعد عنها و اشتري حاجه كوري و لكن لما اشتريتها و شافتها و جربتها باعت عربيتها و كانت مرسيدس 280se موديل 85 و حالتها ممتازه بشهاده الجميع حتى من اشتراها اتصل بنا بعد فتره ليشكرنا عليها و اشترت ستروين c4 و للعلم هي كانت بتدور على اكسارا زي عربيتي و لكنها اشترت ال c4 صدفه و الحمد لله عربيه ممتازه و بتشكر فيها اوي
اهم حاجه في الستروين الحفاظ على صيانتها جيدآ و عدم الاهمال فيما يخص الصيانه و نوع قطع الغيار