المشاركة الأصلية كتبت بواسطة waelsalah (المشاركة 270319)

السلام عليكم

1. ايه انسب زيت للاكسيل اوتوماتيك 1500 بنزين 80 مو 94

( نوعه وسعره وبتغير كل اد ايه )


على حسب حالة الماتور و المعقول موبيل XHP او ما يعادله من فيسكو او شيل و تغييره كل 5000 كم على الاكثر فى حدود 100 جنيه

-2- وحسيت بتقل فى الدركسيون عن اول استخدامى لها من شهر علما بانها باور ؟

هل سير الباور بيصفر ساعات ؟

وهل يوجد مشكله لو جيبت الدركسيون ع الاخر فى الملفات ؟؟؟

كتر الحركة دى يبوظ الباور اتعود تقف قبل الاخر بسنة

3 -- ع السرعات البطيئة بحس ان العربيه هتفصل فبقوم دايس بنزين عشان متفصلش -- وكمان فى الدوارة لازم ادوس بنزين بعد الكونتاك مباشرة عشان متفصلشي ؟

ده الجزء المسئول عن تنظيم هواء السلانسيه مش عارف فى الاكسيل يبقى ايه ممكن :
1- الاوتوماتيك شوك و ده شغال بالمياه
2- او بديله المتطور صمام الايدل

4-- والعربيه واقفه والكونتاكت شغال بسمع صوت كركره من الخلف ولكن بعد لما امشي بيها الصوت بيروح والماتور سحبه كويس الحمد لله ؟

ده بس علشان السلانسيه واطى يعنى لما تتظبط الخطوة السابقة المشكلة دى حتروح

5-- الصفيحه عملت معايا 140 كم داخل البلد بنزين 80 والعربيه كاربرتير هل هذا استهلاك مناسب ام قليل ؟

طريقة السواقة بتفرق جامد بس برضه اختلال وظيفة تنظيم هواء السلانسيه عليه عامل كبير فان شاء الله لما الاوتماتيك شوك يتظبط الاستهلاك حيتحسن

6-- ايه اهم طرق المحافظة على الاتوماتيك؟

متابعة تغيير الزيت و الفلتر عند حد خبير فى الاكسيل الاوتوماتيك
عدم القرص بدون داعى على الماتور لان ده حياثر على الفتيس

والباور ؟

زيت الباور مبيتغيرش
هو تتاكد من مفيش تسريب من علبة الدركسيون او المواسير و الخراطيم
و زى ما انت قولت حاول متجبش الدركسيون على الاخر

اسف جدا للاطاله ومستنى ردودكم القيمه لتعم الفائدة ؟

المشاركة الأصلية كتبت بواسطة احمد على 1999 (المشاركة 270778)

و نرجوا من خبراء الاكسيل الاضافة

المشاركة الأصلية كتبت بواسطة waelsalah (المشاركة 270995)

جزاكم الله كل خير
فعلا سير الباور كان مرخى الميكانيكي شده وظبط السلانسيه
حضرتك تقصد ايه بالاتوماتيك شوك ؟

طالما الميكانيكى ظبط السلانسيه و المشكلة بتاعة التبطيل راحت يبقى موضوع الاوتوماتيك شوك مالوش لازمة هو على العموم الجزء المسئول عن ظبط الهواء اثناء تسخين العربية (زى الشفاط اليدوى بتاع زمان بس ده فى الاكسيل و الله اعلم بيحس بالحرارة من خلال وصلات مياه )

الميكانيكي قالى افضل تحط زيت كل 1000 كم حفاظا ع الماتور ( حطيت اكسترا بترومين سوبر الابيض)58 ج بغياره وغيرت فلتر زيت اصلى ب 25 ج

فى وجهة نظرى الشخصية وضع زيت ذات كفائة عالية لمسافة اطول افضل للماتور من وضع زيت زيت كفائة اقل لمسافات اقل + فرق السعر واضح يعنى على 5000 حتكون عديت 300 جنيه مستريح اما التانى يا دوب 100 جنيه

وقالى هتحتاج طقم بوجيهات يابانى 2 شمعه؟؟ يا ترى سعره كام ؟؟؟

الصراحة مش عارف بس حيبقى فى حدود ال 50 الى 60 جنيه

اشكرك على اهتمامك الغالى وردكم القيم

العفو يا باشا و زى ما قولت لحضرتك نفسى خبير اكسيل يفيدك اكتر انا كلامى بصفة عامة

ومنتظر المزيد من الافادات والمعلومات القيمه للاكسيل

المشاركة الأصلية كتبت بواسطة احمد على 1999 (المشاركة 271145)

و ربنا يباركلك فيها و طالما الميكانيكى ثقة يبقى حتستريح معاه ان شاء الله

المشاركة الأصلية كتبت بواسطة احمد على 1999 (المشاركة 271490)

احتمال كبير تثبيت الشاكمان
جزاك الله خيرا على الدعوة الجميلة