|
اقصر طريق الي عباس العقاد
ما هو أقصر وأفضل طريق إلي شارع عباس العقاد بمدينة نصر من امبابة
|
رد: اقصر طريق الي عباس العقاد
تاخد كوبري الساحل و تنزل شبرا و منها علي شارع شبرا و بعديها الخلفاوي تاخد كوبري ابو وافيه و كوبري الزاويه و كوبري القبه و كوبري الفنجري تلاقي نفسك عند ارض المعارض و منها تسال الف من يدللك او تطلع اكتوبر وتنزل اخر منزل شمال علي طول و اسال هاتوصل الاتنين زي بعض
|
رد: اقصر طريق الي عباس العقاد
طريق شبرا ممكن يكون صعب .. لكن فيه ناس قالوا لي أني أعدي كوبري 15 مايو وانزل الكورنيش باتجاه التليفزيون ومن عند ميدان عبد المنعم رياض اطلع كوبري اكتوبر علي طول لحد آخره اللي انا ماعرفش اخره فين أصلا وبدون ما أنزل يمين ولا يسار ولما انزل حا أجد المنصة ومن عندها يكون سهل الوصول لرابعة العدوية واول شارع عباس العقاد .. يا تري كدة صح ؟
ولو صح عاوز توضيح بالنسبة للنزلة من علي كوبري اكتوبر اللي توديني فعلا للمنصة حتى لا انزل غلط وألاقي نفسي في منطقة تانية بعيده .. وألف شكر مقدما للمساعدة . |
رد: اقصر طريق الي عباس العقاد
و انت على الكبري بعد ما تعدي فوق ميدان العباسية و مسجد النور تاتي نزلة صلاح سالم عديها و بعدها هتلقي الكبري به ثلاث نزلات يمين و شمال و الى الامام خد الشمال و كمل علطول 3 تقاطع يمين هو عباس العقاد
|
رد: اقصر طريق الي عباس العقاد
و انت علي كوبري اكتوبر خليك ماشي علي الشمال علشان ما تتلخبطش في النزله
|
رد: اقصر طريق الي عباس العقاد
اطلع أكتوبر وما تنزلش منه إلا في نهايته وخليك ماسك شمال زي ما الإخوة قالوا، هتنزل في شارع النصر (الأوتوستراد)، هتمشي فيه وتعدي إشارة رابعة، وتكمل لحد لما تلاقي بنزينة على اليمين ومول مركاتو على الشمال، البنزينة دي هي أول عباس، خش من جنب البنزينة تبقى في عباس. وعلى فكرة الحتة دي اسمها برده ميدان الساعة؛ لأنك هتلاقي على الشمال بعد مركاتو وبعد محل توم أند بصل بتاع الكشري هتلاقي ساعة كبيرة ، الساعة دي في ظهرها شارع النزهة.
|
رد: اقصر طريق الي عباس العقاد
جزاكم الله كل خير
|
| الساعة الآن 12:22 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017