استطلاع انسب عربية خليجى تاخدها معاك وانت راجع مصر
 

العنوان واضح والسؤال هو ما هى انسب عربية من فئة 1600 ممكن تاخدها معاك الى مصر انا اقيم واعمل فى السعودية وحاب رأى الاعضاء الخبراء فى السيارات وخصوصا العضو احمد سالم (لآراؤه الغير منحازة والموضوعية) عن رأيهم فى هذا السؤال فانا متواجد فى المملكة ومعنديش مشكلة فى متابعة الضمان مع الوكيل وابعد عن عيوب التقفيل المصرية الشائعة واخذ ميزة الخليجى لو هو ميزة برأى الاعضاء وسؤالى عن افضل سيارة من حيث الاداء وقلة الاعطال وتحمل السفر وقطع الغيار بعد كده فى مصر انشاء الله وانا مش مستعجل ليا 3 سنين منزلتش مصر وقدامى سنة وممكن اجيبها بعد الاجازة الجاية ان شاء الله يعنى ممكن موديل 2012 مثلا يعطينا ويعطيكم العمر انشاء الله مشكورين على الردود مقدما

رد: استطلاع انسب عربية خليجى تاخدها معاك وانت راجع مصر
 

اضم صوتي لصوتك بشدة متضامنا معك قلبا وقالبا
لان لي تفس الرغبة
منتظر اراء الاخوة الاعضاء

رد: استطلاع انسب عربية خليجى تاخدها معاك وانت راجع مصر
 

عندك العربيات الالمانى بجميع فئاتها وموديلاتها
مثل
الفولكس فاجن : الجيتا والباسات
الاسكودا : الاوكتافيا والسوبيرب
الفورد : فوكس - مونديو

الفئه الاعلى سعرا :
BMW : الفئه الثالثه : 316-318-320
المرسيدس: C-Class
الاودى : A4

دى اكثر عربيات انتشارا فى مصر بعد الكورى واليابانى
بس اكثر اعتماديه وثقه وتحمل بس طبعا اغلى سعرا من الكورى واليابانى

ربنا يوفقك

رد: استطلاع انسب عربية خليجى تاخدها معاك وانت راجع مصر
 

رائي الميسوبيشي لانسر البومة لانها في الخليج رخيصة جداااااااا تقريبا ارخص عربية يباني موجودة في الخليج و في نفس الوقت في مصر ماسكة سعرها

رد: استطلاع انسب عربية خليجى تاخدها معاك وانت راجع مصر
 

مشكور الاخ سايد فيو
لكن السيارات الاوروبى لا تنزل بفئات خليجى فكلها للشرق الاوسط يعنى ممكن اجيبها من مصر
وهنا مالهاش سوق يعنى لا قطع غيار ولا وكيل جيد وبعدين حضرتك رحت بعيد للبى ام احنا من اصحاب الـ 128 فى مصر
انا محتار هنا فى فئة الـ 1600 مثل الكورولا والهوندا السيفيك والالنترا والميتسوبيشى ولو فيه حاجة تانى مميزة فى مصر من نفس الفئة طبعا اعلى من 1600لا لا لا لا الجمارك نار ولذلك انا بطلب الرأى والمشورة حسب قطع الغيار فى مصر والتحمل والاداء والثبات فى السرعة يعنى مش مهم سعر البيع بعدين انا حتى محتفظ بالـ 128 ومش حابيعها
شكراً

رد: استطلاع انسب عربية خليجى تاخدها معاك وانت راجع مصر
 

السلام عليكم
كورولا 1600
هشام باهى

رد: استطلاع انسب عربية خليجى تاخدها معاك وانت راجع مصر
 

لأن سيادتك محدد نفسك فى اليابانى , بس .

أنا أرشح لسيادتك :

1 - التويوتا كرولا ال 1600 .
2 - الميتسوبيشى لانسر البومة ال 1600

الهوندا سيفيك و المازدا 3 مش منتشرين أوى فى مصر زى الكرولا و اللانسر, عشان كده خليهم الاختيار التالت و الرابع .

و أفضل شئ بالفعل أنك تجيب عربية هناك زيرو و تركبها السنتين التلاتة الأولانيين و تستفيد من كدا حاجة :
1 - أنك راكب عربية زيرو و مش هتصرف عليها و خصوصا أنك هتحافظ عليها و كمان البنزين و الزيت و قطع الغيارهناك فى السعودية أنظف و أضمن من مصر 100 مرة .

2 - أنك هتكون مستفيد بالضمان اللى عالعربية فى الأول .

3 - أنك هتجيب معاك و أنت نازل مصر نهائى عربية خليجى مش توكيل مصرى و لا تقفيل مصرى و انت أكيد عارف ايه عيوب التقفيل المصرى .

و دايما فى العربيات , The common is common , يعنى هات العربية اللى منتشرة فى مصر زى الرز و عليها طلب فى الشرا و حاجتها مرمية فى كل حته , حتى عند البقالين و لا تنساق ورا حد يقولك , ( ايه ده؟؟؟؟ , أنت هتجيب لانسر ولا كرولا زى كل الناس , ده فى مصر دلوقتى , طوب الأرض راكب يا كرولا يا لانسر يا سيراتو يا الانترا ) , ده غلط .

الحكاية دى فكرتنى بواحد صديقى أنف و تنك أوى , و الفلوس اللى معاه على أده و عاوز يركب عربية مفيش منها كتير , هنا فى المنصورة , قام رايح جايب ألفاروميو 147 و يومها قولتله , ما بلاش , دى مالهاش قطع غيار خالص , قاللى , ازااااااااااااااااااى , ده فيه واحدة ست مش عارف اسمها ايه عايشة فى بورسعيد و ابنها فى ايطاليا و بيبعتلها كل قطع غيار الألفاروميو, المهم يشاء السميع العليم أنها تحتاج عمرة لأنها مشيت و مفيهاش زيت , يا سلااااااااااااااااااااااا ام , و الله العظيم, اتنفخ فلوس و العربية مارجعتش زى الأول .

و ربنا ييسرلك الخير كله ان شاء الله