|
حد يعرف حاجة عن الماهيندرا سكوربيو الجديدة 2011
سلام وتحية لجميعكم .... طبعاً انا جديدة نوفى فى موضوع العربيات ده .... حتى لسة متعلمتش اسوق ايه ياترى وبما اننا هنجيب اول عربية لينا فى الأسرة ( بالمناسبة عاوزين عربية عائلية وواسعة وتشيل من الحبايب مية ) وإحنا دلوقتى واقعين فى حيرة نجيب كيا كارينز ولا نجيب ماهيندرا سكوريبو الجديدة 2200 cc بس الله يخليكم الى يعرف يقولى كل واحدة ترخيصها كام فى ال 3 سنين والف شكر مقدماً لكل الى هيرد على سؤالى ROSE4U
|
رد: حد يعرف حاجة عن الماهيندرا سكوربيو الجديدة 2011
مفيش وجه مقارنه بين الكارينز والماهيندرا خالص...الكارينز احسن فى كل حاجه من ناحيه الاداء والشكل(طبعا مسأله اذواق) وكمان قطع غيارها اكيد موجوده واعتماديه اكتر من الماهيندرا(ملهاش لا شكل ولا اداء من وجهه نظرى انا)ده غير انها صينى وكمان اتوقف تصنيعها علشان مش مطابقه للمواصفات..وياريت تصلى صلاه الاستخاره علشان ربنا يوفقك للى فيه الخير باذن الله
|
رد: حد يعرف حاجة عن الماهيندرا سكوربيو الجديدة 2011
اقتباس:
اقتباس:
اقتباس:
اقتباس:
|
رد: حد يعرف حاجة عن الماهيندرا سكوربيو الجديدة 2011
الماهيندرا عربيه هندى تجميع مصرى
تقفيلها من جوه سىء جدا جدا الكارينز افضل منها بمراحل بالرغم من انها اصغر فى الموتور بس شركه محترمه ولها سمعه عالميه مش مجهوله الهويه زى الماهيندرا بالنسبه لترخيص الكارينز فهو حوالى 1000 جنيه فى السنه بالضريبه بكل حاجه |
رد: حد يعرف حاجة عن الماهيندرا سكوربيو الجديدة 2011
اقتباس:
عفوا يا ابوسلمى ممكن تكون المعلومه اختلطت عليا..هي فعلا هندى وكمان الكومودو هيا للى اتوقف تصنيعها...وعلى العموم مفرقتش كتير لانهم اسوأ من بعض |
رد: حد يعرف حاجة عن الماهيندرا سكوربيو الجديدة 2011
مع كل احترامي للهنود وخاصة اميتاب باتشان انا اخويا مدير مبيعات ماهيندرا اسكوروبيو وهي عربيه هندي فعلا بس مش وحشه اوي ...مقارنة بالسيارات اللي في سعرها فهي اقل واحده ومقارنة بالكارينز ...الماهيندرا اقل قليلا من الكارينز من حيث الثبات بالذات ..وعفوا علي الاطاله..وليــــــــد
|
رد: حد يعرف حاجة عن الماهيندرا سكوربيو الجديدة 2011
انا نقسى كل واحد مجربش العربيه ميتكلمش وخلاص. الماهيندرا اقسم بالله العربيه تمام والله والدى معاه واحده 2010 2200 سىسى Turbo Diesel يعنى امشى وهاتى 3000 RPM واتفرجى على سحب العربيه اوتوماتيك 4x4 اقسم بالله عربيه تمام جدا وموتور هادى جدا رغم انه جازوسحبه جيدا جدا و عفشه جيب ليبرتى ناعمه جدا وبتستحمل طرق مصر و عاليه عن الارض كائنك راكب اتوبيس هههههه و توكيلها البافاريه بتاعت بى ام اقسم بالله مشيت بالعربيه 170 بالتكييف ثبات ممتاز عزل ممتاز تكييف اكثر من كلمه رائع والله من يوم ما والدى جاب العربيه ماعملوش اكثر من 2 و فيها فرامل ABS (مانعه للانزلاق) و Dual Air Bags (وسائد هوائيه) و Cruze Control (مثبت سرعه) و Gps وDvD امامى و خلفى و Cd و تكييف خلفى (قتحات تهويه) و اريال للتلفزيون و منبه اذا كان فى رادار ولا حاجه و كاميرا خلفيه و فتيس غرز مكون من 2h,4Lo,4h وجنوط اسبور مقاس 16 انش عريض انا عايز واحد يقولى عربيه فى مصر جوده هنديه تمنها 170 الف بكل الكماليات دى وعلى فكره تقفيل هندى مش بتطلع بافراج جمركى لان ال DvD والاضافات دى بتتركب فى مصر لكن العربيه كلها هندى وعلى فكره فيها Hok خلفى وامامى و سلم جانبى لسهوله الدخول و الخروج من السياره./ اما ال 4x2 منها بنفس الكماليات كلها ماعدا الجنوط الاسبور العريضه بتيقى جيه بطاسات وبدون ال Hok وتمنها 143 الف والله العربيه ممتازه عمله حوالى 16000 كم حتى الان تمام جدا جدا انا باخدها على طول من والدى و اديله الرام لانها كبيره اوى ههههههههه و فى الاول والاخر الخيار لكى ومبروك مقدما على اى اختيار واستخيرى ربنا قبل اى شئ واى استفسار انا متواجد اما الكارينز مانصحكيش بيها لان فى الاول و الاخر كيا يعنى3 سنوات و ارمى / و ياريت ماحدش يتكلم عن حاجه مركبهاش من فضلكم
4BY4 واسف على الاطاله 4BY4 |
| الساعة الآن 02:14 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017