|
هل تعتبر نفسك بتعرف تسوق؟؟؟
السلام عليكم يا شباب ... يا رب كلكم تكونوا تمام و بصحة جيدة
عاوز أفتح موضوع جديد للمناقشة معاكم و هو (معايير السائق الجيد ) امتى تقول على واحد دا بيعرف يسوق او بيعرف يسوق كويس أو استاذ سواقة أو شوماخر :) ؟ هل الذى يلتزم بقواعد المرور بحذافيرها هو السائق الجيد ؟ هل اللى بيعرف ياخد غرز كويس هو السائق الجيد؟ ولا اللى عنده ذوق بزيادة و بيعى الناس كلها هو السائق الجيد؟ هل اللى بيمشى بسرعة هو السائق الجيد؟ هل الذى يراعى السيارات من حوله هو السائق الجيد؟ هل الذى يتفادى الحوادث هو السائق الجيد؟ مين بالظبط هو السائق الجيد ؟؟؟؟؟ ايه الشروط و المعايير اللى لازم تتوفر فيه ؟ و كل واحد يقول بصراحة هو شايف نفسه فين من السائق الجيد.... |
رد: هل تعتبر نفسك بتعرف تسوق؟؟؟
اقتباس:
اكيد طبعا انا احسن سواق في الدنيا ... واحسن من شوماخر و هاميلتون و الونسو و ميكي و تان تان و جيمس بوند كمان |
رد: هل تعتبر نفسك بتعرف تسوق؟؟؟
ايه يا محمد ياكمال..... ده كل سؤال عاوز موضوع لوحده؟
كنت قسمتهم على كذا موضوع وخلصت... عموما انا بسوق كويس وأخطائى فى القيادة ضئيلة جدا والحمدلله |
رد: هل تعتبر نفسك بتعرف تسوق؟؟؟
يعني لما اجي داخل تقاطع و الاقي عربيه واقغه قبلي ... المفروض اعمل ايه :-
اقف و اعديها ( ده المفروض على حد علمي ) .....ايه اللي بيحصل بعد كده 1) العربيه تعدي و كل اللي جاي وراها يعدي و محدش يقف ... و يجي اللي ورايا يديني كلاكسات و فلاشرات متغاظ من اللي انا عملته. الاقي نفسي مضطر اقطع الطريق بغلاسه على اللي ماشيين و اوقفهم !!!!! و ابقى كده طلعت ذوق و مش ذوق في نفس الوقت..... ذوق لأني عديت عربيات... و مش ذوق لأني قطعت الطريق على عربيات... مع انه حقي و دوري اني اعدي!!!! ... و حتى لو فضلت واقف لحد العربيات ما تخلص ( ده لو خلصت ) او حد (ذوق) وقف يعديني... حبقى في نظر اللي واقفين ورايا مبعرفش اسوق لأني سبت حقي و استنيت لحد ما حد وقفلي ptmnlo123per1118 2) لو كملت مشي و موقفتش خالص ..... كله بيعدي ورايا و يضطر سواق العربيه اللي واقف يكبس ببوز عربيته شويه شويه لحد ما يعرف يعدي او يلاقي حد ذوق ( او خايف على عربيته) يقف له يعديه هو واللي وراه و الناس تعد تكلكسله و تديله فلاشر على اللي هو عمله و نرجع للسيناريو ( 1 ) ايه بقى علاقه اللي انا قلته ده بالسواقه ؟؟؟!!!!!!!!!!!!!! بلدنا مفيهاش سواقه !!!! فيها حاجات تانيه .... المرور للاسرع ..... الوقوف للحلوه ...... اللي ماشي غلط يعدي الاول ..... اللي يدخل ببوز العربيه الاول...... وحاجات كده |
رد: هل تعتبر نفسك بتعرف تسوق؟؟؟
مساء الفل يا رجالة
انتو خدتوا الموضوع بجد قوى كدا ليه :) واضح انى جيت على الجرح و أسباب السكتة القلبية و الضغط و السكر اللى بييجى للناس بسبب السواقة عموما ممكن نغير الموضوع ..... و نخليه فى نقطتين 1- قول لنا نصايح بحاجات بتعملها و انت سايق و شايف ان هيبقى كويس قوى لو كل الناس عملت كدة 2-قول تصرفات بتعملها الناس فى السواقة و بتتخنق منهم و يا ريت محدش يعمل كدة أبداا و اهدوا يا رجالة الموضوع مايستاهلش كل ده ptmnlo123per122 |
رد: هل تعتبر نفسك بتعرف تسوق؟؟؟
اقتباس:
.... ده الموضوع الاول كان ارحم ... ptmnlo123per139 وكمان كاتبها بالاحمر ..... ptmnlo123per1128 لا ياعم كفايه عليا كدا ... حد تاني يشارك انا قربت ...ptmnlo123per131 |
رد: هل تعتبر نفسك بتعرف تسوق؟؟؟
سؤال وجيه هل تعتبر نفسك بتعرف تسوق؟
القيادة فى رأيى الشخصى تتكون من ثلاث اجزاء 1 - قائد السيارة 2- حالة سيارتك 3 - السائقين الاخرين 4 - الطريق فى وجهة نظرى إن اللى بيتعامل مع العاملين الاخرين بحكمة يبقى سواق كويس يعنى اية بحكمة؟ 1 توقع اخطاء الاخرين هههههههه و والله هيا كتير اوى و اوعى تقول ان انت مش بتغلط 2 سرعة رد الفعل عند حدوث خطا من الاخرين و حسن التصرف و كتير كلنا اتعرضنا للمواقف دى 3 الهدوء فى القيادة ناس كتير بيتعصبوا اول لما يقعدوا على كرسى السواق تلاقيه بقه عصبى و متوتر من غير داعى 4 بالنسبة لموضوع الذوق و الاصول فمحدش هيعجبه العجب ولا الصيام فى رجب لو وقفت عشان تعدى حد اللى وراك هيهريك كلاكس ولو مشيت من غير ما تعديه هيقول قلة ذوق عشان كدة موضوع الذوق ده موضوع نسبى بس حاول بقدر الإمكان انك تكون مهذب و زوق 5 السلوك السىء للسائق بينعكس على طريقة قيادتة و كلنا بنسمع ألفاظ بالكلاكس بلاش ندخل بيها بالنسبة للطريق لما تسوق فى مكان مش عارفه او اول مرة تمشى فيه بتكون اكثر علاضه للتعرض للحوادث و دغدغة و فشفشة و بهدلة العفشة على عكس لما طريق تكون مقطعه كل يوم رايح جاى تاخد يمين فى المكان الفولانى و تمشى فى النص فى الوقت الفولانى و لازم تاخد شمال دلوقتى عشان هتقبلك بلاعة بنت حلال بالنسبة للكبارى موضوع كبير جدا لأن المنحنى الخاص باى كوبرى له حسابات و نصف قطر دورانه بيكون معمول باسلوب هندسى لكن كم مرة سمعت ان عربية وقعت من فوق كوبرى؟ متهيالى كتير بالنسبة للتصرفات اللى بتتعمل من الناس فى السواقة و مش بحبها الكلاكس على الفاضى و المليان مزعج جدا جدا جدا انصح قائدين السيارة بالهدوء و السيطرة على النفس و الإلتزام بالقوانين و خصوصا بعدم السير فى الإتجاه العكسى و عدم دخول يمين او شمال فى الاماكن الغير مخصصة لذلك الحقيقة موضوع كبير جدا جدا و عايز كلام كتير جدا جدا اهنيك على فكرة الموضوع الجميلة و المهمة جدا و مش عايز اطول عليكوا اكتر من كدة |
| الساعة الآن 06:02 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017